ရွန်နီ

June 29, 2019

နည်းပြချုပ်အဖြစ် ကမ်းလှမ်းမှုများ ရှိနေဟု ရွန်နီပြော

နည်းပြချုပ်အဖြစ် ကမ်းလှမ်းတာတွေ ရှိနေတယ်​လို့ အင်္ဂလန်​ တိုက်​စစ်​မှူးဟောင်း ၀ိန်းရွန်နီက ​ပြောကြားလိုက်​ပါတယ်​။ ၀ိန်းရွန်နီဟာ အသက် ၃၄ နှစ်ရှိပြီဖြစ်ပေမယ့် အမေရိကန်မေဂျာလိဂ် ကလပ် ဒီစီယူနိုက်တက်အသင်းမှာ ပါဝင်ကစားနေပါတယ်။ လက်ရှိအချိန်မှာ ကစာသမားဘ၀ကို ဆက်လက်ဖြတ်သန်းနေပေမယ့်လည်း နည်းပြတဦးအဖြစ် ရှိသင့်ရှိထိုက်တဲ့ အရည်အချင်းတွေရှိအောင် လေ့လာနေဆဲဖြစ်တယ်လို့ ဆိုပါတယ်။ နည်းပြ ချုပ်​အဖြစ်​ ခန့်​အပ်​ဖို့ ​​​အင်္ဂလန်က ကလပ်တွေနဲ့ မေဂျာလိဂ်ကလပ်တွေက ကမ်းလှမ်းတာတွေ ရှိတယ်လို့ ရွန်းနီက​ပြောပါတယ်​။ ရွန်းနီအနေနဲ့ လက်ရှိအချိန်အထိ ဘောလုံးကစားနေပေမယ့်လည်း သူ့ရဲ့အင်္ဂလန်လက်ရွေးစင် အသင်းဖော်တွေဖြစ်တဲ့ လမ်းပတ်၊ ဂျရတ်၊ တယ်ရီ၊ ပါကား စတဲ့ သူတွေကတော့ သက်ဆိုင်ရာ ကလပ်တွေမှာ နည်းပြအဖြစ် တာဝန်ယူနေကြပြီဖြစ်ပါတယ်။
2 years Ago

January 21, 2019

မန်ယူနည်းပြအဖြစ် ပိုချက်တီနိုကို ခန့်ရန် ရွန်နီ တိုက်တွန်း

မန်ချက်စတာယူနိုက်တက် အသင်းခေါင်းဆောင်ဟောင်း ဝိန်းရွန်နီဟာ မန်ယူနည်းပြရာထူးအတွက် စပါးနည်းပြ ပိုချက်တီနိုကို ခန့်အပ်သင့်တယ်လို့ ESPN သတင်းဌာနနဲ့ အင်တာဗျူးမှာ တိုက်တွန်းသွားခဲ့တာ ဖြစ်ပါတယ်။ ယူနိုက်တက်အသင်းအနေနဲ့ လာမယ့်ရာသီအတွက် ပိုချက်တီနိုကို နည်းပြချုပ်အဖြစ် ခန့်အပ်ဖို့ သေချာခိုင်မာအောင် လုပ်ဆောင်ထားသင့်တယ်လို့ ရွန်နီက ပြောပြသွားခဲ့ပါတယ်။ ရွန်နီက "တစုံတယောက်ကို ခန့်အပ်ဖို့ ကျနော့်မှာ အခွင့်အရေးရှိမယ် ဆိုရင်တော့ ပိုချက်တီနိုကိုခေါ်ဖို့ အစွမ်းကုန် လုပ်ဆောင်ဖြစ်မှာပါ။ လွန်ခဲ့တဲ့ နှစ် ၂၀၊ ၃၀ ဆာအဲလက်စ်ဖာဂူဆန် လက်ထက်ကတည်းက မန်ချက်စတာယူနိုက်တက်အသင်းက လူငယ်ကစားသမားတွေအပေါ်မှာ အခြေပြု တည်ဆောက်ခဲ့တာပါ။ ပိုချက်တီနိုက ငယ်တဲ့ကစားသမားဖြစ်စေ ကြီးတဲ့ကစားသမားဖြစ်စေ သူတို့ရဲ့ အကောင်းဆုံးခြေစွမ်းတွေကို ရယူနိုင်အောင် လုပ်နိုင်တယ်လို့ ကျနော်ထင်တယ်။ ပိုချက်တီနိုဟာ နည်းပြတယောက်အနေနဲ့ သူ့ရဲ့အရည်အသွေးတွေကို နေရာတိုင်းမှာ အကောင်းဆုံးဖြစ်အောင် လုပ်နိုင်တယ်" လို့ ပြောပြသွားခဲ့ပါတယ်။
3 years Ago
More News
Up