ရေနံမြေ

July 7, 2020

ရေနံချောင်း ရေနံမြေတွင် ရေချိုမိကျောင်း ဦးခေါင်း ကျောက်ဖြစ်ရုပ်ကြွင်း တွေ့ရှိ

မကွေးတိုင်း၊ ရေနံချောင်း ရေနံမြေအတွင်း တွေ့ရှိရတဲ့ ကျောက်ဖြစ်ရုပ်ကြွင်းက ရေချိုမှာ ရှင်သန်ခဲ့တဲ့ မိကျောင်းဦးခေါင်းဖြစ်တယ်လို့ မကွေးတက္ကသိုလ် ဘူမိဗေဒဌာနမှ တွဲဘက်ပါမောက္ခ ဒေါက်တာပိုင်စိုးက ပြောပါတယ်။ “ရှေးဟောင်း မကွေးတိုင်း ဦးစီးမှုကနေ တက္ကသိုလ်ကို လာပြတော့ ဟုတ်ပြီ ကျောက်ဖြစ်ရုပ်ကြွင်းတော့ သေချာသွားပြီး၊ မပျက်စီးခင်မှာ တူးဖော်ဖို့ ဆိုပြီး ဒီနေ့ရောက်လာတာ၊ ဒီကောင်ရဲ့ အနေ့အထားက မြစ်ချောင်းကျအနည်တွေထဲက ဖြစ်တဲ့ ကျောက်လွှာအမျိုးအစား၊ အဲဒီ ကျောက်လွှာစု ထဲမှာတွေ့တာ ရေချိုမှာရှင်သန်ခဲ့တဲ့အကောင် အဲဒီအထက်ထပ်ပြီး အကြမ်းဖျင်း ကောက်ချက်ချမယ်ဆိုရင်တော့ လောလောဆယ်မြင်နေရတဲ့ အနေအထားက ရေချိုမှာရှင်သန်တဲ့ မိကျောင်း မျိုးရင်း အတိအကျအချိန်ကိုတော့ ကျောက်ဖြစ်ရုပ်ကြွင်း ပညာရှင်တွေက ဆက်လက်တူးဖော်ပြီး သုံးသပ်မှာပါ။” ကျောက်ဖြစ်ရုပ်ကျွင်းကို စတင်တွေ့ရှိသူ ဆိတ်ကျောင်းတဲ့ ဒေသခံမှာ အသိရှိရှိ သတင်းပေးမှုကြောင့် အခုလို တွေ့ရှိရတာဖြစ်သလို ဒေသအတွက်လည်း အကျိုးပြုသလို ပညာရပ်၊ ဘာသာရပ် တွေအတွက် လည်းအကျိုးရှိကြောင်း နောင်မှာလည်း မကွေးတက္ကသိုလ်ထဲမှာ ပြတိုက်ကဲ့သို့ တိုင်းအတွင်းကတွေ့ရှိတဲ့ ကျောက်ဖြစ်ရုပ်ကြွင်းတွေကို မှတ်တမ်းနဲ့ ထားသွားနိုင်ဖို့ ပါမောက္ခချုပ်ထံတင်ပြထားသလို တိုင်းအစိုးရကိုလည်း တင်ပြသွားမယ်လို့ ဒေါက်တာပိုင်စိုးက ရှင်းပြပါတယ်။ အခုတွေ့ရှိတဲ့ ကျောက်ဖြစ်ရုပ်ကြွင်း ဦးခေါင်းမှာ အလျား ၁ ပေလောက်ရှိပြီး ဦးခေါင်းထက်မှ နှုတ်သီး မြင်နေရတဲ့အပိုင်းထိ ၂ ပေနီးပါးရှိတယ်လို့ ဆိုပါတယ်။ ကျောက်ဖြစ်ရုပ်ကြွင်း တွေ့ရှိတဲ့ နေရာကို အသွားအလာကန့်သတ်ထားပြီး အပိုင်းအစတွေ ဆက်ရှာဖွေနေသလို ရေနံချောင်းဒေသမှာ အခြားတိရစ္ဆာန်တိုမှ ဆင်အံ၊ ကြံ့၊ တောဝက်၊ လိပ် စတဲ့ ကျောက်ဖြစ်ရုပ်ကြွင်း တွေ့ဖူးပေမဲ့ မိချောင်းကိုတော့ ဌာနအနေနဲ့ ပထမဆုံးတွေ့ဖူးတာလို့ သိရပါတယ်။ ကျောက်ဖြစ်ရုပ်ကျွန်းတွေရှိနေရာမှာ ဒီနေ့မနက်ပိုင်း မကွေးတိုင်း ရှေးဟောင်းသုတေသန ဌာန၊ မကွေးတက္ကသိုလ် ဘူမိဗေဒဌာန၊ ရေနံချောက်းမြို့နယ် အထွေထွေအုပ်ချုပ်ရေး ဦးစီးဌာနနဲ့ ရေနံချောင်းရေနံမြေ တာဝန်ရှိသူတွေ ပူးပေါင်း ရှာဖွေနေကြတယ်လို့ သိရပါတယ်။ ကိုလင်း(ချောက်)
10 months Ago

