ရေကြီးမှု

December 13, 2020

ကင်ညာတွင် ရေကြီးမှုကြောင့် သောင်တင်နေသည့် သစ်ကုလားအုတ်များကို ကယ်ဆယ် (ရုပ်သံ)

မိုးသည်းထန်စွာ ရွာသွန်းမှုကြောင့် ရေကြီးရေလျှံမှုတွေ ဖြစ်ပွားခဲ့ပြီးနောက် ကျွန်းတစ်ကျွန်းပေါ်မှာ သောင်တင်နေတဲ့ သစ်ကုလားအုတ်တွေကို ကင်ညာတာဝန်ရှိသူတွေက အောင်မြင်စွာ ကယ်တင်ပေးနိုင်ခဲ့ပါတယ်။ ကယ်တင်နိုင်ခဲ့တဲ့ သစ်ကုလားအုတ်တွေဟာ ရှားပါးတဲ့မျိုးနွယ်ဝင်တွေဖြစ်ပြီး အာဖရိကမှာ ကောင်ရေ ၃၀၀၀ သာ ကျန်ရှိတော့ကာ ကင်ညာမှာ ကောင်ရေ ၈၀၀ လောက်သာ ရှိတော့ပါတယ်။ ဒီသစ်ကုလားအုတ်တွေဟာ ရေနစ်တော့မယ့်အရေးနဲ့ ရင်ဆိုင်နေရတာ ဖြစ်ပါတယ်။ မိုးသည်းထန်စွာ ရွာမှုကြောင့် ကင်ညာအနောက်ပိုင်းမှာ ရှိတဲ့ ဘော်ရင်ဂိုကန်ရဲ့ ရေဟာ သိသိသာသာ မြင့်တက်လာခဲ့တာဖြစ်ပြီး သစ်ကုလားအုတ်တွေဟာ သွားစရာနေရာမရှိ ဖြစ်နေခဲ့တာပါ။ ဒါကြောင့် ကုလားအုတ်တွေကို ကယ်တင်ဖို့ ကြိုးစားခဲ့တာဖြစ်ပြီး ဒီကယ်ဆယ်ရေးမှာ ကင်ညာ တောရိုင်းတိရစ္ဆာန်အဖွဲ့ KWS၊ အမေရိကန်အခြေစိုက် သစ်ကုလားအုတ် စောင့်ရှောက်ရေးအဖွဲ့နဲ့ ကင်ညာမြောက်ပိုင်း ရန်ဂီလန်း ယုံကြည်မှုအဖွဲ့တို့က ပူးပေါင်းဆောင်ရွက်ခဲ့တာ ဖြစ်ပါတယ်။ ကယ်ဆယ်ရေးသမားတွေဟာ သောင်တင်နေတဲ့ သစ်အုလားအုတ်တွေကို ၄ မိုင်အကွာမှာ ရှိတဲ့ ဧက ၄၄၀၀၀ အကျယ် ရူကိုတိရစ္ဆာန်ကာကွယ်ရေးစခန်းက ဧက ၄၄၀၀ ရှိတဲ့ စောင့်ရှောက်ရေးစခန်းကို ပို့ဆောင်ပေးခဲ့တာ ဖြစ်ပါတယ်။ အဲဒီစခန်းမှာ သစ်ကုလားအုတ်တွေဟာ တရားမဝင် အမဲလိုက်သူတွေနဲ့ သားရဲတိရစ္ဆာန်တွေရဲ့ အန္တရာယ်ကနေ ကင်းဝေးမှာ ဖြစ်ပါတယ်။
6 months Ago

November 29, 2020

အီတလီနိုင်ငံ စာဒီနီယာကျွန်းတွင် ရုတ်တရက် ရေကြီးမှုကြောင့် လူ ၃ ဦး သေဆုံး

အီတလီနိုင်ငံ စာဒီနီယာကျွန်းပေါ်မှာ ရာသီဥတုအခြေအနေ ဆိုးရွားနေလို့ နိုဝင်ဘာ ၂၈ ရက်က လူ ၃ ဦး သေဆုံးပြီး ၂ ဦး ပျောက်ဆုံးနေတယ်လို့ သိရပါတယ်။ နိုဝင်ဘာ ၂၇ ရက်က မိုးကြီးပြီး မိုးကြိုးတွေပစ်ကာ ရုတ်တရက် ရေကြီးခဲ့လို့ ၂၈ ရက်နေ့ အစောပိုင်းက ဘစ်တီမြို့ အစိတ်အပိုင်းတွေ ရေအောက် မြုပ်နေပါတယ်။ ရုတ်တရက် ရေကြီးလို့ ကားတွေ ရေအောက်မြုပ်ကုန်တဲ့အတွက် သက်ကြီးဇနီးမောင်နှံနှစ်ဦးနဲ့ အမျိုးသားတယောက် သေဆုံးခဲ့ပါတယ်။ ပျောက်ဆုံးနေသူ ၂ ဦးကို ဒေသန္တရ မီးသတ်တပ်ဖွဲ့ဝင်တွေက ရှာနေဆဲ ဖြစ်တယ်လို့ ရိုက်တာသတင်းမှာ ဖော်ပြထားပါတယ်။
7 months Ago
More News
Up