ရဲတပ်ဖွဲ့ ဝင်ဖမ်း

December 15, 2017

မန္တလေးတွင် တရုတ်နိုင်ငံသားပိုင် လောင်းကစားဂိမ်းဆိုင်ကို ရဲတပ်ဖွဲ့ ဝင်ဖမ်း

မန္တလေးမြို့မှာ တရုတ်နိုင်ငံသား ဝန်ဂီဆိုသူ ဖွင့်ထားတဲ့ လောင်းကစားဂိမ်းဆိုင်ကို ရဲတပ်ဖွဲ့က ဝင်ရောက်ဖမ်းဆီးခဲ့ပြီး တရုတ်နိုင်ငံသားကိုတော့ ဖမ်းမမိသေးဘူးလို့ ပြည်ထဲရေးဝန်ကြီးဌာနက သတင်းထုတ်ပြန်ပါတယ်။ ဒီဇင်ဘာ ၁၄ ရက်မှာ မဟာအောင်မြေမြို့နယ်၊ မဟာမြိုင် ၁ ရပ်ကွက်၊ ၆၄x၄၀ လမ်းထောင့်ရှိ ဂိမ်းဆိုင်ကို သတင်းအရ ရဲတပ်ဖွဲ့က ဝင်ရောက်ရှာဖွေရာမှာ  မအေးအေးအောင် (၁၈ နှစ်) အပါအဝင် ဆိုင်ဝန်ထမ်း မ ၅ ဦး၊ လောင်းကစားပြုလုပ်သူ အာကာဖြိုး (၃၂ နှစ်) အပါအဝင် ၉ ဦး၊ စုစုပေါင်း ၁၄ ဦး ဖမ်းမိပါတယ်။ သူတို့နဲ့အတူ ငါးမန်းဂိမ်းစက် ၅ လုံးနဲ့ ဆက်စပ်ပစ္စည်းတွေ၊ လောင်းကြေးငွေ ၃၆၃,၀၀၀ ကျပ်၊ ဖုန်း ၇ လုံး၊ ဆိုင်ကယ် ၈ စီး သိမ်းဆည်းရမိခဲ့ပြီး ဂိမ်းဆိုင်တည်ထောင်သူဟာ တရုတ်နိုင်ငံသား ဝန်ဂီဆိုသူဖြစ်တယ်လို့ သတင်းမှာ ဖော်ပြပါတယ်။ ဖမ်းမိထားသူတွေကို ရဲက လောင်းကစားပုဒ်မ ၁၃(က)/ ၁၄(က) နဲ့ အမှုဖွင့်ထားပြီး ဆိုင်ရှင် တရုတ်နိုင်ငံသားကိုတော့ လောင်းကစားပုဒ်မအပြင် ပို့/သွင်းပုဒ်မ ၈ နဲ့ ထပ်မံအမှုဖွင့် စုံစမ်းနေပါတယ်။
3 years Ago
Up