ရွှေတိဂုံဘုရား

November 18, 2021

တန်ဆောင်မုန်းလပြည့်နေ့ ရွှေတိဂုံဘုရား၌ ဂျာမန်သံရုံးတာဝန်ခံက ဆီမီးထွန်းညှိပူဇော်ဆုတောင်း

ဒီကနေ့ နိုဝင်ဘာ ၁၈ ရက်မှာ ကျရောက်တဲ့ တန်ဆောင်မုန်းလပြည့်နေ့မှာ မြန်မာနိုင်ငံ ဆိုင်ရာ ဂျာမန်သံရုံးတာဝန်ခံအကြီးအကဲ ယောက်ခ်ရှူးဂရက်ဖ်က ရွှေတိဂုံစေတီမှာ သွားရောက် ဆီမီးထွန်းညှိတဲ့ ပုံတပုံနဲ့အတူ ဆုတောင်းစကားပါး ထားပါတယ်။

“ကပ်ရောဂါဝေဒနာ၊ လက်ရှိဖြစ်ပေါ်နေတဲ့ အကြမ်းဖက်မှုတွေကြောင့် ထိခိုက်နစ်နာ‌ရသူတွေ အားလုံးအတွက်  ဒီနေ့ ကျနော် ဘုရားမှာ ဆီမီးထွန်းညှိပူဇော်ပေးခဲ့ပါတယ်။ နေ့စဉ် ရက်ဆက် ရုန်းကန်တွန်းလှန်နေကြသူများအတွက် ဆုတောင်းပေးပါတယ်”

ဒါ့အပြင် ဒီနှစ်တန်ဆောင်တိုင်ပွဲတော်က ကံကြမ္မာဆိုးတွေကို မောင်းထုတ်နှိမ်နင်းပေးပြီး မြန်မာနိုင်ငံသားအားလုံး ထူးမြတ်ငြိမ်းချမ်းတဲ့ တန်ဆောင်တိုင်အခါသမယ ဖြစ်ပါစေ ကြောင်းလည်း ဆုတောင်းပေးထားခဲ့တာကို တွေ့ရပါတယ်။

ရွှေတိဂုံစေတီတော်ကို တန်ဆောင်မုန်းလဆန်း ၁၄ ရက် အဖိတ်နေ့နဲ့ လပြည့်နေ့တွေမှာ မနက် ၅ နာရီကနေ  ည ၇ နာရီထိ ဖွင့်လှစ်ထားပေမယ့် ဘဏ္ဍာတော်ထိန်းဂေါပကအဖွဲ့က နှစ်စဉ် ကြီးမှူးကျင်းပမြဲဖြစ်တဲ့ မသိုးသင်္ကန်းရက်လုပ်ပြိုင်ပွဲကိုတော့ အခုနှစ်မှာ ကျင်းပပြု လုပ်နိုင်ခြင်း မရှိပါဘူး။

မြန်မာနိုင်ငံမှာ ဖေဖော်ဝါရီ ၁ ရက်နေ့က စတင်ကာ အကြမ်းဖက်စစ်အုပ်စုက မတရား အာဏာသိမ်းယူခဲ့တာကို ဆန့်ကျင်ဆန္ဒပြခဲ့ကြတဲ့ နွေဦးတော်လှန်ရေးကာလဟာ ၉ လခွဲ ကျော် ကြာမြင့်ခဲ့ပြီ ဖြစ်ပါတယ်။

ဒီကာလတွေအတွင်း အကြမ်းဖက်ဖြိုခွင်းမှုတွေကြောင့် ထိခိုက်ကျဆုံးရသူတွေ၊ ဖမ်းဆီး ထောင်ချခံရသူတွေနဲ့အတူ နိုင်ငံအဝန်း တောရောမြို့ပါမကျန် ဒေသခံပြည်သူ့ကာကွယ် ရေးတပ်တွေနဲ့ စစ်ကောင်စီတပ်တွေကြားတိုက်ပွဲတွေလည်း ပြင်းထန်နေတာပါ။

