ရုရှားသံအမတ်

May 17, 2022

ရုရှားသံရုံးဝန်ထမ်းများကို FBI နှင့် CIA က စည်းရုံးသိမ်းသွင်းနေ ရုရှားသံအမတ်ပြော

အမေရိကန်ပြည်ထောင်စု စုံစမ်းစစ်ဆေးရေးဗျူရို FBI နဲ့ အမေရိကန်  ဗဟိုထောက်လှမ်းရေးအေဂျင်စီ CIA တို့က မြို့တော် ဝါရှင်တန်ဒီစီမှာ ရှိတဲ့ ရုရှားသံရုံးဝန်ထမ်းတွေကို စည်းရုံးသိမ်းသွင်းတာဟာ လက်မခံနိုင်စရာပဲလို့ ရုရှားသံအမတ်က ပြောပါတယ်။

ရုရှားသံရုံးဝန်ထမ်းတွေဟာ ရုရှားသံရုံးအနီးတဝိုက်မှာတင် FBI နဲ့ CIA  အတွက် အလုပ်လုပ်ပေးဖို့ ကိုယ်ထိလက်ရောက် ခြိမ်းခြောက်တာကိုရော နားပူနားဆာ လုပ်တာကိုပါ ခံနေရတယ်လို့ အမေရိကန်နိုင်ငံဆိုင်ရာ ရုရှားသံအမတ်ကြီး အနာတိုလီအန်တိုနော့ဗ်က မေလ ၁၆ ရက်မှာ အစိုးရ မီဒီယာကို ပြောလိုက်တာပါ။

“ကျနော်တို့ နိုင်ငံသားတွေနဲ့ နိုင်ငံခြား အထူးတာဝန်တွေကို ထမ်းဆောင်နေတဲ့ ဝန်ထမ်းတွေကို ဆက်ဆံရာမှာ အမေရိကန်ထောက်လှမ်းရေး အေဂျင်စီတွေရဲ့ ပြောင်တင်းတဲ့ အပြုအမူတွေကို အမေရိကန် နိုင်ငံထဲက သံတမန်ရေးရာ အကြီးအကဲက စိုးရိမ်ပူပန်သလို ကျနော်တို့လည်း စိုးရိမ်တယ်”လို့  ရုရှ သမ္မတနန်းတော်ပြောခွင့်ရ ဒမစ်ထရီပဲ့စ်ကို့ဗ်က သတင်းထောက်တွေကို ဖုန်းထဲကနေ ပြောခဲ့ပါတယ်။ 

7 months Ago

April 6, 2022

ယူကရိန်းကို ငြိမ်းချမ်းရေးဆောင်ကြဉ်းရန် ကျူးကျော်ခြင်းဖြစ်ဟု ရုရှားသံအမတ်ပြော

ရုရှားက ယူကရိန်းကို သိမ်းပိုက်ဖို့ ကြိုးစားနေတာ မဟုတ်ဘဲ ယူကရိန်းခွဲထွက်ဒေသ အရှေ့ခြမ်း ဒွန်းဘတ်စ်နယ်မြေမှာ ငြိမ်းချမ်းရေး ဆောင်ကြဉ်းပေးဖို့ ဝင်ရောက်တာလို့ ရုရှားနိုင်ငံဆိုင်ရာ ကုလသမဂ္ဂသံအမတ် ဗာဆီလီ နီဘန်ဇီယာက မတ် ၅ ရက်နေ့ ကုလသမဂ္ဂ လုံခြုံရေးကောင်စီ အစည်းအဝေးမှာ ပြောပါတယ်။

ဒါ့အပြင် ရုရှားတပ်တွေဟာ ယူကရိန်းအရပ်သားတွေကို ပစ်မှတ်မထားကြောင်းနဲ့ စွပ်စွဲပြောဆိုမှုတွေဟာ အလိမ်အညာတွေသာဖြစ်တယ်လို့ ဆိုပါတယ်။

“ယူကရိန်းကို အထူးစစ်ဆင်ရေး စတင်ကတည်းက အဲဒီမှာရှိတဲ့ ရုရှား ၆ သိန်းကို ကယ်ထုတ်ပေးနိုင်ခဲ့ပါတယ်။ အဲဒီထဲ ကလေး ၁ သိန်း ၂ သောင်းကျော် ပါတယ်။ ရုရှားစစ်တပ်နဲ့ စစ်သားတွေအကြောင်း ပြောဆိုနေတာဟာ မုသားတွေပါ။ ကျနော်တို့ ယူကရိန်းကိုလာတာ မြေတွေ သိမ်းပိုက်ဖို့ မဟုတ်ဘူး၊ သွေးစွန်းနေတဲ့ ဒွန်းဘတ်စ်ဒေသမှာ ရေရှည်ခံမယ့် ငြိမ်းချမ်းရေးအတွက် လာတာ။ အပစ်မရပ်ဖို့ မဟုတ်ဘူး၊ ရေရှည်တည်မြဲမယ့် ငြိမ်းချမ်းရေးအတွက်ပါ။ ယူကရိန်းမှာ မှိုင်းမိနေတဲ့ နာဇီကင်ဆင်ရောဂါကို အမြစ်က ဆွဲနုတ်ဖို့လာတာ၊ အနှေးနဲ့အမြန် ကျနော်တို့ပန်းတိုင် ရောက်မှာပါ။ ကျနော်တို့ အီရတ်နဲ့ ဆီးရီးယားမှာ အမေရိကန်တွေ ပြုခဲ့သလိုမျိုး လုပ်နေတာ မဟုတ်ဘူး” လို့ ပြောသွားပါတယ်။

အမေရိကန်နိုင်ငံဆိုင်ရာ ကုလသမဂ္ဂသံအမတ် လင်ဒါသောမတ်စ် ဂရင်းဖီးလ်ကတော့ အခုချိန်မှာ ကမ္ဘာ့ခေါင်းဆောင်တွေ အင်အားကြီးနိုင်ငံတွေအနေနဲ့ ရုရှားက ယူကရိန်းကို ဖျက်ဆီးပြီး ကမ္ဘာကြီးအပေါ် အန္တရာယ်ပြုနေမှုတွေကို ကာကွယ်ကြဖို့ တာဝန်ရှိကြောင်းနဲ့ လုံခြုံရေးကောင်စီအဖွဲ့ဝင် အဖြစ်မှ ရုရှားကို ရပ်ဆိုင်းထားဖို့ တောင်းဆိုခဲ့ပါတယ်။

ကုလသမဂ္ဂကတော့ ရုရှားကျူးကျော်တိုက်ခိုက်မှုကြောင့် လက်ရှိ ယူကရိန်းနိုင်ငံသား ၁၁ သန်းကျော် သူတို့အိမ်တွေကို စွန့်ခွာခဲ့ကြောင်းနဲ့ ၄ သန်းကျော် တိုင်းပြည်က ထွက်ခွာခဲ့ကြောင်း ပြောပါတယ်။

8 months Ago
Up