ရုရှားစစ်တပ်

July 20, 2021

ရုရှားစစ်တပ်က ခရုဇ်ဒုံးကျည်တစီး စမ်းသပ်ပစ်ခတ်

ရုရှားစစ်တပ်ဟာ ဇာကွန်ဟိုက်ပါဆောနစ် ခရုဇ်ဒုံးကျည်တစီးကို ဘားရန့်ပင်လယ် ကမ်းရိုးတန်းရဲ့ ကမ်းလွန် ၂၁၇ မိုင်ကျော် အကွာအဝေးက မြေပြင်ကို ပစ်မှတ်ထား စမ်းသပ် အောင်မြင်ခဲ့တယ်လို့ ရုရှားကာကွယ်ရေးဝန်ကြီးဌာနက ဇူလိုင် ၁၉ ရက်မှာ ပြောပါတယ်။

ဒုံးကျည်ကို ပင်လယ်ဖြူထဲက သင်္ဘောပေါ်ကနေ ပစ်ခတ်ခဲ့တာလို့ ဝန်ကြီးဌာနက ပြောပါတယ်။

ရုရှားသမ္မတ ဗလာဒီမီယာပူတင်ကလည်း အသံထက်မြန်တဲ့ ဟိုက်ပါဆောနစ် ဒုံးကျည်တွေဟာ ရုရှား စစ်လက်နက် မျိုးဆက်သစ်ရဲ့ အစိတ်အပိုင်းဖြစ်တယ်။ ဒီဒုံးကျည်တွေဟာ ကမ္ဘာပေါ်က ဘယ်နေရာကိုမဆိုနီးပါး ထိမှန်နိုင်ပြီး အမေရိကန်က တည်ဆောက်ထားတဲ့ ဒုံးကျည် ကာကွယ်ရေးဒိုင်းတွေကိုလည်း ရှောင်တိမ်းနိုင်တယ်လို့ ၂၀၁၈ မတ်လက မိန့်ခွန်းအတွင်း ပြောဖူးပါတယ်။

3 months Ago

July 7, 2021

ရုရှားစစ်တပ်က မော်စီတုံး၏ကဗျာကိုတီးခတ်သီဆိုပြီး တရုတ်နိုင်ငံကိုဂုဏ်ပြု

တရုတ်ကွန်မြူနစ်ပါတီ တည်ထောင်တဲ့ နှစ် ၁၀၀ ပြည့် နှစ်ပတ်လည်နေ့မှာ ရုရှားစစ်တပ်ဟာ  တရုတ်နိုင်ငံကို ချီးကျူးဂုဏ်ပြုတဲ့အနေနဲ့ ခေါင်းဆောင် မော်စီတုံးရဲ့ ခရီးရှည် ချီတက်ပွဲ ကဗျာကို မန်ဒရင်း တရုတ်ဘာသာနဲ့ တီးခတ် သီဆိုခဲ့ပါတယ်။

ဒီဖျော်ဖြေရေး ရုပ်သံကို ရုရှားကာကွယ်ရေး ဝန်ကြီးဌာနက ဇူလိုင် ၆ ရက်မှာ ဖြန့်ချိခဲ့တာပါ။ ဒီသီချင်းဟာ ၁၉၆၄ ခုနှစ်မှာ ဖျော်ဖြေခဲ့တဲ့ တရုတ်တော်လှန်ရေး သီချင်း အရှေ့ကအနီရဲ့ အစိတ်အပိုင်းလည်း ဖြစ်ပါတယ်။

သီချင်းထဲက တပုဒ်ကို ၁၉၃၅ ခုနှစ်မှာ ရေးစပ်ခဲ့ပြီး တပ်နီတော်ဟာ ခရီးရှည်ချီတက်ပွဲရဲ့ ဝဋ်ဆင်းရဲတွေကို ကြောက်နေမှာ မဟုတ်ဘူးလို့ စတင် သီကုံးထားပါတယ်။

4 months Ago
More News
Up