February 17, 2020

ရေနံမြေများ ပိတ်ခံထားရခြင်းကြောင့် ဘဏ္ဍာရေးအကျပ်အတည်း ရင်ဆိုင်ရမည်ဟု လစ်ဗျားအစိုးရ ပြော

လစ်ဗျားနိုင်ငံတွင်း ရေနံမြေတွေနဲ့ ရေနံချက်စက်ရုံတွေကို နိုင်ငံအရှေ့ပိုင်းအခြေစိုက် ဗိုလ်ချုပ်ကြီးခါလီဖှာဟဲ့ဖှ်တာရဲ့ တပ်တွေက ပိတ်ဆို့ထားတာကြောင့် ၂၀၂၀ ပြည့်နှစ်ထဲမှာ ဘဏ္ဍာရေးအကျပ်အတည်းနဲ့ ရသုံးမှန်းခြေ ငွေစာရင်း လိုငွေပြတာတွေကို ရင်ဆိုင်ရလိမ့်မယ်လို့ လစ်ဗျားရဲ့ နိုင်ငံတကာ အသိအမှတ်ပြု အစိုးရက ဖေဖော်ဝါရီ ၁၅ ရက်မှာ ပြောပါတယ်။ ဇန်နဝါရီ ၁၈ ရက်မှာ ရေနံမြေတွေ အဝိုင်းခံရပြီးတည်းက လစ်ဗျားရဲ့ ရေနံ ထုတ်လုပ်မှုနှုန်း သိသိသာသာ ကျဆင်းခဲ့တာပါ။ ရေနံစိမ်းထုတ်လုပ်မှု တရက်ကို စည်ပေါင်း ၁၆၃,၀၀၀ ကျော်အထိ ကျဆင်းသွားတယ်လို့ အစိုးရပိုင် အမျိုးသားရေနံကော်ပိုရေးရှင်း (NOC) က ပြောပါတယ်။ ရေနံထွက်နှုန်းဟာ အရင်က တရက်ကို စည်ပေါင်း ၁ ဒသမ ၂ သန်း ထွက်ရာက ဆက်ပြီး ပိတ်ဆို့ခံထားရရင် တရက်ကို ရေနံစိမ်းစည် ၇၂,၀၀၀ အထိ ကျဆင်းသွားမယ်လို့ NOC က ပြောပါတယ်။ လစ်ဗျားအရှေ့ပိုင်း အခြေစိုက်တပ်တွေက စစ်ဦးစီးချုပ်ဟောင်း ဗိုလ်ချုပ်ကြီးကို သစ္စာခံပြီး မြို့တော် ထရီပိုလီအခြေစိုက် နိုင်ငံတကာအသိအမှတ်ပြု အစိုးရကိုတော့ ပြိုင်ဘက် တပ်တွေက မဟာမိတ်ပြုထားရင်း လစ်ဗျားနိုင်ငံမှာ အစိုးရ၊ လွှတ်တော်နဲ့ စစ်တပ်တို့ နှစ်ခြမ်းကွဲရင်း တိုက်ခိုက်နေကြပါတယ်။
1 year Ago
Up