ရွေး​ကောက်ပွဲရလဒ်

November 9, 2020

မင်းကင်းရွေး​ကောက်ပွဲရလဒ် မကျေနပ်သဖြင့် ကြံ့ခိုင်ရေးပါတီက မြို့နယ်​ကော်မရှင်ထံ တင်ပြ

စစ်ကိုင်းတိုင်း​ဒေသကြီး၊ က​လေးခရိုင်၊ မင်းကင်းမြို့နယ်မှာ   မဲရလဒ်တွေဟာ မဲရုံတချို့မှာ မဲမသမာမှုတွေနဲ့ ဥပ​ဒေနဲ့ မညီညွတ်လို့ ​ကျေနပ်မှုမရှိတာ​ကြောင့် ပြန်လည်စိစစ်ပေးဖို့ ကြံ့ခိုင်ရေးပါတီ လွှတ်​တော်ကိုယ်စားလှယ်လောင်း ၃ ဦးက မြို့နယ်​ကော်မရှင်အဖွဲ့ခွဲကို တင်ပြထားပါတယ်။ မင်းကင်းမြို့နယ်မှာ အမျိုးသားလွှတ်​တော်၊ ပြည်သူ့လွှတ်​တော်၊ တိုင်း​ဒေသကြီးလွှတ်​တော် စတဲ့ ​နေရာအားလုံးမှာ အန်အယ်လ်ဒီပါတီက အနိုင်ရရှိထားတယ်လို့ မင်းကင်းမြို့နယ် ​ကော်မရှင်အဖွဲ့ခွဲရုံးက​ ​သိရပါတယ်။ မင်းကင်းမြို့နယ်​ရွေး​ကောက်ပွဲ​ကော်မရှင်အဖွဲ့ခွဲ ဥက္ကဋ္ဌ ဦးတင်ဝင်က “သူတို့က မ​ကျေနပ်မှု​ လောက်ပဲရှိတယ်။ ဘယ်​နေရာ၊ ဘယ်မဲရုံဆိုတာ အတိကျမပါတဲ့အတွက် ခရိုင်​ကော်မရှင်ရဲ့ လမ်းညွှန်မှုကို ခံယူတင်ပြသွားမယ်” လို့ ​ ပြောပါတယ်။ အမျိုးသားလွှတ်​တော်မှာ အန်အယ်လ်ဒီပါတီက ၄၁,၀၈၈ မဲနဲ့ ကြံ့ခိုင်ရေးပါတီက ၂၈,၂၄၀ မဲ၊ ပြည်သူ့လွှတ်​တော်မှာ အန်အယ်လ်ဒီပါတီက ၃၉,၁၂၄ မဲနဲ့ ကြံ့ခိုင်ရေးပါတီက ၂၇,၅၃၅ မဲ၊ တိုင်း​ဒေသကြီး (၁) မှာ အန်အယ်လ်ဒီပါတီက ၂၀,၃၂၁ မဲနဲ့ ကြံ့ခိုင်ရေးပါတီက ၁၁,၃၉၉ မဲ၊ တိုင်း​ဒေသကြီး (၂) မှာ အန်အယ်လ်ဒီပါတီက ၁၈,၄၃၆ မဲနဲ့ ကြံ့ခိုင်ပါတီက ၁၅,၄၄၈ မဲ ရရှိထားတယ်လို့ ဆိုပါတယ်။ မင်းကင်းမြို့နယ်မှာ အမျိုးသားဒီမိုက​ရေစီအဖွဲ့ချုပ်ပါတီ၊ ပြည်​ထောင်စုကြံ့ခိုင်​ရေးနှင့် ဖွံ့ဖြိုး​ရေးပါတီ၊ ပြည်​ထောင်စု​ ကောင်းကျိုး​ဆောင်ပါတီနဲ့ တိုင်းရင်းသားစည်းလုံးညီ​ညွတ်​ရေးပါတီတို့က ကိုယ်စားလှယ်ဦး​ရေ ၁၈ ဦး ဝင်​ပြိုင်တာ ဖြစ်ပါတယ်။ ၂၀၁၀ မှာ ပြည်​ထောင်စုကြံ့ခိုင်​ရေးနှင့်ဖွံ့ဖြိုး​ရေးပါတီက ​အနိုင်ရရှိခဲ့တာဖြစ်ပြီး ၂၀၁၂ ကြားဖြတ်​ရွေး​ကောက်ပွဲမှာ ပြည်သူ့လွှတ်​တော်လစ်လပ်​နေရာ​ရွေးချယ်ပွဲမှာ အမျိုးသားဒီမိုက​ရေစီ အဖွဲ့ချုပ်က အနိုင်ရရှိခဲ့တာဖြစ်ပါတယ်။  ၂၀၁၅ အ​ထွေ​ထွေ​ရွေး​ကောက်ပွဲမှာ​တော့ ပြည်သူ့လွှတ်​တော်​နေရာနဲ့ တိုင်း​ဒေသကြီး ၂ လွှတ်​တော်​နေရာ​​တွေမှာ ပြည်​ထောင်စုကြံ့ခိုင်​ရေးနဲ့ဖွံ့ဖြိုး​ရေးပါတီက အနိုင်ရရှိခဲ့တာဖြစ်ပြီး အမျိုးသားလွှတ်​တော်​နေရာနဲ့ တိုင်း​ဒေသကြီး ၁ လွှတ်​တော်​နေရာ​တွေကို အမျိုးသားဒီမိုက​ရေစီ အဖွဲ့ချုပ်ပါတီက အနိုင်ရရှိခဲ့တာဖြစ်ပါတယ်။  ၂၀၂၀ အ​ထွေ​ထွေ​ရွေး​ကောက်ပွဲမှာ​တော့ အမျိုးသားဒီမိုက​ရေစီအဖွဲ့ချုပ်ပါတီက ​နေရာအားလုံးမှာ အနိုင်ရရှိခဲ့ပါတယ်။ မင်းကင်းမြို့နယ်မှာ မဲ​ပေးနိုင်တဲ့ဦး​ရေ ၈၈,၁၂၀ ဦးထဲမှာ မဲလာ​ပေးသူ​​ပေါင်း ၇၁,၄၃၅ ဦးရှိပြီး မဲလာ​ပေးတဲ့ရာခိုင်နှုန်းက ၈၁ ဒသမ ၀၆ ရာခိုင်နှုန်းရှိတယ်လို့ မင်းကင်းမြို့နယ် အုပ်ချုပ်​ရေးမှူး ဦးဆန်းဗိုက​ ပြောပါတယ်။ သတင်း - ဌေးလှိုင်
1 year Ago
Up