ရုံးပိတ်ရက်

August 21, 2021

ရုံးပိတ်ရက်၊ ကျောင်းပိတ်ရက်များ သီတင်း ၁ ပတ်ကျော်ထပ်တိုး

အများပြည်သူအလုပ်ပိတ်ရက်အဖြစ် ဩဂုတ် ၂၃  ရက်မှ ၃၁ ရက်အထိ တစ်ဆက် တစ်စပ်တည်း ထပ်မံတိုးမြှင့်သတ်မှတ်ကြောင်း အာဏာသိမ်းစစ်ကောင်စီက ဩဂုတ် ၂၀ ရက်မှာ ကြေညာပါတယ်။

ကိုဗစ်-၁၉ ရောဂါကူးစက်ပြန့်ပွားမှုကို  ထိရောက်စွာ ကာကွယ်ထိန်းချုပ်ကုသနိုင်ဖို့အတွက် အများပြည်သူ အလုပ်ပိတ်ရက်ကို နောက်ထပ် သီတင်းတပတ်ကြာ တိုးမြှင့်သတ်လိုက်တာပါ။

ကိုဗစ်-၁၉ ရောဂါကူးစက်မှုကို ဆက်လက်ထိန်းချုပ်ပြီး ပုံမှန်အခြေအနေသို့ အမြန်ပြန်လည်ရောက်ရှိနိုင်ဖို့ ထူးခြားတဲ့ အခြေအနေအရ နိုင်ငံတော် ဗဟိုဘဏ်နဲ့ ပုဂ္ဂိလကဘဏ်တွေမှအပ တစ်ဆက်တစ်စပ်တည်း အများပြည်သူအလုပ်ပိတ်ရက်အဖြစ် တိုးမြှင့်သတ်မှတ်ကြေညာလိုက်တာပါ။

ကိုဗစ်-၁၉ ရောဂါအခြေအနေကြောင့် အခုလို ရုံးပိတ်ရက်တွေကို ထပ်ခါထပ်ခါတိုးမြှင့် ကြေညာနေတာ စုစုပေါင်း ၅ ကြိမ်ရှိသွားပြီဖြစ်ပါတယ်။

အလားတူ  ပုဂ္ဂလိက ကျောင်း၊ ဘုန်းတော်ကြီးသင် ပညာရေးကျောင်းတွေအပါအဝင် အခြေခံပညာစာသင်ကျောင်းတွေအားလုံးကိုလည်း    ဩဂုတ် ၂၃  ရက်မှ ၃၁ ရက်အထိ ယာယီ ဆက်လက် ပိတ်ထားမယ်လို့ စစ်ကောင်စီက ကြေညာထားပါတယ်။

မြန်မာနိုင်ငံမှာ မနေ့ကတရက်တည်း ကိုဗစ်-၁၉ ရောဂါကူးစက်ခံရသူ ၃၀၀၀ ကျော်နဲ့ ထပ်မံသေဆုံးသူ ၁၅၁ ယောက်ရှိပြီး လက်ရှိအချိန်ထိ ကိုဗစ်-၁၉ ကြောင့် သေဆုံးသူစုစုပေါင်း ၁၄,၀၉၆ ယောက်နဲ့ ရောဂါကူးစက်ခံရသူ စုစုပေါင်း ၃၆၈,၇၆၈ ယောက်ရှိပြီလို့ စစ်ကောင်စီ ကျန်းမာရေးဝန်ကြီးဌာနက ဩဂုတ် ၂၀ ရက်ညမှာ ထုတ်ပြန်ပါတယ်။ 

PhotoCredit-BEHS (6) Myaungmya

3 months Ago

December 28, 2019

ဒီဇင်ဘာ ရုံးပိတ်ရက် ကလော View Point တွင် လည်ပတ်သူများပြား

အပန်းဖြေစရာ နေရာကောင်းတခုဖြစ်တဲ့ ရှမ်းပြည်နယ် ကလောမြို့ ပလောင်တောင် view point မှာ ဒီဇင်ဘာ ရုံးပိတ်ရက်အတွင်း ပြည်တွင်း ပြည်ပ လာရောက်အပန်းဖြေကြသူတွေ အလွန်များပြားနေပါတယ်။ ကလောမြို့ကို ရောက်လာတဲ့ ခရီးသွားဧည့်သည်တွေက view point ကို မရောက်ရောက်အောင် သွားရောက် လည်ပတ်ကြတာပါ။  အဲ့ဒီ ပလောင်တောင်ထိပ် view point ဟာ ၂၀၁၈ ခုနှစ် နိုဝင်ဘာလမှ လူတွေ လာရောက်လည်ပတ်ဖို့ကောင်းအောင် ဓာတ်ပုံရိုက်တဲ့ ရှုခင်းနေရာတွေကို ပြုလုပ်ပေးထားတာပါ။ လာရောက်လည်ပတ်သူတွေဟာ ဓာတ်ပုံရိုက်ပြီးပြန်ထွက်ကြတဲ့အတွက် ဆိုင်ရှင်တွေက ကူပွန်လုပ်ပြီး လာရောက်သူတိုင်း ကူပွန်ဝယ်ယူပြီး အစားအသောက် တခုခုအားပေးရမယ့်အစီစဉ်တွေ လုပ်လာကြပါတယ်။  အလားတူ လမ်းတလျှောက် ပလောင်ရိုးရာဝတ်စုံနဲ့ ဓာတ်ပုံရိုက်ချင်သူတွေအတွက် ဆိုင်ခန်းလုပ်ပေးထားသလို လိမ္မော်ခြံအတွင်း ဓာတ်ပုံဝင်ရိုက်ပါက ဒေသထွက်တခုခု အားပေးပြီးမှ ခွင့်ပြုကြတာပါ။  ခရီးသည်တွေများလာတဲ့အတွက် ဒေသခံတွေ အလုပ်အကိုင် ရရှိလာသလို ဒေသထွက်ကုန်တွေလည်း အဝေးကို သွားရောက်ရောင်းချဖို့ မလိုဘဲ အဆင်ပြေနေကြပါတယ်။ ကလောမြို့မှာ ဒီဇင်ဘာ ရုံးပိတ်ရက်အပြင် အခါကြီးရက်ကြီးတွေ သီတင်းကျွတ်၊ တန်ဆောင်တိုင် အားလပ်ရက်တွေလည်း ခရီးသွားဧည့်သည်တွေ လာရောက်လည်ပတ်ကြပါတယ်။
2 years Ago
Up