ရှမ်းပြည်တောင်ပိုင်း နမ့်စန်မြို့တွင် မီးလောင် (ရုပ်သံ)

December 14, 2016

ရှမ်းပြည်တောင်ပိုင်း နမ့်စန်တွင် မီးလောင်မှုဖြစ်ပွား၊ မိသားစု ၃ ဦးသေဆုံး

ရှမ်းပြည်တောင်ပိုင်း လွိုင်လင်ခရိုင် နမ့်စန်မြို့နယ် မတ်မုန့်မွန်းကျေးရွာအုပ်စုထဲမှာ မနေ့ညက လူနေအိမ်တလုံး မီးလောင်ကျွမ်းပြီး အိမ်ထဲမှာနေထိုင်တဲ့ ကလေး ၂ ဦး အပါအ၀င် မိသားစု ၃ ဦးလုံး သေဆုံးသွားပါတယ်။ အဲဒီအိမ်ဟာ မတ်မုန့်မွန်းကျေးရွာအုပ်စု ပါလိပ်ကျေးရွာထဲမှာရှိပြီး မနေ့ည ၁၁ နာရီလောက်မှာ  လောင်တာလို့ နမ့်စန်မြို့နယ် အန်အယ်လ်ဒီဥက္ကဋ္ဌ ဦးနေဇော်နိုင်က ပြောပါတယ်။ “ပါလိပ်ရွာက အိမ်တလုံး မနေ့ညက မီးလောင်ပြီး လူ ၃ ယောက်သေဆုံးသွားတယ်လို့ ရွာသားတွေက ကျနော့်ကိုပြောတယ်။ နမ့်စန်ရဲစခန်းကို မေးကြည့်တော့ စခန်းမှူးက သူတို့ ဒီကနေ့ ကွင်းဆင်းစစ်ဆေးပြီး အတည်ပြုပါတယ်။ ဆိုလာပြားကနေ ရှော့ဖြစ်ပြီးတော့ အိမ်လယ်ခေါင်ကနေ စလောင်တယ်တဲ့၊ အိမ်ကတော့ ထရံကာ ခြေတံတို တထပ်အိမ်ပေါ့၊ အဲဒီရွာက နမ့်စန်နဲ့ ဆယ်မိုင်လောက်ဝေးတော့ မီးသတ်ကားလည်း အချိန်မီမရောက်နိုင်ဘူး။ ညဆိုတော့ ဝိုင်းငြှိမ်းရတာလည်း အခက်အခဲရှိမယ်လို့ ထင်တယ်။” မီးလောင်မှုကြောင့် အိမ်ရှင် ဒေါ်နန်းနေ (၅၂ နှစ်)၊ သူ့ရဲ့မြေးမလေး နန်းမွေဖောင်း (၁၃ နှစ်) နဲ့  တူမဖြစ်သူ နန်းဟွမ် (၁၂ နှစ်) တို့ သေဆုံးခဲ့တာ ဖြစ်ပါတယ်။ မီးလောင်မှုနဲ့ပတ်သက်ပြီး နမ့်စန်ရဲစခန်းက ရာဇသတ်ကြီးပုဒ်မ ၂၈၅ / ၃၀၄ (ဃ) လူသေမှုနဲ့ အမှုဖွင့်ထားတယ်လို့ သိရပါတယ်။
5 years Ago

December 4, 2015

ရှမ်းပြည်တောင်ပိုင်း နမ့်စန်မြို့တွင် မီးလောင် (ရုပ်သံ)

ရှမ်းပြည်တောင်ပိုင်း နမ့်စန်မြို့ ရပ်ကွက် ၂ ထဲမှာ ဒီဇင်ဘာလ ၄ ရက် ညနေ ၃ နာရီလောက်က မီးလောင်မှု ဖြစ်ပွားခဲ့ပါတယ်။ မီးလောင်တဲ့အိမ်ဟာ အမှတ် ၂ ရက်ကွက် ရပ်ကွက်အုပ်ချုပ်ရေး အတွင်းရေးမှူး ဦးတင်ဝင်း ဆိုသူရဲ့ အိမ်ဖြစ်ပြီး ကားဝပ်ရှော့ဆိုင်ဖွင့်ထားတယ်လို့ ဒေသခံ နန်းမိုခမ်းက ပြောပါတယ်။ မီးလောင်နေတဲ့အချိန် မိုးလည်းရွာနေပြီး မြို့ထဲမှာ ထော်လဂျီရေတင်ကားတွေလည်း များတဲ့အတွက် ၀ိုင်းဝန်းငြိမ်းသတ်တာကြောင့် အခြားအိမ်တွေ မကူးစက်တော့ဘဲ အိမ်တလုံးသာ လောင်ခဲ့တယ်လို့ ဆိုပါတယ်။ မီးလောင်ရတဲ့ အကြောင်းရင်းနဲ့ ဆုံးရှုံးမှုပမာကိုတော့ မသိရသေးပါဘူး။ ရုပ်သံ - SaiHtet AungHlaing
6 years Ago
Up