ရုံးစာများ

A d v e r t i s e m e n t With Us

April 23, 2020

ရုံးစာများ အပြင်ကိုပေါက်ကြားပါက နိုင်ငံ့ဝန်ထမ်း ဥပဒေအရ အရေးယူမည်

ဌာနတွင်း ထုတ်ပြန်တဲ ရုံးတံဆိပ်ပါ စာတွေ အပြင်ကိုပေါက်ကြားပါက နိုင်ငံ့ဝန်ထမ်း ဥပဒေအရ အရေးယူသွားမယ်လို့ မကွေးတိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးမင်းဦး ကပြောပါတယ်။ "COVID-19 ရောဂါအပြင် ဌာနဆိုင်ရာကိစ္စတွေကို Viber Group နဲ့ဆက်သွယ်ပြီး ညွှန်ကြားချက်တွေ ထုတ်ပြန်သလို ဗွီဒီယို ကွန်ဖရင့်နဲ့လည်း ဆက်သွယ်ဆွေးနွေးတာတွေရှိပါတယ်။ အထူးသဖြင့် COVID-19 ရောဂါနဲ့ပတ်သက်တဲ့ ညွှန်ကြားချက်တွေ Facebook လူမှုကွန်ရက် စာမျက်နှာပေါ်တွေမှာ ပေါက်ကြားပျံ့နှံ့နေပါတယ်။ ရုံးတံဆိပ် ရိုက်နှိပ်ထားတဲ့ စာတွေမှာ Code နံပါတ်တွေပါဝင်တဲ့အတွက် တံဆိပ်မပါအောင် ဖြတ်တောက်ပြီးလည်း Online ပေါ်ကို တင်ခွင့်မရှိပါဘူး။””လို့ ဒီဗွီဘီကို ပြောပါတယ်။ ဌာနဆိုင်ရာ တာဝန်ရှိသူတွေအနေနဲ့ COVID-19 ရောဂါနဲ့ ပတ်သက်တဲ့ ရုံးစာတွေ ပေါက်ကြားမှု မရှိအောင် စောင့်စည်းရမယ့် တာဝန်ရှိသလို တကယ်လို့ ထပ်မံပေါက်ကြားပါက တာဝန်ရှိသူအဆင့်ဆင့်ကို စုံစမ်းဖော်ထုတ်ပြီး နိုင်ငံ့ဝန်ထမ်းဥပဒေ နဲ့ အရေးယူ သွားမယ်လို့လည်း နယ်လုံဝန်ကြီးက ပြောပါတယ်။ အဆိုပါရုံးစာတွေပေါက်ကြား ပျံ့နှံ့တာနဲ့ပတ်သက်လို့ အရေးယူမယ့် ကိစ္စကို မကွေးတိုင်းဒေသကြီး အတွင်းက ဌာနဆိုင်ရာ အားလုံးကို ညွှန်ကြားချက်ထုတ်ပြန်ထားတယ်လို့ မကွေးတိုင်းဒေသကြီး အစိုးရအဖွဲ့ထံက သိရပါတယ်။ သတင်း-မင်းထီး
10 months Ago
Up