ရေကူးကန်

September 16, 2020

ဟောင်ကောင်တွင် ဘား၊ ရေကူးကန်၊ အပန်းဖြေဥယျာဉ်များ ပြန်ဖွင့်မည်

ဟောင်ကောင်မှာ ကိုရိုနာဗိုင်းရပ်စ် ကူးစက်ခံရမှုရှိ၊ မရှိ လူထုကို အကြီးအကျယ် စစ်ဆေးပြီးရင် ဘားတွေ၊ ရေကူးကန်တွေနဲ့ အပန်းဖြေဥယျာဉ်တွေကို စက်တင်ဘာ ၁၈ ရက်မှာ ပြန်ဖွင့်ပေးသွားမယ်လို့ ကျန်းမာရေးဝန်ကြီးရဲ့ စက်တင်ဘာ ၁၅ ရက် ကြေညာချက်ကို ကိုးကားပြီး ရိုက်တာသတင်းဌာနက ရေးပါတယ်။ တရုတ်ပြည်မကြီးအစိုးရက စီစဉ်တဲ့ ဆေးစစ်တဲ့အစီအစဉ်ထဲမှာ လူ ၂ သန်းနီးပါး ပါဝင် စစ်ဆေးအပြီး ကူးစက်ခံ ၄၂ ယောက်ကို တွေ့ရှိအပြီးမှာ ကိုရိုနာဗိုင်းရပ်စ်ဆိုင်ရာ ကန့်သတ်ချက်တွေကို ဖြေလျှော့ပေးလိုက်တာပါ၊ တရုတ် အထူးကိုယ်ပိုင်အုပ်ချုပ်ခွင့်ရဒေသ ဟောင်ကောင်မှာ အားကစားရုံတွေနဲ့ ဖျော်ဖြေရေးနေရာတွေကို ပြန်ဖွင့်ပေးခဲ့ပြီး လူ ၄ ယောက်အထိ စုဝေးဖို့ တိုးမြှင့်ခွင့်ပြုခဲ့ပါတယ်။ ဒါပေမဲ့ လူ ၄ ယောက်ထက် ပိုမစုဖို့တော့ တားမြစ်ထားဆဲပါ။ အများပြည်သူဆိုင်ရာ ကမ်းခြေတွေကို သွားရောက်လည်ပတ်တာကိုလည်း တားမြစ်ထားပြီး လူတွေ သတိရှိကြဖို့ အာဏာပိုင်တွေက ဆော်သြထားပါတယ်။ ဟောင်ကောင်မှာ ဒီနေ့ထိ ကိုရိုနာဗိုင်းရပ်စ် ကူးစက်ခံ အတည်ပြုလူနာ ၄၉၇၆ ယောက် ရှိပြီး ကူးစက်ခံ ၁၀၁ ယောက် သေဆုံးခဲ့ပါတယ်။ လာမယ့် သောကြာနေ့မှာ ဟောင်ကောင် အဏ္ဏဝါဥယျာဉ်နဲ့ ဟောင်ကောင် ဒစ္စနေး အပန်းဖြေ ဥယျာဉ်တို့အပြင် ညီလာခံခန်းမတွေကိုပါ ပြန်လည်ဖွင့်လှစ်မယ်လို့ ရိုက်တာသတင်းဌာနက ဖော်ပြထားပါတယ်။
7 months Ago

May 10, 2020

နယူးဆောက်ဝေးလ်စ်တွင် စားသောက်ဆိုင်၊ ကစားကွင်းနှင့် ရေကူးကန်များ မေ ၁၅ ရက် ပြန်ဖွင့်မည်

ဩစတြေးလျရဲ့ အကြီးဆုံးပြည်နယ်ဖြစ်တဲ့ နယူးဆောက်ဝေးလ်စ်ပြည်နယ်မှာ ကိုရိုနာဗိုင်းရပ်စ် ကူးစက်မှု ထိန်းချုပ်ရေး အသွားအလာကန့်သတ် လော့ဒေါင်းချထားတာကနေ စားသောက်ဆိုင်တွေ၊ ကစားကွင်းနှင့် ရေကူးကန်တွေကို မေ ၁၅ ရက်နေ့ကစလို့  ပြန်ဖွင့်ပေးတော့မယ်လို့ သိရပါတယ်။  ဒီပြည်နယ်ဟာ ဩစတြေးလျမှာ COVID-19 ကပ်ဘေးကြောင့် အထိခိုက်ဆုံးဖြစ်ခဲ့ပါတယ်။  တနိုင်ငံလုံး သေဆုံးနှုန်းရဲ့ ၄၅ ရာခိုင်နှုန်းက နယူးဆောက်ဝေးလ်စ်မှာ သေဆုံးခဲ့တာပါ။ မေ ၁၅ ရက်နေ့ကစလို့ ပြည်နယ်အတွင်း ကဖေးဆိုင်တွေနဲ့ စားသောက်ဆိုင်တွေမှာ တကြိမ်မှာ လူ ၁၀ ဦးအထိ ထိုင်ခွင့်ပေးမယ်လို့ သိရပါတယ်။  ကစားကွင်းတွေနဲ့ ရေကူးကန်တွေကိုတော့ တင်းကျပ်တဲ့ စည်းကမ်းသတ်မှတ်ပြီး ပြန်ဖွင့်ခွင့်ပေးမှာပါ။  ဩစတြေးလျအစိုးရဟာ မေ ၈ ရက်နေ့က စလို့ အဆင့်သုံးဆင့်ပါတဲ့ လော့ဒေါင်းပြန်ဖွင့်ရေး အစီအစဉ်ကို စတင်ခဲ့ပြီး လူ ၁ သန်းနီးပါးလောက်ဟာ ဇူလိုင်လမှာ အလုပ်ခွင်ပြန်ဝင်နိုင်အောင် လုပ်ခဲ့တယ်လို့ ရိုက်တာသတင်းမှာ ဖော်ပြထားပါတယ်။
11 months Ago
Up