ရှမ်း

A d v e r t i s e m e n t With Us

May 12, 2018

ရှမ်းပြည်တပ်မတော်နှင့် ပအိုဝ်းအမျိုးသားလွတ်မြောက်ရေးတပ်မတော်တို့ ပစ်ခတ်မှုဖြစ်ပွား

  ရှမ်းပြည်နယ်တောင်ပိုင်း၊ မောက်မယ်မြို့နယ်၊ ကဒူးကြီးဒေသ၊ မန့်စီရွာအနီးမှာ ရှမ်းပြည် ပြန်လည်ထူထောင်ရေးကောင်စီ/ရှမ်းပြည်တပ်မတော် (RCSS/SSA) နဲ့ ပအိုဝ်းအမျိုးသား လွတ်မြောက်ရေးအဖွဲ့ချုပ်/ ပအိုဝ်းအမျိုးသား လွတ်မြောက်ရေးတပ်မတော် (PNLO/PNLA) တို့ မနေ့မနက်ပိုင်းက ထိတွေ့ပစ်ခတ်မှု ဖြစ်ပွားခဲ့ပါတယ်။ အခုထိတွေမှုဖြစ်တဲ့ နှစ်ဖွဲ့လုံးဟာ (NCA) မှာ လက်မှတ်ရေးထိုးထားတဲ့ အဖွဲ့ဖြစ်တဲ့အတွက် JMC လမ်းကြောင့်အတိုင်း တွေ့ဆုံဆွေးနွေးပြီးပဲ ဖြေရှင်းသွားမယ်လို့ PNLOရဲ့ အတွင်းရေးမှူးဖြစ်သူ ခွန်ထွန်းတင်က ဒီဗွီဘီကိုပြောပါတယ်။ ဒီထိတွေ့မှုကြောင့် ပြည်သူလူထုတွေ ထိခိုက်ဒဏ်ရာရာတာ အိုးအိမ်စွန့်ခွာ ထွက်ပြေးတာမရှိဘူး ဒေသခံတဦးကပြောပါတယ်။ ပြီးခဲ့တဲ့နှစ်ကလည်း RCSS နဲ့ PNLA တို့ ကဒူကြီးနယ်မြေ၊ နားဟီးဒေသဘက်မှာ တိုက်ပွဲဖြစ်ပွားခဲ့တာကြောင့် ရာနဲ့ချီတဲ့ ကျေးရွာသားတွေ အိုးအိမ်စွန့်ခွာထွက်ပြေးခဲ့ရပါတယ်။ ဓာတ်ပုံ-ခွန်ဇော်ဦး PNLA ပအိုဝ်းတပ်သားများ ( ကဒူးကြီးဒေသ)
3 years Ago

April 27, 2018

ကချင်၊ ကရင်နှင့် ရှမ်းဒေသ တိုက်ပွဲများကို အမေရိကန် စိုးရိမ်

ကချင်ပြည်နယ်က ပြင်းထန်တဲ့တိုက်ပွဲနဲ့ ရှမ်းနဲ့ကရင်ပြည်နယ်အတွင်း လတ်တလော ဖြစ်ပွားနေတဲ့ တိုက်ပွဲတွေကြောင့်  ဒေသခံ ထောင်ချီ ထွက်ပြေးနေရတာကို အလွန်အမင်း စိုးရိမ်တယ်လို့ ရန်ကုန်ရှိ အမေရိကန်သံရုံးက ထုတ်ပြန်ပါတယ်။ ထောင်နဲ့ချီတဲ့ ပြည်သူတွေ အိုးအိမ် စွန့်ခွာထွက်ပြေးရလောက်အောင် ပြင်းထန်လာနေတဲ့ ကချင်ပြည်နယ်အတွင်း တိုက်ပွဲတွေနဲ့ ပတ်သက်လို့  အလွန် စိုးရိမ်မကင်းဖြစ်မိတယ်လို့ ဧပြီ ၂၇ ရက် သံရုံးရဲ့ထုတ်ပြန်ချက်မှာ ဖော်ပြပါတယ်။ ဒါ့အပြင် ရှမ်းပြည်နယ်နဲ့ ကရင်ပြည်နယ်အတွင်း လတ်တလောဖြစ်ပွားနေတဲ့ တိုက်ပွဲတွေကြောင့် ထောင်နဲ့ချီတဲ့ ပြည်သူတွေ နေရပ်စွန့်ခွာ ထွက်ပြေးနေရတဲ့အတွက်လည်း လွန်စွာစိုးရိမ်မိတယ်လို့ ဆိုပါတယ်။ တိုက်ပွဲတွေ ရပ်တန့်ဖို့ ပါဝင်ပတ်သက်သူ အားလုံးကို တိုက်တွန်းပြီး အရပ်သားတွေကို အကာအကွယ်ပေးဖို့နဲ့ ပဋိပက္ခကြောင့် ဒုက္ခရောက်ရသူတွေအတွက် လူသားချင်းစာနာမူ အကူအညီတွေ ပေးခွင့်ပြုဖို့အတွက်လည်း တပ်မတော် အပါအဝင် အစိုးရကို  မေတ္တာရပ်ခံတယ်လို့ အမေရိကန်သံရုံး ကြေညာချက်မှာ ဖော်ပြထားပါတယ်။ ဧပြီ ၂၆ ရက်မှာ ကချင်ပြည်နယ် အင်ဂျန်းယန် မြို့နယ်အတွင်း တပ်မတော်နဲ့ ကချင် လွတ်လပ်ရေးတပ်မတော် (ကေအိုင်အေ)တို့ တိုက်ပွဲတွေ ပြင်းထန်နေလို့ ကျေးရွာတွေက ဒေသခံ ၁၀၀၀ လောက်   တိမ်းရှောင်နေကြရပါတယ်။ အလားတူ ကရင်ပြည်နယ်၊ ဖာပွန်ခရိုင်၊ လူသောမြို့နယ်မှာလည်း တပ်မတော်နဲ့ ကေအန်ယူတို့ တိုက်ပွဲဖြစ်ပွားခဲ့လို့ ဒေသခံတွေ ထွက်ပြေးတိမ်းရှောင်ခဲ့ကြရပါတယ်။ ကချင်၊ ကရင်နဲ့ ရှမ်းပြည်နယ်တို့မှာ လတ်တလောဖြစ်ပွားနေတဲ့ တိုက်ပွဲတွေနဲ့ပတ်သက်လို့ တပ်မတော်ဘက်က တရားဝင် သတင်းထုတ်ပြန်ခြင်း မရှိသေးပါဘူး။
3 years Ago
More News
Up