လက်ရှိအချိန်မှာတော့ စစ်ကောင်စီတပ်တွေကို စစ်မျက်နှာဖွင့်ပြီး တိုက်ဖို့အတွက် ပြည် သူတွေအနေနဲ့ မလိုအပ်ဘဲခရီးမသွားကြဖို့ကို NUG အစိုးရကရော ဒေသခံပြည်သူ့ကာ ကွယ်ရေးတပ်ဖွဲ့တွေကပါ  ထုတ်ပြန်ကြေညာထားပါတယ်။

2 months Ago

November 15, 2021

ရွှေတိဂုံကို တန်ဆောင်မုန်းလပြည့်နှင့် အဖိတ်နေ့များတွင် ည ၇ နာရီထိ ဖွင့်လှစ်မည်

ရွှေတိဂုံစေတီတော်ကို လာမယ့် နိုဝင်ဘာ ၁၇ ရက် တန်ဆောင်မုန်းလဆန်း ၁၄ ရက် အဖိတ်နေ့နဲ့ ၁၈ ရက် လပြည့်နေ့တွေမှာ မနက် ၅ နာရီကနေ  ည ၇ နာရီထိ ဖွင့်လှစ်ထားမယ်လို့ ဂေါပကအဖွဲ့က ကြေညာထားပါတယ်။

ဒါပေမဲ့ ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့က နှစ်စဉ် ကြီးမှူးကျင်းပမြဲဖြစ်တဲ့ မသိုး သင်္ကန်းရက်လုပ်ပြိုင်ပွဲကိုတော့ အခုနှစ်မှာ ကျင်းပပြုလုပ်ဖို့ အစီအစဉ်မရှိဘူးလို့ ဆိုပါတယ်။

မြန်မာနိုင်ငံမှာ ဖေဖော်ဝါရီ ၁ ရက်နေ့က စတင်ကာ အကြမ်းဖက်စစ်အုပ်စုက မတရား အာဏာသိမ်းယူခဲ့တာကို ဆန့်ကျင်ဆန္ဒပြခဲ့ကြတဲ့ နွေဦးတော်လှန်ရေးကာလဟာ ၉ လခွဲ ကျော် ကြာမြင့်ခဲ့ပြီ ဖြစ်ပါတယ်။

ဒီကာလတွေအတွင်း အကြမ်းဖက်ဖြိုခွင်းမှုတွေကြောင့် ထိခိုက်ကျဆုံးရသူတွေ၊ ဖမ်းဆီး ထောင်ချခံရသူတွေနဲ့အတူ နိုင်ငံအဝန်း တောရောမြို့ပါမကျန် ဒေသခံပြည်သူ့ကာကွယ်ရေးတပ်တွေနဲ့ စစ်ကောင်စီတပ်တွေကြားတိုက်ပွဲတွေလည်း ပြင်းထန်နေတာပါ။

ခုလိုအခြေအနေတွေကြား လူစုလူဝေးနဲ့ ဘုရားဖူးထွက် ပျော်ပါးသွားလာနေကြတာတွေကို လူမှုကွန်ရက်စာမျက်နှာတွေပေါ်မှာ ဝေဖန်မှုတွေလည်း မြင့်တက်နေပါတယ်။

ဒါ့အပြင် ဧရာဝတီတိုင်းအတွင်းက ချောင်းသာနဲ့ ငွေဆောင်လို ပင်လယ်ကမ်းခြေတွေမှာလည်း တန်ဆောင်တိုင်ပိတ်ရက် ဟိုတယ် ဘွတ်ကင်လုပ်ထားသူတွေနဲ့ ပြည့်နေတယ်လို့လည်း သိရပါတယ်။ 

လက်ရှိအချိန်မှာတော့ စစ်ကောင်စီတပ်တွေကို စစ်မျက်နှာဖွင့်ပြီး တိုက်ဖို့အတွက် ပြည် သူတွေအနေနဲ့ မလိုအပ်ဘဲခရီးမသွားကြဖို့ကို NUG အစိုးရကရော ဒေသခံပြည်သူ့ကာကွယ်ရေးတပ်ဖွဲ့တွေကပါ  ထုတ်ပြန်ကြေညာထားပါတယ်။

2 months Ago
More News
Up