ရွှေပြည်သာရုပ်ရှင်ရုံ

August 14, 2021

ရွှေပြည်သာရုပ်ရှင်ရုံအနီး ဗုံးကွဲ

ရန်ကုန် ရွှေပြည်သာမြို့နယ်မှာ ဩဂုတ် ၁၄ ရက်  ဒီနေ့ နေ့လယ် ၂ နာရီဝန်းကျင်လောက်က   ၈ ရပ်ကွက်မှာရှိတဲ့ ရုပ်ရှင်ရုံနားက အမှိုက်ကန်မှာ ဗုံးတလုံးပေါက်ကွဲခဲ့ပါတယ်။

ရွှေပြည်သာရုပ်ရှင်ရုံထဲမှာ အကြမ်းဖက်စစ်ကောင်စီတပ်တွေ တပ်စွဲထားတာဖြစ်ပြီး ဗုံးကွဲမှု ကြောင့်တော့ ထိခိုက်ဒဏ်ရာရသူမရှိဘူးလို့  အဆိုပါရုပ်ရှင်ရုံ ပတ်ဝန်းကျင်မှာ နေထိုင်တဲ့ ဒေသခံ တစ်ယောက်က ပြောပါတယ်။

"တပ်စွဲထားတာ ကြာပြီ။ ပေါက်ကွဲတာကြောင့်ထိခိုက်ဒဏ်ရာရရှိတာမျိုးတော့ မရှိပါဘူး။ အဲ့ရုပ်ရှင်ရုံရဲ့ ပတ်ပတ်လည်မှာ စစ် (---) တွေ ဘန်ကာဆောက်ပြီး ၂၄ နာရီ ကင်းရှိပါတယ်" လို့ ဒေသခံတယောက်က ပြောပါတယ်။

ဒီမနက်အစောပိုင်း ၂ နာရီလောက်ကလည်း ရွှေပြည်သာမြို့နယ်က  ရပ်ကွက်တခုမှာ စစ်ကားနဲ့ ကင်းလှည့်ဝင်လာပြီး မကြာခင်မှာပဲ အရပ်ဝတ်လူစိမ်းတချို့ဝင်လာကာ အိမ်တအိမ်ကနေ ဆိုင်ကယ် ၂ စီးကို ယူသွားတယ်လို့ ဒေသခံတွေက ပြောပါတယ်။

4 months Ago
Up