ရော်ဘက်ဆန်

August 9, 2021

ခြေကျင်းဝတ်ဒဏ်ရာကြောင့် လစ်ဗာပူးနောက်ခံလူ ရော်ဘက်ဆန် ကာလရှည်အနားယူရမည်

လစ်ဗာပူးနောက်ခံလူ ရော်ဘက်ဆန်ဟာ ဘီဘာအိုလ်နဲ့ပွဲမှာ ခြေကျင်းဝတ်ဒဏ်ရာရရှိခဲ့ပြီး ကာလရှည် အနားယူရဖွယ်ရှိတယ်လို့ သိရပါတယ်။ 

ဘယ်နောက်ခံလူ ရော်ဘက်ဆန်ဟာ ပထမပိုင်းအပြီးမှာ ခြေကျင်းဝတ်ဒဏ်ရာရခဲ့လို့ ဒုတိယပိုင်းမှာ ဆက်မကစားနိုင်တော့ဘဲ လူစားလဲ ခဲ့ရတာပါ။ 

တစ်ဂိုးစီသရေကျခဲ့တဲ့ အဲဒီခြေစမ်းပွဲအပြီးမှာတော့ နည်းပြ ယာဂန်ကလော့ပ်က ဒဏ်ရာ အခြေအနေနဲ့ပတ်သက်ပြီး စစ်ဆေးသွားရမှာဖြစ်လို့ ဘယ်လောက်အထိအနားယူရမလဲဆိုတာ မသိရသေးကြောင်း ပြောပါတယ်။

“ဘယ်လောက်ပြင်းထန်သလဲဆိုတာ မသိရပေမယ့် နာကျင်မှုဒဏ်ကိုတော့ အတော်ခံစား ရမယ့်ပုံပါပဲ။ ဒါကြောင့်လည်း အန်ဒီက ဆက်မကစားနိုင်ခဲ့တာပါ။ မနက်ဖြန်မှာ စစ်ဆေး မှုတွေပြုလုပ်ပြီးမှ သေချာသိရပါမယ်” လို့ နည်းပြ ယာဂန်ကလော့ပ်က ပြောပါတယ်။

 လစ်ဗာပူးအသင်းဟာ ပြီးခဲ့တဲ့ရာသီက  နောက်ခံလူတွေ ဒဏ်ရာပြဿနာရှိခဲ့တာကြောင့် အခက်အခဲဖြစ်ခဲ့ဖူးပါတယ်။ 

အဓိက ဘယ်နောက်ခံလူ ရော်ဘက်ဆန်ရဲ့ ဒဏ်ရာက ပြင်းထန်ဖွယ်ရှိတာကြောင့် ကာလရှည် အနားယူမယ်ဆိုရင် လစ်ဗာပူး ဘယ်ခြမ်းအတွက် အားနည်းချက်ဖြစ်လာဖွယ်ရှိနေတာ ဖြစ်ပါတယ်။

4 months Ago
Up