ရေစကြိုမြို့နယ်

May 24, 2021

ရေစကြိုမြို့တွင် ကျောင်းအပ် စတင်လက်ခံသည့်နေ့ အထက ၁ ကျောင်းအုပ်၏အိမ် ဗုံးပေါက်ကွဲ

မကွေးတိုင်းဒေသကြီး ရေစကြိုမြို့မှာ ကျောင်းအပ်စတင်လက်ခံတဲ့နေ့ မေလ ၂၄ ရက်မနက်ပိုင်းက အထက ၁ ယာယီကျောင်းအုပ်ဆရာမကြီး ဒေါ်ခင်နှင်းယု နေအိမ်မှာ ဗုံးပေါက်ကွဲပြီး နေအိမ်အစိတ်ပိုင်းတစ်ချို့ ပျက်စီးခဲ့တယ်လို့ သိရပါတယ်။

အဲဒီကျောင်းအုပ်ဆရာမကြီးဟာ CDM လှုပ်ရှားမှုမှာ မပါဝင်ဘဲ ကျောင်းဖွင့်ပြီးတော့ ကျောင်းအပ်လက်ခံဖို့ လုပ်နေတဲ့အချိန်မှာ ဝန်ထမ်းအိမ်ရာမှာရှိတဲ့ သူ့ရဲ့နေအိမ်မှာ ဗုံးပေါက်ကွဲခဲ့တာလို့ မြို့ခံတစ်ယောက်က ပြောပါတယ်။

ရေစကြိုမြို့နယ်အတွင်းမှာ စစ်အာဏာရှင်ပြုတ်ကျရေးနဲ့ စစ်ကျွန်ပညာရေးစနစ်ကို အလိုမရှိကြောင်း နည်းလမ်းပေါင်းစုံနဲ့ သပိတ်တိုက်ပွဲပြုလုပ်ပြီး တော်လှန်နေကြတယ်လို့ ဒေသခံတွေဆီကနေ သိရပါတယ်။

3 weeks Ago

November 13, 2020

ရေစကြိုမြို့နယ်၌ မဲရုံတာဝန်ကျ သားဖွားဆရာမ ၁ ဦး ကိုဗစ်-၁၉ ကူးစက်ခံရ 

ပခုက္ကူခရိုင်၊ ရေစကြိုမြို့နယ်၊ ကြီးကန်ကျေးရွာက မဲရုံမှာ တာဝန်ထမ်းဆောင်ခဲ့တဲ့ သားဖွား ဆရာမတစ်ဦးမှာ နိုဝင်ဘာ ၁၃ ရက်က ကိုဗစ်-၁၉  ရောဂါပိုး စစ်ဆေးတွေ့ရှိပါတယ်။ သားဖွားဆရာမဟာ အနံ့ပျောက်နေတာကြောင့် Test Kit နဲ့စစ်ဆေးရာကနေ ပိုးတွေ့ရှိကြောင်းသိရတာလို့ ရေရစကြိုမြို့နယ် ကိုဗစ်-၁၉ ရောဂါကာကွယ်ကုသရေး၊ သတင်းမှန်ထုတ်ပြန်ရေးနှင့် ၂၄ နာရီ ကြီးကြပ်ကွပ်ကဲရေးအဖွဲ့ ဒုဥက္ကဋ္ဌ ကိုဝေယံအောင်က ပြောပါတယ်။ “ကွာရန်တင်းဝင်နေတဲ့သူထဲက မဟုတ်ဖူးဗျ။ အပြင်ကဘဲဗျ၊ သူက ပခုက္ကူလည်း သွားထားသေးတယ်။ ရေစကြိုအနေအထားကတော့ contacts နည်းတယ်ပေါ့နော်။ ဒါပေမဲ့ ကြီးကန်ကျေးရွာက မဲရုံမှာလည်း တာဝန်ထမ်းဆောင်ထားသေးတယ်လို့ သိရပါတယ်ဗျ၊ အနံ့ပျောက်နေတာက ၃ရက်လောက်တော့ရှိပြီပေါ့နော် နှာခေါင်းပိတ်တယ်ဘဲထင်နေတာဒီနေ့မှ သေချာလာစစ်တော့မှသိရတာပေါ့။” အခုအချိန်မှာပိုးတွေ့သူကို ရေစကြိုမြို့နယ် ပြည်သူဆေးရုံကြီးမှာ ဆေးကုသမှု ခံယူနေပြီ ဖြစ်တယ်လို့သိရပါတယ်။  အခုပိုးတွေ့ရှိသူဟာ ရေစကြိုမြို့နယ်မှာ တတိယမြောက်ပိုးတွေ့ရှိသူဖြစ်ပါတယ်။ ပထမပိုးတွေ့သူနဲ့ ဒုတိယပိုးတွေ့ရှိသူ တွေဟာ ဆေးရုံဆင်းသွားကြပြီ ဖြစ်ပါတယ်။ ပိုးတွေ့သူရဲ့ မိသားစုနဲ့ ထိစပ်သူစုစုပေါင်း ၄ ဦးကို စစ်ဆေးရာမှာတော့ ပိုးမတွေ့ရှိရဘူးလို့ မြို့နယ်အုပ်ချုပ်ရေးမှူးက ပြောပါတယ်။ “မဲရုံမှာပြင်ပတာဝန်ကျတာ Mask ဝေတာကို သူကကြီးကြပ်တာ။ သူကိုယ်တိုင်ဝေတာ မဟုတ်ဘူး။ ပိုးတွေ့သူရဲ့အမျိုးသားနဲ့ သူ့သားလေးကိုစစ်လိုက်တော့ ပိုးမတွေ့ဘူး။ ပိုးမတွေ့ပေမယ့် ဆေးရုံအုပ်ကြီးရဲ့ညွှန်ကြားချက်အရ မဟာစည် ကွာရန်တင်းစင်တာမှာထားလိုက်ပြီ။ ပိုးတွေ့သူ ကိုတော့ ဆေးရုံသီးသန့်ဆောင်မှာထားလိုက်ပြီ။ သူနဲ့စပ်ဆက်တဲ့ ကျောင်းဆရာမနဲ့သားဖွားဆရာမ နှစ်ယောက်ကိုလည်း စစ်လိုက်တော့ ပိုးမတွေ့ဘူး၊ သူတို့ နှစ်ယောက်ကိုတော့ ဆေးရုံအုပ်ကြီးရဲ့ ညွှန်ကြားချက်နဲ့ သူတို့အိမ်မှာ ၁၄ ရက် ကွာရန်တင်းထားလိုက်တယ်” လို့ မြို့နယ်အုပ်ချုပ်ရေးမှူး ဦးအောင်ကျော်မင်းက ပြောပါတယ်။ လတ်တလော ရေစကြိုမြို့နယ်အတွင်းမှာ ကိုဗစ်-၁၉ ပိုးတွေ့သူ တစ်ဦးထဲရှိတာ ဖြစ်တယ်လို့သိရပါတယ်။ လက်ရှိ ရန်ကုန်နဲ့ တခြားမြို့တွေကနေပြန်လာပြီးတော့ ကွာရန်တင်းစင်တာမှာ နေထိုင်နေသူ ၂၆ ဦးရဲ့ နှာခေါင်းနဲ့ အာခေါင်တို့ဖတ်တွေကို ရန်ကုန်မြို့သို့ ပေးပို့စစ်ဆေးထားပြီး အဖြေကို မသိရသေးပါဘူး။  သတင်း - အိဝါမောင်
7 months Ago
More News
Up