ရေကြည်မြို့နယ်

July 31, 2021

ရေကြည်မြို့တွင် အသက် ၆၅ နှစ်အထက်ဘိုးဘွား ၆၅၀ ဦးကို ကိုဗစ်-၁၉ ကာကွယ်ဆေးထိုးပေး

ရေကြည်မြို့နယ်တွင်  ဇူလိုင် ၃၀ ရက်က အသက် ၆၅ နှစ်နဲ့အထက် ဘိုးဘွား ၆၅၀ ဦးကို ကိုဗစ်-၁၉ ရောဂါ ကာကွယ်ဆေးထိုး​ပေးခဲ့တယ်လို့ ကျန်းမာရေးဌာနက သိရပါတယ်။

ကာကွယ်ဆေးကို အ.ထ.က(ငါးသိုင်းချောင်း)၊ အ.ထ.က(အသုတ်)၊ အ.ထ.က(ကုန်းပြင်)၊ အ.ထ.က(ကမ်းနီ)ကျောင်းတွေမှာ ထိုးနှံပေးခဲ့ပြီး  ဇူလိုင် ၃၁ ရက်မှာတော့  ရေကြည်ပြည်သူ့ ဆေးရုံမှာ ဆက်ပြီးထိုးနှံပေးသွားမယ်လို့ သိရပါတယ်။

လတ်တလော ကိုဗစ်-၁၉ ရောဂါပိုးတွေ့ လူနာတွေကို ရေကြည်၊  အသုတ်၊ ကုန်းပြင်၊ ကမ်းနီနဲ့ ငါးသိုင်းချောင်းတိုက်နယ် ဆေးရုံတွေမှာ ကုသပေးနေတယ်လို့ သိရပါတယ်။

ဇူလိုင် ၃၀ ရက်​အထိ ​ရေကြည်မြို့နယ်အတွင်း ပိုးတွေ့ရှိသူ  ၆၆၉  ဦး ရှိပြီး သေဆုံးသူ ၂၂ ဦး ရှိ​နေပါတယ်။

6 months Ago

May 18, 2021

ရေကြည်မြို့နယ်က CDM ပညာရေးဝန်ထမ်း ၁၃၄ ဦး တာဝန်မှ ယာယီရပ်ဆိုင်းခံရ

ဧရာဝတီတိုင်း၊ ရေကြည်မြို့နယ်က CDM ပြုလုပ်နေတဲ့ ဆရာ ဆရာမတွေနဲ့ ပညာရေးဝန်ထမ်း ၁၃၄ ယောက်ကို စစ်ကောင်စီက တာဝန်ကနေ ယာယီရပ်ဆိုင်းလိုက်ပါတယ်။

သင်ကြားရေးနဲ့ စီမံဝန်ထမ်း ၁၃၄ ယောက်ဟာ ခွင့်စည်းကမ်းကိုဖောက်ဖျက်ပြီး တာဝန်ချိန်ပျက်ကွက်နေတာကြောင့် မေ ၇ ရက်ကစလို့ တာဝန်ကရပ်ဆိုင်းတာလို့ စစ်ကောင်စီလက်အောက်ခံ တိုင်းပညာရေးမှူးက မေလ ၇ ရက်နေ့မှာ  ထုတ်ပြန်ပါတယ်။

တာဝန်ကနေရပ်ဆိုင်းခံရသူ‌‌တွေအထဲမှာ အထက်တန်းပြ ၁၈ ယောက်၊ အလယ်တန်းပြ ၇ ယောက်၊ မူလတန်းကျောင်းအုပ် ၁၅ ယောက် ပါဝင်ပါတယ်။

မြန်မာနိုင်ငံတဝန်းမှာ စာသင်ကျောင်းတွေကို ဇွန်လဆန်းမှာ ပြန်ဖွင့်ဖို့ စီစဉ်နေသလို   CDM ဆရာဆရာမတွေကိုလည်း ဖမ်းဆီးတာ၊ အမှုဖွင့်တာ၊ အလုပ်ရပ်နားတာ၊  အလုပ်ပြန်လုပ်ဖို့ ဖိအားပေးတာ ခြိမ်းခြောက်တာစတဲ့ နည်းမျိုးစုံနဲ့ ပြုလုပ်နေပါတယ်။

8 months Ago
More News
Up