ရွှေကူ

May 15, 2021

ရွှေကူမြို့တွင် လောင်းကစားဝိုင်း မိုင်းခွဲခံရ

ကချင်ပြည်နယ် ရွှေကူမြို့မှာ မေ ၁၄ ရက်နေ့ည ၉ နာရီဝန်းကျင်က လောင်းကစားဝိုင်းတခုကို အမည်မသိအဖွဲ့တစ်ဖွဲ့က မိုင်းခွဲခဲ့တယ်လို့ သိရပါတယ်။

မိုင်းခွဲခံရမှုကြောင့် ထိခိုက်ဒါဏ်ရာရသူမရှိပဲ အားလုံးဝရုန်းသုန်းကား ထွက်ပြေးကြတယ်လို့ သိရပါတယ်။

အဆိုပါလောင်းကစားဝိုင်း မိုင်းခွဲမခံရခင် မိနစ်ပိုင်းအလိုမှာ အကြမ်းဖက်စစ်တပ်နဲ့ ရဲစခန်းဘက်မှ သေနက်သံအချက်ပေါင်းများစွာကြားရတယ်လို့ ဒေသခံတွေက ပြောပါတယ်။

ရွှေကူမြို့မှာ အကြမ်းဖက်စစ်တပ်ကအာဏာသိမ်းပြီးနောက်မှာ အလောင်းကစားဝိုင်းတွေဟာ မန္တလေး၊ ရွှေကူ၊ ဗန်းမော် ဗျူ ဟာလမ်းမကြီးဘေးအထိ ရောက်ရှိလာပြီး နောက်လူတန်းစားမျိုးစုံ သွားရောက်ကစားကြတာတွေရှိပြီး ဖုန်း၊ ဆိုင်ကယ် စတဲ့တန်ဖိုးကြီးပစ္စည်းတွေ အခိုးခံရတာတွေ ပိုများလာတယ်လို့ ဆိုပါတယ်။

ရွှေကူမြို့မှာ လောင်းကစားဝိုင်းအနည်းဆုံး ၂ နေရာလောက်ပြုလုပ်နေကြပြီး လေးကောင်ဂျင်ဝိုင်း၊  ၆ ကောင်ဒုံးဂလုံးဝိုင်း၊ ကြက်ဝိုင်း စတဲ့လောင်းကစားဝိုင်းတွေ ပြုလုပ်နေကြတာလို့ ဒေသခံတွေက ပြောပါတယ်။

2 days Ago

May 8, 2021

ရွှေကူ စရဖ ရုံးနှင့် သင်္ဘောဆိပ်တံတားတွင် ပေါက်ကွဲမှုဖြစ်

ကချင်ပြည်နယ် ရွှေကူမြို့မှာ မေလ ၈ ရက်နေ့မနက် ၄ နာရီဝန်းကျင်က သင်္ဘောဆိပ်တံတားနဲ့ စစ်ဖက်ရေးရာလုံခြုံရေးအဖွဲ့ (စရဖ) ရုံးရှေ့မှာ ပေါက်ကွဲမှု ၃ ကြိမ်ဆက်တိုက် ဖြစ်ခဲ့တယ်လို့ သိရပါတယ်။

ပေါက်ကွဲမှုကြောင့် သင်္ဘောဆိပ်တံတား ပလက်ဖောင်းနှစ်ဖက်စလုံးမှာ ပွင့်ထွက်မှုတချို့ဖြစ်သွားကာ စစ်ဘက်ရေးရာလုံခြုံရေးရုံးအရှေ့မှာ ကာထားတဲ့အုတ်တံတိုင်း ၂ ခန်း ပြိုကျပျက်စီးသွားတယ်လို့ အမည်မဖော်လိုတဲ့ ဒေသခံတစ်ဦးက ပြောပါတယ်။

“မနက် ၄ နာရီကျော်ရုံလေးပဲဗျ။ ပေါက်ကွဲသံကြီး ကြားလိုက်ရတယ်။ ပထမတစ်ချက် ပေါက်ကွဲပြီး သိပ်မကြာဘူး၊ နောက်ထပ် ၂ လုံးဆက်တိုက် ပေါက်ကွဲသံ ကြားရတယ်။ ပေါက်ကွဲမှုအားပြင်းပုံရတယ်ဗျ။ စရဖ ရုံးရှေ့က ဒေါ်ပြာဒီးမုန့်တိုက်က မှန်တချို့ ကွဲအက်တာတွေ ရှိတယ်၊ ကျနော်တို့မှာ အိပ်သာအိပ်နေရတယ်၊ ဘယ်အချိန် ကိုယ့်ဘေးမှာ ပေါက်ကွဲမှုဖြစ်မလဲဆိုတဲ့ စိုးရိမ်စိတ်နဲ့အိပ်မပျော်ဘူးဗျ။ အရင်တစ်ခါလည်း OSS ရုံးနဲ့ အမှတ် ၂ ရပ်ကွက်မှာဖြစ်ပြီးပြီ။ ဒါတွေက ပြည်သူတွေကို အကြောက်တရားသွင်းတဲ့ စစ်ကောင်စီရဲ့ ၈၈ က အကွက်တွေလို့ပဲ မြင်တယ်။ ပြီးရင် ပြည်သူတွေက အကြမ်းဖက်နေပါတယ်ဆိုပြီး ခေါင်းစဉ်တပ်လာနိုင်တယ်။”

အဆိုပါပေါက်ကွဲမှုကြောင့် သင်္ဘောဆိပ်တံတားမှာ ဖြတ်သန်းသွားလာလို့မရလောက်အောင် ထိခိုက်ပျက်စီးသွားတာမျိုး မရှိဘူးလို့ သိရပါတယ်။

1 week Ago
More News
Up