ရွက်လှေ

March 13, 2022

ချဲယ်လ်ဆီးအသင်းပိုင်ရှင်၏ ရွက်လှေ မွန်တီနီဂရိုးကမ်းရိုးတန်းသို့ ဆိုက်ကပ်

ချဲယ်ဆီးဘောလုံးအသင်းပိုင်ရှင် ရုရှားဘီလီယံနာသူဌေး ရိုမန် အေဘရာမိုဗစ်ချ် ပိုင်ဆိုင်တဲ့ စူပါရွက်လှေ တစင်း မွန်တီနီဂရိုးနိုင်ငံကမ်းရိုးတန်း တိဗက်မြို့ကို စနေနေ့က ရောက်ရှိလာပါတယ်။ 

ပေ ၄၆၀ ရှည်လျားပြီး ဒေါ်လာ သန်း ၆၀၀ တန်ကြေးရှိ ဆိုလာရစ် ရွက်လှေ (The Solaris) ဟာ  ပြီးခဲ့တဲ့တပတ်အတွင်း ကပ်ဖို့ ဆိပ်ကမ်းဦးတည်ရာမရှိဘဲ မြေထဲပင်လယ်ထဲ သွားနေတာပါ။ 

အီတလီ၊ ဂရိ အပါအဝင် ဥရောပ ဆိပ်ကမ်းတွေက အကပ်မခံလိုတာကြောင့် ဆိုလာရစ်ဟာ ပင်လယ်ထဲ ရက်အတန်ကြာ ရွက်လွှင့်နေခဲ့တာပါ။ 

ဗြိတိန်အစိုးရက ဗလာဒီမာပူတင်နဲ့ ဆက်စပ်မှုရှိတဲ့ ရုရှားဘီလီယံနာ ၆ ဦးရဲ့ ပိုင်ဆိုင်မှုတွေ ဒဏ်ခတ်အရေးယူ လိုက်တဲ့အထဲမှာ အေဘရာမိုဗစ်ချ်လည်း ပါဝင်ခဲ့တာပါ။

အင်္ဂလိပ်ပရီးမီးယားလိဂ် ဘုတ်အဖွဲ့ကလည်း မိုဗစ်ချ်အနေနဲ့ အင်္ဂလိပ်ထိပ်တန်း ကလပ်အသင်းတခုကို ပိုင်ဆိုင်ဖို့ အရည်အချင်းမပြည့်မီဘူးလို့ ဆုံးဖြတ်လိုက်ပါတယ်။

မိုဗစ်ချ်ကတော့ သူဟာ ပူတင်အစိုးရနဲ့ ပတ်သက်မှုမရှိဘူးလို့ ငြင်းရှာပါတယ်။ 

မကြာခင်က အီတလီနဲ့ ပြင်သစ်အစိုးရတွေက အခြား ရုရှားဘီလီယံနာတွေရဲ့  ဇိမ်ခံရွက်လှေတွေနဲ့ အခြားပိုင်ဆိုင်မှုတွေကို ဖမ်းဆီးထိန်းသိမ်းခဲ့ပါတယ်။ 

9 months Ago

November 20, 2020

ရေလမ်းသုံးကမ္ဘာပတ်မှု နှစ် ၅၀၀ ပြည့်အထိမ်းအမှတ် ဗြိတိန်ရေကြောင်းပြ ၁ ဦး ရွက်လှေဖြင့် ကမ္ဘာပတ်

ရေကြောင်းခရီးနဲ့ ကမ္ဘာကို ပထမဆုံးပတ်ခဲ့တဲ့ အနှစ် ၅၀၀ ပြည့် အထိမ်းအမှတ်အဖြစ်  ဗြိတိန်ရေကြောင်းပြ ၁ ဦးဟာ လျှပ်စစ်စွမ်းအင်သုံး ရွက်လှေနဲ့  နိုဝင်ဘာ ၁၉ ရက်မှာ ကမ္ဘာ ပတ်ခရီးကို စတင်လိုက်ပါတယ်။   ရေကြောင်းပြ ဂျင်မီကော်နဲဟာ လွန်ခဲ့တဲ့ နှစ်ပေါင်း ၅၀၀ ကျော်က ဖာဒီနန်မက်ဂျဲလန်နဲ့ ဟွမ်စဘတ်တီယန်အယ်ကာနိုတို့ရဲ့ ပထမဆုံး ကမ္ဘာပတ်ရေကြောင်းခရီးစဉ်အတိုင်း  "အယ်ကာနို ၅၀၀" ရွက်လှေနဲ့ ခရီးဆန့်မှာ ဖြစ်ပါတယ်။ ရေကြောင်းပြ ကော်နဲဟာ သူရဲ့ပထမဆုံး ကမ္ဘာပတ်ရေကြောင်းခရီးစဉ်ကို ၁၉၇၅ မှာ စတင်ပြီး ၁၉၈၁ ခုနှစ်မှာ ပြီးဆုံးခဲ့ပါတယ်။  အဲဒီနှစ်တွေမှာ  သူရောက်ခဲ့တဲ့နေရာတွေကို နောက်တဖန် လည်ပတ်ရာမှာတော့  ရာသီဥတု ပြောင်းလဲမှုကြောင့် အပျက်အစီးတွေကို ထိတ်လန့်ဖွယ် သူမြင်တွေ့ခဲ့ရတယ်လို့ ကော်နဲက ဆိုပါတယ်။  ဒါကြောင့်ပဲ သူဟာ ကာဗွန်ထုတ်လွှတ်မှု သုညရှိတဲ့ လျှပ်စစ်စွမ်းအင် အပြည့်သုံး အယ်ကာနို ရွက်လှေနဲ့ ကမ္ဘာပတ်ဖို့ ဆုံးဖြတ်ခဲ့တယ်လို့  ကော်နဲက ပြောပါတယ်။ 
2 years Ago
More News
Up