ရွှေကူမြို့နယ်

May 12, 2021

ရွှေကူမြို့နယ်၌ ရိက္ခာတင်တွဲကား ၁ စီး ပစ်ခတ်ခံရပြီး ကားပေါ်ပါလာသူ ၁ ဦးသေဆုံး

ကချင်ပြည်နယ်၊ ရွှေကူမြို့နယ်၊ ဇင်းဘုံကျေးရွာအနီးမှာ မေလ ၁၂ ရက်နေ့က စစ်ကောင်စီတပ်တွေအတွက် ရိက္ခာသယ်ဆောင်လာတယ်လို့ယူဆရတဲ့ ကုန်တင်တွဲကားတစ်စီး ပစ်ခတ်တိုက်ခိုက်ခံရပြီး ကားပေါ်မှာပါလာသူ ၂ ဦးအနက် တစ်ဦးသေဆုံးကာ တစ်ဦး ဒဏ်ရာရသွားပါတယ်။

အဆိုပါပစ်ခတ်မှု ဖြစ်ပွားတဲ့နေရာကို လက်တလောမှာ စစ်ကောင်စီရဲ့တပ်တွေက နေရယူထားပြီး လမ်းပိတ်ထားတာကြောင့် လးပိတ်ဆို့နေပြီး  သေဆုံးသူနဲ့ ထိခိုက်ဒဏ်ရာရရှိသူတွေကိုတော့ ဗန်းမော်ဘက်ကို သယ်သွားတယ်လို့ ဒေသခံမျက်မြင်တွေ့ရှိသူတွေကပြောပါတယ်။

ရွှေကူမြို့နယ်ဟာ ကချင်ပြည်နယ်၊ စစ်ကိုင်းတိုင်းနဲ့ ရှမ်းပြည်မြာက်ပိုင်း အစရှိတဲ့ဒေသ ၃ ခုရဲ့နယ်နိမိတ်ချင်းထိစပ်နေတဲ့မြို့ဖြစ်ပြီး စစ်ကောင်စီတပ်ဖွဲ့တွေရဲ့ လက်နက်ခဲယမ်းရိက္ခာနဲ့ စစ်အင်အားများပို့ဆောင်ရာမှာ ရွှေကူမြို့နယ်ကို မဖြစ်မနေဖြတ်ပြီး ရေလမ်းနဲ့ ကုန်းလမ်း အဓိကထား ပို့ဆောင်နေကြတာဖြစ်ပါတယ်။

အခုရက်ပိုင်း ရွှေကူမြို့နယ်လမ်းကြောင်းကနေ ကချင်ပြည်နယ်ထဲကို စစ်ကောင်စီတပ်တွေရဲ့ စစ်လက်နက်နဲ့ရိက္ခာတွေကို ရေလမ်းနဲ့ကုန်းလမ်းကနေတင်ပို့နေတာတွေရှိနေပြီး ပစ်ခတ်တိုက်ခိုက်ခံရတွေ ဆက်တိုက်ဖြစ်ပေါ်နေပါတယ်။

ကုန်းလမ်းရေလမ်းကနေ နယ်မြေဖြတ်ကျော်သွားလာကြတဲ့ မော်တော်ယာဉ်တွေ အနေနဲ့  အတတ်နိုင်ဆုံး အမိုးအကာတွေဖွင့်ကာ နယ်မြေအပေါ်မူတည်ပြီး မှန်တွေချမောင်းပေးကြဖို့နဲ့ အခြေအနေအရ စစ်ဆေးခံရတဲ့အခါ ကြည်ဖြူစွာရပ်တန့်အစစ်ဆေးခံကြဖို့  ကေအိုင်အေက တိုက်တွန်းစာ ထုတ်ပြန်ထားပါတယ်။

5 days Ago

ရွှေကူမြို့နယ် ပြည်သူ့ကာကွယ်ရေးတပ်မတော် ဖွဲ့စည်း

ပြည်သူလူထုကိုနှိပ်စက်သတ်ဖြတ် စစ်ရာဇဝတ်မှုတွေကို အကြိမ်ကြိမ် ကျူးလွန်နေတဲ့  အကြမ်းဖက်စစ်ကောင်စီနဲ့ သူတို့ရဲ့ ဘက်တော်သားတွေကို တော်လှန်ဖို့  ကချင်ပြည်နယ် ရွှေကူမြို့နယ် ပြည်သူ့ကာကွယ်ရေးတပ်မတော်ကို ဖွဲ့စည်းလိုက်ပြီဖြစ်ကြောင်းကြေညာပါတယ်။

