ရော်နယ်ကိုးမန်း

September 30, 2021

ရာထူးကနေ ထုတ်ပယ်ခံရနိုင်ကြောင်း ဘာစီလိုနာနည်းပြ ရော်နယ်ကိုးမန်း ဝန်ခံ

ဘင်ဖီကာနဲ့ ချန်ပီယံလိဂ်ပွဲစဉ်မှာ ၃ ဂိုး ဂိုးမရှိနဲ့ရှုံးနိမ့်ခဲ့ပြီးနောက် နည်းပြရာထူးကနေ ထုတ်ပယ်ခံရ နိုင်ကြောင်း ဘာစီလိုနာနည်းပြ ရော်နယ်ကိုးမန်းက ဝန်ခံသွားပါတယ်။ 

ဘာစီလိုနာအသင်းဟာ အဓိက ကစားသမားတချို့ ပြန်ပါလာခဲ့ပေမယ့် ပေါ်တူဂီကလပ် ဘင်ဖီကာကို အဝေးကွင်းမှာ ၃ ဂိုးပြတ်နဲ့ ရှုံးနိမ့်ခဲ့ရတာပါ။ 

ချန်ပီယံလိဂ်အဖွင့်ပွဲစဉ်မှာလည်း ဘိုင်ယန်မြူးနစ်ကို ၃ ဂိုးပြတ်နဲ့ပဲ အရှုံးပေးခဲ့ရတဲ့ ဘာစီလို နာအသင်းဟာ ၂ ပွဲဆက်တိုက်ရူံးပွဲတွေ့ခဲ့လို့ အုပ်စုတက်ဖို့လည်း ရုန်းကန်ရတော့မှာဖြစ်သလို နည်းပြ ကိုးမန်းရဲ့ အနာဂတ်ကလည်း မသေမချာဖြစ်လာခဲ့တာပါ။

ကိုးမန်းကတော့ သူ့ဘက်မှာ ကစားသမား တွေရှိပေယ့် အသင်းဘုတ်အဖွဲ့က ဆက်လက်ထောက်ခံမလားဆိုတာ မသိနိုင်တာကြောင့် ထုတ်ပယ်ခံရနိုင်တယ်လို့ ပွဲအပြီးမှာ ဝန်ခံစကားဆိုခဲ့တာပါ။ 

“အသင်းက အရင်နှစ်တွေကလို မဟုတ်တော့ဘူး။ ရလဒ်ကောင်းရဖို့ ခက်ခဲနေတယ်။ ဂိုးစောစောပေးလိုက်ရပြီးနောက် ကောင်းမွန်အောင်ကစားနိုင်ခဲ့ပေမဲ့ ဂိုးတော့မရခဲ့ဘူး။ သူတို့က အလွန်သန်မာပြီးမြန်နေတယ်။ ကျနော်တို့ထက်ကောင်းတဲ့‌ေသင်းတွ များနေပါပြီ” လို့ နည်းပြရော်နယ်ကိုးမန်းက ပွဲအပြီးမှာ ပြောခဲ့တာဖြစ်ပါတယ်။ 

2 months Ago

September 25, 2021

နည်းပြရော်နယ်ကိုးမန်းနေရာတွင် မာတီနက်ဇ်ကို အစားထိုးခန့်အပ်ရန် ဘာစီလိုနာ ပြင်ဆင်

ဘာစီလိုနာအသင်းဟာ နည်းပြရော်နယ်ကိုမန်းကို ထုတ်ပယ်ပြီး ဘယ်လ်ဂျီယံ အသင်းနည်းပြ မာတီနက်ဇ်နဲ့ခေါ်ယူ အစားထိုးခန့်အပ်ဖို့ ပြင်ဆင်နေတယ်လို့သိရပါတယ်။ 

ဘာစီလိုနာအသင်းဟာ ချန်ပီယံလိဂ်မှာ ဘိုင်ယန်မြူးနစ်ကို ၃ ဂိုး ဂိုးမရှိနဲ့ အရေးနိမ့်ခဲ့ပြီးနောက် ဂရန်နာဒါနဲ့ ကာဒစ်အသင်းတွေနဲ့ လာလီဂါ ၂ ပွဲဆက် သရေကျခဲ့တာပါ။

အသင်းရဲ့ရလဒ်ပိုင်းနဲ့ ခြေစွမ်းအပေါ် ဘုတ်အဖွဲ့က စိတ်ပျက်နေပြီး ဥက္ကဋ္ဌ လာပေါ်တာနဲ့ ရင်းနှီးတဲ့ဆက်ဆံရေးရှိတဲ့ မာတီနက်ဇ်ကို ခေါ်ယူ ခန့်အပ်ဖို့စီစဉ်နေတယ်လို့ Goal.com ကဖော်ပြပါတယ်။

စပိန်လူမျိုး နည်းပြ မာတီနက်ဇ်ဟာ ၂၀၁၆ ခုနှစ်က အဲဗာတန်အသင်းကနေ ထုတ်ပယ်ခံခဲ့ရပြီးနောက် ကလပ်အသင်းတစ်သင်းကို ကိုင်တွယ်ခြင်း မရှိတော့တာဖြစ်ပါတယ်။ အဲဒီနောက် ဘယ်လ်ဂျီယံလက်ရွေးစင်နည်းပြဖြစ်လာပြီး ၂၀၁၈ ကမ္ဘာ့ဖလား မှာ တတိယဆုရရှိအောင်စွမ်းဆောင်နိုင်ခဲ့ပါတယ်။

မာတီနက်ဇ်ဘက်ကတော့ ဘယ်လ်ဂျီယံနဲ့ နေးရှင်းလိဂ်ပွဲတွေပြီးတဲ့အထိ ဆက်ပြီး ကိုင်တွယ်လိုနေတာကြောင့် အောက်တိုဘာလအတွင်းမှသာ ပြောင်းရွှေ့ဖို့ရှိနေ တယ်လို့သိရပါတယ်။

2 months Ago
More News
Up