ရှာရာပိုဗာ

July 12, 2016

ရုရှားတင်းနစ်မယ် ရှာရာပိုဗာ ဘရာဇီးအိုလံပစ်ပွဲတွင် ပါဝင်ခွင့်မရ

တားမြစ်ဆေးသုံးစွဲမှုနဲ့ အမှုရင်ဆိုင်နေရတဲ့ ဂရင်းစလန်းချန်ပီယံ ရုရှားတင်းနစ်မယ် ရှာရာပိုဗာဟာ ဘရာဇီးအိုလံပစ်ပွဲမှာ မကစားရဖို့ သေချာသွားပါပြီ။ တင်းနစ်ကစားခွင့် ၂ နှစ် ပိတ်ပင်ခံထားရတဲ့ စီရင်ချက်ကို လျှော့ပေါ့ပေးဖို့ ရှာရာပိုဗာက အယူခံဝင်ထားပေမယ့် အားကစားခုံရုံးက မဆုံးဖြတ်သေးဘဲ စက်တင်ဘာလအထိ ရုံးချိန်း ရွှေ့လိုက်တဲ့အကြောင်း ဇူလိုင် ၁၁ ရက်နေ့မှာ ကြေညာပါတယ်။ အယူခံကို ဆုံးဖြတ်ဖို့အတွက် လိုအပ်တဲ့ သက်သေအထောက်အထားတွေ ခိုင်လုံအောင် စုဆောင်းဖို့ အချိန်လိုအပ်တာကြောင့် စက်တင်ဘာ ၁၉ ရက်နေ့အထိ ရွှေ့ဆိုင်းလိုက်တဲ့အကြောင်း ခုံရုံးရဲ့ ကြေညာချက်က ဆိုပါတယ်။ ကမ္ဘာ့နံပါတ် ၁ ဖြစ်ခဲ့ဖူးတဲ့ အသက် ၂၉ နှစ်အရွယ် ရှာရာပိုဗာရဲ့ နာမည်ကို ရုရှားအရာရှိတွေက ရီယိုအိုလံပစ်ကို စေလွှတ်မယ့် အားကစားသမားစာရင်းမှာ ထည့်ထားပါတယ်။ ဒါပေမယ့် ရှာရာပိုဗာဟာ ဇန်န၀ါရီလတုန်းက ယှဉ်ပြိုင်ခဲ့တဲ့ သြစတြေးလျအိုးပင်း ပြိုင်ပွဲတုန်းက တားမြစ်ထားတဲ့ Meldonium ဆေးကို သုံးစွဲခဲ့တဲ့အကြောင်း စစ်ဆေးတွေ့ရှိတဲ့အတွက် တင်းနစ်ကစားခွင့် ၂ နှစ် ပိတ်ပင်ခံထားရပါတယ်။
6 years Ago

June 9, 2016

နိုင်ငံတကာ တင်းနစ်အဖွဲ့ချုပ်က ရှာရာပိုဗာကို ကစားခွင့် ၂ နှစ်ပိတ်ပင်

တင်းနစ်မယ် မာရီယာ ရှာရာပိုဗာကို တားမြစ်ဆေး သုံးစွဲမှုနဲ့ နိုင်ငံတကာ တင်းနစ်အဖွဲ့ချုပ်က ကစားခွင့် ၂ နှစ် ပိတ်ပင်လိုက်ပါတယ်။ ရုရှားတင်းနစ်မယ်ဟာ ပြီးခဲ့တဲ့ ဇန်န၀ါရီလက သြစတြေးလျအိုးပင်း တင်းနစ်ပြိုင်ပွဲမှာ တားမြစ်ဆေးသုံးစွဲကြောင်း စစ်ဆေး တွေ့ရှိခဲ့တာပါ။ အသက် ၂၉ နှစ်အရွယ် ရှာရာပိုဗာကတော့ Meldonium ဆေးကို ကျန်းမာရေးအတွက် ၂၀၀၆ ခုနှစ်ကတည်းက သုံးစွဲလာတာ ဖြစ်တယ်လို့ ပြောဆိုထားပါတယ်။ တင်းနစ်ကစားခွင့် ပိတ်ပင်မှုဟာ ပြီးခဲ့တဲ့ ဇန်န၀ါရီ ၁ ရက်နေ့မှာ စတင် အကျုံးဝင်ပါတယ်။ ရှာရာပိုဗာကတော့ ၂ နှစ် ကစားခွင့် ပိတ်ပင်တဲ့အပေါ်မှာ အယူခံဝင်သွားမယ်လို့ ဆိုထားပါတယ်။ တားမြစ်ဆေး သုံးစွဲတဲ့အတွက် ကုမ္ပဏီတချို့က စပွန်ဆာပေးထားတာကို ပြန်လည် ရုပ်သိမ်းခဲ့ပါတယ်။ ရုရှားတင်းနစ်မယ်ဟာ ကမ္ဘာ့နံပါတ်တစ် ဖြစ်ခဲ့ဖူးပြီး ဂရန်းစလန်း ဆုဖလား ၅ ခု ရရှိထားပါတယ်။
6 years Ago
More News
Up