ရော်ဘာခြံအလုပ်သမား

July 5, 2021

ရေးမြို့ ရော်ဘာခြံအလုပ်သမား လင်မယား ၂ ဦးတွင် ကိုဗစ်-၁၉ ရောဂါပိုးတွေ့

မွန်ပြည်နယ်  ရေးမြို့နယ်၊ ကဗျာကျေးရွာအုပ်စု ကဗျာကြီးကျေးရွာ ရော်ဘာခြံက အလုပ်သမား လင်မယားနှစ်ဦးမှာ ကိုဗစ်-၁၉ ရောဂါပိုးတွေ့ရှိတယ်လို့ သိရပါတယ်။

သံဖြူဇရပ်မြို့နယ်က ပြန်လာတဲ့ ဇနီးဖြစ်သူ အနံ့ပျောက်‌လို့ ရေးမြို့ပြည်သူ့ဆေးရုံမှာ တက်ရောက်ပြပြီး စစ်ဆေးရာမှ ကိုဗစ်-၁၉ ရောဂါပိုးတွေ့ရှိခဲ့ပြီး အမျိုးသားဖြစ်သူအား ထပ်မံဆေးရာမှာလည်း ပိုးတွေ့ရှိခဲ့တာလို့ မြို့နယ် ကိုဗစ်ကော်မတီက ပြောပါတယ်။

အဆိုပါ ရော်ဘာအစေးခြစ် အလုပ်သမား လင်မယား ၂ ဦးအား ရေးမြို့ပြည်သူ့ဆေးရုံ Isolation Ward မှာ ထားရှိ ကုသပေးသွားမယ်လို့ ဆိုပါတယ်။ ပိုးတွေ့လင်မယား ၂ ဦးနဲ့ လက်တလော ထိတွေ့ထားတဲ့သူတွေ မရှိဘူးလို့ သိရပါတယ်။

ရေးမြို့ပြည်သူ့ဆေးရုံမှာ လက်ရှိ ကိုဗစ်-၁၉ ကုသပေးနေတဲ့ ဆရာဝန် လုံလောက်မှုမရှိတဲ့အပြင် လူနာတွေရဲ့ စားသောက်ရေးအတွက် အလှူရှင်တွေလည်းမရှိတာကြောင့် လူနာတွေရဲ့ မိသားစုဝင်တွေကပဲ လိုအပ်တဲ့ စားသောက်ရေးကို ပို့ဆောင်ပေးနေရတယ်လို့ သိရပါတယ်။

ရေးမြို့နယ်မှာ ကိုဗစ်တတိယလှိုင်းအတွင်း ကိုဗစ် ၁၉ အတည်ပြု လူနာ  ၁၄ ဦးအထိရှိလာပြီး ဇူလိုင်  ၅ ရက်နေ့က စတင်ကာ စားသောက်ဆိုင်တွေကို ပါဆယ်စနစ်နဲ့ ရောင်းချသွားဖို့ ညွှန်ကြားထားပါတယ်။

7 months Ago
Up