"ဆန္ဒပြပြည်သူတွေကို ပစ်ခတ်သတ်ဖြတ်တာ၊ ဖမ်းဆီးအကျဉ်းချတာ၊ ဖက်ဒရယ်ဒီမိုကရေစီကိုဦးတည်တဲ့ တိုင်းရင်းသားလက်နက်ကိုင်တော်လှန်ရေးအဖွဲ့တွေနဲ့ ပြည်သူတွေအပေါ် လေကြောင်းထိုးစစ်ဆင်မှုကဲ့သို့သော စစ်အင်အားအလွန်အကျွံအသုံးပြုတာ၊ ဖမ်းဆီးခံအမျိုးသမီးတွေကို လိင်ပိုင်းဆိုင်ရာ နှောင့်ယှက်စော်ကားတာ၊ ပြည်သူပိုင်ပစ္စည်းတွေကို ခိုးယူလုယက်ဖျက်စီးတာ ကဲ့သို့သော စစ်ရာဇဝတ်မှုတွေကို အကြိမ်ကြိမ် ကျူးလွန်နေတဲ့ အကြမ်းဖက်စစ်ကောင်စီနဲ့ ဘက်တော်သား စစ်သား၊ ရဲအုပ်စုတွေကို တော်လှန်တိုက်ခိုက်အပစ်​ပေးဖို့အတွက် ရွှေကူ ပြည်သူ့ကာကွယ်ရေး တပ်မတော် (Shwegu People Defense Force) ကို ဖွဲ့စည်းလိုက်တာလို့ ကြေညာထားပါတယ်။

ရွှေကူပြည်သူ့ကာကွယ်ရေးတပ်မတော်ရဲ့ ဆောင်ရွက်ချက်တွေကို - People Defense Force -Shwegu page မှာတင်ပြသွားမယ်လို့လည်း ထုတ်ပြန်ထားပါတယ်။

မြန်မာနိုင်ငံတဝန်း မြို့နယ်တွေအသီးသီးမှာ  အကြမ်းဖက်အာဏာသိမ်း စစ်အုပ်စုရဲ့ ဘေးရန်ကနေ ကာကွယ်ဖို့ ပြည်သူ့ကာကွယ်ရေးတပ်တွေကို ဖွဲ့စည်းဆောင်ရွက်နေကြတာ ဖြစ်ပါတယ်။  

6 days Ago

March 31, 2021

ရွှေကူမြို့နယ် ကျောက်ကြီးရဲစခန်းကို ကေအိုင်အေ ဝင်တိုက်၊ စခန်းမှူး ၁ ဦး ဒဏ်ရာရပြီး လက်နက်များ ပါသွား

ကချင်ပြည်နယ်၊ ရွှေကူမြို့နယ် ကျောက်ကြီးနယ်မြေရဲစခန်းကို  ကချင်လက်နက်ကိုင်အဖွဲ့ ကေအိုင်အေ က မတ်လ ၃၁ ရက် ဒီနေ့မနက်  ၄ နာရီလောက်က ဝင်ရောက်စီးနင်းတိုက်ခိုက်ခဲ့လို့ စခန်းမှူးဖြစ်သူ ဒဏ်ရာရပြီး စခန်းရှိလက်နက်တွေ ပါသွားတယ်လို့ ဒေသခံတွေရဲ့ ပြောပြချက်အရ သိရပါတယ်။

ဝင်ရောက်စီးနင်း ပစ်ခတ်မှုအပြီး လတ်တလောအခြေအနေအရ ရဲစခန်းတခုလုံး အပျက်အစီးတွေ များစွာရှိခဲ့ပြီး ဒေသခံ ကျေးရွာသူရွာသားတွေကတော့ ထိခိုက်မှုမရှိပါဘူး။ 

ကျောက်ကြီးဒေသခံ အမျိုးသမီးတစ်ဦးက “ မနက် ၄ နာရီထိုးခါနည်းလောက်က စပစ်တာ ကျမတို့လည်း ကြောက်လို့ ပုန်းနေကြတာ။ တော်တော်လေးပစ်တယ် မိနစ် ၂၀ လောက်ပစ်တယ်။ ပစ်ပြီးတော့ အခုမနက်ပိုင်းကျတော့ သိရတာကကျတော့ စခန်းမှူးရဲ့ ပေါင်ထိသွားတယ်လို့ အဲဒါပဲကြားရတယ်”လို့ပြောပါတယ်။   

တခြားဒေသခံတစ်ဦးကလည်း “ မနက် ၃ နာရီခွဲလောက်ကို ဝင်တယ်ပေါ့။ ဝင်တော့ အခု စခန်းမှူးတစ်ယောက် ပေါင်ကို ကျည်ထိသွားတယ်တဲ့။ ရွှေကူ ရောက်သွားပြီတဲ့ လက်နက်တွေ အားလုံးကတော့ သိမ်းသွားတယ်တဲ့။ ပြီးရင်ကားနဲ့ ပြန်ထွက်သွားတယ် စခန်းကိုလည်း ပွစိလန်ခတ်နေတာပဲတဲ့”လို့ ပြောပါတယ်။

အဆိုပါ ကျောက်ကြီးနယ်မြေရဲစခန်းဟာ ကေအိုင်အေ နယ်မြေနဲ့ထိစပ်နေတဲ့ ဧရာဝတီမြစ်တစ်ဘက်ကမ်းက ကျောက်ကြီးကျေးရွာမှာ တည်ရှိတာဖြစ်ပြီး အခုလိုရဲစခန်းကို ကေအိုင်အေက ဝင်ရောက်စီးနင်းတာဟာ ပထမဆုံးအကြိမ် ဖြစ်တယ်လို့သိရပါတယ်။ 

2 months Ago
More News
Up