ရေငုပ်သင်္ဘော

January 16, 2021

ရေငုပ်သင်္ဘောမှ ပစ်လွှတ်သည့် ပဲ့ထိန်းဒုံးကျည်သစ်များကို မြောက်ကိုရီးယား ပြသ

မြောက်ကိုရီးယားဟာ ရေငုပ်သင်္ဘောကနေ ပစ်လွှတ်တဲ့ ပဲ့ထိန်းဒုံးကျည်သစ်တွေကို ဇန်နဝါရီ ၁၄ ရက် စစ်ရေး ပြအခမ်းအနားမှာ ပြသပါတယ်။ မြို့တော်ပြုံယမ်းက ကင်မ်အီဆွန်းရင်ပြင်မှာ လုပ်တဲ့ စစ်ရေးပြအခမ်းအနားကို ခေါင်းဆောင် ကင်ဂျုံအန်း တက်ရောက်ကြည့်ရှုတဲ့ ရုပ်သံဗွီဒီယိုကို နိုင်ငံပိုင်မီဒီယာက ဇန်နဝါရီ ၁၅ ရက်မှာ ထုတ်လွှင့်ပါတယ်။     အခမ်းအနားမှာ စစ်သားတွေ ချီတက်တာ၊ တင့်ကားနဲ့ ဒုံးပစ်လောင်ချာတွေ အပါအဝင် စစ်လက်နက်ပစ္စည်းမျိုးစုံကို ပြသခဲ့ပါတယ်။ ဖူကော့ဆောင်-၅ လို့ နာမည်ပေးထားတဲ့ အနက်ရောင် ဒုံးကျည်တွေကို ပြသချိန်မှာတော့ နောက်ခံစကားပြောသူက “ကမ္ဘာ့စွမ်းအားအကြီးဆုံးလက်နက် ရေငုပ်သင်္ဘောကနေ ပစ်လွှတ်တဲ့ ပဲ့ထိန်းဒုံးကျည်တွေ” လို့ ပြောပါတယ်။ မြောက်ကိုရီးယားဟာ ရေငုပ်သင်္ဘောကနေ ပစ်တဲ့ ပဲ့ထိန်းဒုံးကျည် အမြောက်အမြားကို စမ်းသပ်ပစ်ခတ်ထားပြီး အဲဒီဒုံးကျည်တွေကို သယ်ဆောင်ဖို့ စစ်ဆင်ရေးသုံး ရေငုပ်သင်္ဘောကို တီထွင်ဖို့ ကြိုးပမ်းနေတယ်လို့ ကျွမ်းကျင်သူတွေက ဆိုပါတယ်။
3 months Ago

November 27, 2019

ကိုကင်းများ တင်ဆောင်လာသည့် ရေငုပ်သင်္ဘောကို စပိန်ရဲတပ်ဖွဲ့ ကြားဖြတ်ဖမ်းဆီး

ကိုကင်း ၄ တန်နီးပါး တင်ဆောင်လာတယ်လို့ သံသယရှိတဲ့ ရေငုပ်သင်္ဘောတစီးကို စပိန်ရဲတပ်ဖွဲ့က ကြားဖြတ်ဖမ်းဆီးပြီး နိုဝင်ဘာ ၂၆ ရက်နေ့က ရေပေါ်  ပြန်ပေါ်လာအောင် လုပ်ခဲ့ပါတယ်။ နိုင်ငံအနောက်မြောက်ပိုင်း ဂါလီဇီယာဒေသ ကမ်းလွန်ရေပြင်အတွင်း ရေငုပ်သင်္ဘောကို ကြားဖြတ်ဖမ်းဆီးရာမှာ  အီကွေဒေါ နိုင်ငံသား နှစ်ဦးကို ထိန်းသိမ်းခဲ့ပြီး နောက်တယောက်ကတော့ လွတ်သွားခဲ့တယ်လို့ လုံခြုံရေး သတင်းရင်းမြစ်က ဆိုပါတယ်။     သင်္ဘောအမှုထမ်းတွေဟာ ရေငုပ်သင်္ဘောနဲ့ ကိုကင်းတွေ ရေထဲ နစ်မြှုပ်အောင် ကြိုးပမ်းခဲ့တယ်ဆိုပြီး စုံစမ်းရေးမှူးတွေက ယုံကြည်ပါတယ်။ စပိန်ရဲတပ်ဖွဲ့က ရေငုပ်သမားတွေနဲ့ ပူဖောင်းတွေသုံးပြီး ရေငုပ်သင်္ဘော ရေပေါ် ပေါ်လာအောင် ပြန်လုပ်ခဲ့တာပါ။  နောက်တော့ ရေငုပ်သင်္ဘောကို ပွန်တယ်ဗယ်လာပြည်နယ် ကန်းဂတ်စ်မြို့ ဆိပ်ကမ်းတခုဆီ ပို့ဆောင်ခဲ့ပါတယ်။ ရေငုပ်သင်္ဘောအတွင်းက မူးယစ်ဆေးတွေကို သယ်ထုတ်ပြီးမှ ပါဝင်ပစ္စည်းနဲ့ အလေးချိန်ကို တရားဝင် ပြောကြားနိုင်မှာပါ။ အဲဒီမူးယစ်ဆေးတွေဟာ ဘယ်နိုင်ငံက ဖြစ်တယ်၊ နောက်ပြီး စပိန်နိုင်ငံက ဘယ်သူ့ဆီ ပေးပို့ဖို့လဲဆိုတာကို အာဏာပိုင်တွေက အတည်မပြုနိုင်သေးပါဘူး။ 
1 year Ago
Up