ရှမ်းနှင့်ပလောင်တပ်ဖွဲ့တိုက်ပွဲဖြစ်ပြီး ရွာသား ၂ ဦး ဒဏ်ရာရ၊ ၅၀၀ ကျော်ထွက်ပြေးတိမ်းရှောင်

May 9, 2018

ရှမ်းနှင့်ပလောင်တပ်ဖွဲ့တိုက်ပွဲဖြစ်ပြီး ရွာသား ၂ ဦး ဒဏ်ရာရ၊ ၅၀၀ ကျော်ထွက်ပြေးတိမ်းရှောင်

  ရှမ်းပြည်မြောက်ပိုင်း၊ နမ္မတူမြို့နယ်၊ မန်ဆာလုံကျေးရွာအုပ်စုထဲမှာ  TNLA တအာင်းတပ်ဖွဲ့နဲ့ SSPP /SSA ရှမ်းတပ်ဖွဲ့တို့အကြားတိုက်ပွဲကြောင့်  ရွာသား နှစ်ဦး လက်နက်ကြီးကျည် ထိမှန်ဒဏ်ရာရကာ ရွာသား ၅၀၀ ကျော် ဘေးလွတ်ရာကို ထွက်ပြေးတိမ်းရှောင်နေကြရပါတယ်။ မေလ ၄ ရက်က မန်ဆာလုံနဲ့ မန်ဆာအွန်ရွောမှာ နှစ်ဘက်တပ်ပစ်ခတ်ခဲ့လို့ ရွာထဲလက်နက်ကြီးကျကာ ရွာသား နှစ်ဦး လက်နက်ကြီးထိမှန်ဒဏ်ရာရခဲ့တာလို့  အနီးနားက ၀ိန်းနန်ရွာက ကျေးရွာအုပ်ချုပ်ရေးမှူး စိုင်းဆန်သိန်းကပြောပါတယ်။ “မန်ဆာအွန်ရွာထဲမှာ တိုက်ပွဲဖြစ်တယ်တဲ့။ အဲဒီမှာ လုံးစိုင်း (အသက် ၅၀)ရဲ့အိမ်ကို လက်နက်ကြီးကျလာတယ်။ ပြီးတော့ သူ့ကိုပါထိပြီး အူတွေပါထွက်လာတယ်။ အခု  လားရှိုး ဆေးရုံမှာ။ အဲဒီနေ့တရက်တည်းပဲ မန်ဆာလုံမှာရော တိုက်ပွဲဖြစ်တာ ရွာသားတယောက် လက်နက်ထိပြီး နမ္မတူဆေးရုံတင်ထားရတယ်တဲ့။ အသေးစိပ်တော့ မသိဘူး။” အဆိုပါရွာ နှစ်ရွာအပြင် အနီးနားရှိ နားဆန်း၊ လောက်လုံ၊ နားပိန်း၊ ကုန်းမုန့် စတဲ့ရွာတွေကပါ စစ်ဘေးရှောင်ရွာသား ၅၀၀လောက်  ထွက်ပြေးတိမ်းရှောင်နေကြတယ်လို့ စစ်ဘေးရှောင်ပြည်သူတွေကို လက်ခံထားရှိတဲ့ ၀ိန်းနန်ရွာက ကျေးရွာအုပ်ချုပ်ရေးမှူး စိုင်းဆန်သိန်းကပြောပါတယ်။ “ရွာသားတွေ ထွက်ပြေးကြတယ်။ ကျနော်တို့ဆီကိုတော့ မန်ဆာအွန်က ၁၄ ယောက်၊ နားပိန်းရွာက ၅၆ ယောက်  ရောက်လာတယ်။ သူတို့က ကျနော်တို့ရွာနဲ့ တမိုင်လောက်ပဲ ဝေးတော့ ခြေကျင်လျှောက်လာကြတယ်။ ပြီးတော့ နမ္မတူမြစ်ကို ၀ါးဖောင်နဲ့ ကူးပြီး ရောက်လာတယ်။ အခုရွာဘုန်းကြီးကျောင်းမှာ နေရာချထားပေးပါတယ်။” ဒါ့အပြင် နားဆန်းနဲ့ လောက်လုံရွာက အိမ်ထောင်စု ၆၈ စု လူဦးရေ ၂၇၉ ယောက်တို့ဟာ ပန်ခမ်းကျေးရွာဘုန်းကြီးကျောင်းမှာခိုလှုံနေသလို  မန်ဆာလုံ၊ မန်ဆာအွန်နဲ့ ကုန်းမုန့်စတဲ့ ရွာ ၃ ရွာက ရွာသားပေါင်း ၃၀၀ ကျော်လည်း မိုင်းရင်အုပ်စု မိုင်းရင်ဘုန်းကြီးကျောင်းမှာ လာရောက် ခိုလှုံှေုံနေကြတယ်လို့ သူကဆက်ပြောပါတယ်။ တိုက်ပွဲရှောင်တွေ စားသောက်နေထိုင်ရေးအတွက် ရွာခံတွေက ၀ိုင်းဝန်းကူညီနေ သလို ​မေတ္တာ​ဖောင်း​ဒေးရှင်းလားရှိုး၊ IRCအဖွဲ့၊ TYO အဖွဲ့၊ CPS ရှမ်း​မြောက်​ငြိမ်းချမ်း​ရေး အ​ထောက်​အကူပြု အဖွဲ့၊ ငြိမ်းချမ်းသစ္စာ လူမှုကူညီ​ရေး လားရှိုး၊ ဆီလိန်​ခမ်းအသင်း (မန်​စံ) စတဲ့ အဖွဲ့တွေက ဆန်၊ ဆီ၊ ဆား၊ မီးဖိုချောင်သုံးပစ္စည်း၊ အမျိုးသမီးသုံးပစ္စည်းနဲ့ ကလေးမုန့်တွေ သွားရောက်ကူညီပေးခဲ့တယ်လို့  မန်စံဆီလိန်ခမ်းအဖွဲ့ဝင်တဦးက ပြောပါတယ်။ စစ်ဘေးရှောင်ပြည်သူတွေထဲမှာ  မျက်မမြင် ၂ ဦး၊ နေမကောင်းလို့ လမ်းမလျှောက်နိုင်သူ ၂ ဦး၊ လက်နှစ်ဘက်လုံးပြတ်နေသူ ၁ ဦး ပါလာတယ်လို့ ဆိုပါတယ်။ တိုက်ပွဲဖြစ်ရတဲ့အကြောင်းရင်းနဲ့ပတ်သက်ပြီး SSPP ပြောရေးဆိုခွင့်ရှိသူ ဒုဗိုလ်မှူးကြီး စိုင်းဆုက “ဒီတိုက်ပွဲစဖြစ်တာကတော့ TNLA ဘက်က ကျနော်တို့ရှိနေတဲ့ မန်ဆာလုံဘက်ကိုတက်လာပြီး စပစ်တာပါ၊ နမ္မတူမြို့နယ်ထဲမှာ အရင်က RCSSနဲ့ TNLA ပစ်ခတ်ကြတယ်။ ခုနောက်ပိုင်း RCSS ဆုတ်ခွါတဲ့နေရာတွေကို  TNLA က နေရာဝင်ယူတယ်။ ယူပြီးတော့ ကျနော်တို့ရှိတဲ့ နေရာတွေပါ ၀င်ပြီးနေရာယူလိုတဲ့ သဘောရှိတယ်။ ဒီတော့ ကျနော်တို့လည်း ကိုယ့်ကိုယ်ကို ကာကွယ်တဲ့အနေနဲ့ ပြန်ပစ်တယ်ပေါ့။ နှစ်ဘက် တပ်ထိခိုက်ဒဏ်ရာရတာတွေလည်း ရှိပါတယ်။ ပြည်သူ ၂ ဦးပါ လက်နက်ကြီးထိတယ်။ အောက်ခြေတပ်ဖွဲ့တွေကြား ခုလိုဖြစ်နေတဲ့ ပြဿနာကို ကျနော်တို့ ခေါင်းဆောင်အချင်းချင်း တွေ့ဆုံဆွေးနွေးဖို့လုပ်နေပါတယ်။ လောလောဆယ်တော့ အဲဒီ ၀မ်ဆာလုံအုပ်စုထဲမှာ နှစ်ဘက်တပ်တွေ ဆိုင်နေတုန်းဘဲ။”လို့ပြောပါတယ်။ သူတို့ တပ်ဖွဲ့အနေနဲ့ ပစ်ခတ်မှုကြောင့် ဒဏ်ရာရတဲ့ ပြည်သူ နှစ်ဦးအတွက် ဆေးဖိုးဝါးခ ထောက်ပံ့ ကူညီခဲ့သလို စစ်ဘေးရှောင်ပြည်သူတွေအတွက် ကျပ်ငွေ သိန်း ၅၀ လည်း ဒီနေ့ဘဲ လှူ လိုက်တယ်လို့ပြောပါတယ်။ အဆိုပါ ပစ်ခတ်တိုက်ခိုက်မှုတွေနဲ့ပတ်သက်ပြီး  TNLA ပလောင်တပ်ဖွဲ့ဘက်ကတော့ ပြောဆိုခြင်းမရှိသေးပါဘူး။ SSPP နဲ့  TNLA တပ်ဖွဲ့ဟာ WUSA ၀ တပ်ဖွဲ့ ဦးဆောင်တဲ့  ပြည်ထောင်စု နိုင်ငံရေး ဆွေးနွေးညှိနှိုင်းရေးကော်မတီ (FPNCC) အဖွဲ့ဝင်တွေဖြစ်ပြီး အစိုးရနဲ့ အန်စီအေစာချုပ် လက်မှတ် မရေးထိုးသေးတဲ့အဖွဲ့တွေ ဖြစ်ပါတယ်။ ပြီးခဲ့တဲ့ မေလ ၁ ရက်နဲ့ ၂ ရက်နေ့ကတော့ အစိုးရငြိမ်းချမ်းရေးကော်မရှင်အဖွဲ့ဟာ SSPP ဌာနချုပ် ၀မ်ဟိုင်းကို သွားရောက်ပြီး ခေါင်းဆောင်ပိုင်းနဲ့ တွေ့ဆုံဆွေးနွေးခဲ့ပါတယ်။ အဲဒီနောက် ၄ ရက်နေ့မှာ နှစ်ဘက် တိုက်ပွဲဖြစ်ခဲ့တာပါ။
3 years Ago
Up