ရုရှား

September 17, 2021

အာဖဂန်အရေး ပူးပေါင်းဆောင်ရွက်ရန် တရုတ်၊ ရုရှား၊ ပါကစ္စတန်နှင့် အီရန်နိုင်ငံတို့ သဘောတူ

တရုတ်၊ ရုရှား၊ ပါကစ္စတန်နဲ့ အီရန်တို့က ထိပ်တန်းအဆင့်မြင့် အရာရှိတွေဟာ အာဖဂန်အရေးမှာ ဆက်သွယ်ရေးနဲ့ ညှိနှိုင်းဆောင်ရွက်မှုကို မြှင့်တင်ဖို့ စက်တင်ဘာ ၁၆ ရက်က သဘောတူညီမှု ရရှိခဲ့ပါတယ်။

တာဂျစ်မြို့တော် ဒူရှန်ဘေမှာကျင်းပတဲ့ အာဖဂန်နစ္စတန်အရေးကိစ္စ အလွတ်သဘော တွေ့ဆုံဆွေးနွေးပွဲကို တရုတ်နိုင်ငံတော်ကောင်စီဝင်နဲ့ နိုင်ငံခြားရေးဝန်ကြီး ဝမ်ယိ၊ ရုရှားနိုင်ငံခြားရေးဝန်ကြီးဆာဂျီလက်ဗ်ရော့ဗ်၊ ပါကစ္စတန်နိုင်ငံခြားရေးဝန်ကြီး ဆဟာမာမွဒ်ကွာရှီ နဲ့ အီရန်နိုင်ငံခြားရေးဝန်ကြီး ဆီယက်ရာဆိုလ်းမူဆာဗီရဲ့လက်ထောက်တို့ တက်ရောက်လာပြီး သဘောတူညီမှုရရှိခဲ့တာပါ။

အစည်းအဝေးမှာ ဝမ်ယိက ပြောကြားခဲ့တာမှာ ဒီနိုင်ငံ ၄ နိုင်ငံဟာ ဆက်သွယ်ရေးနဲ့ ညှိနှိုင်းဆောင်ရွက်မှု အားကောင်းဖို့၊ တညီတညာတည်း တသဘောထဲ ပြောစကားဖြစ်ဖို့၊ အကူအညီဖြစ်စေမယ့် သြဇာလွှမ်းမိုးမှုကို အားထုတ်ဖို့နဲ့ အာဖဂန်နစ္စတန် အခြေအနေ တည်ငြိမ်ရေးအတွက် အပြုသဘောဆောင်တဲ့ အခန်းကဏ္ဍကနေ ပါ၀င်ဖို့ မဖြစ်မနေ လိုအပ်တယ်လို့ ဆိုပါတယ်။ 

ဒေသတွင်းနိုင်ငံတွေဟာ အာဖဂန်အစိုးရသစ်ကို အားလုံးပါဝင်နိုင်ပြီး အကြမ်းဖက်မှုကို ဆန့်ကျင်ဖို့နဲ့ အိမ်နီးချင်းနိုင်ငံတွေနဲ့ ရင်းနှီးဖို့ မျှော်လင့်ကြောင်းလည်း အလေးအနက်ပြောကြားသွားခဲ့ပါတယ်။

3 days Ago

September 13, 2021

ရုရှားဦးဆောင်သည့် ၄ နိုင်ငံအဖွဲ့ ကာဇက်စတန်တွင် စစ်ရေးလေ့ကျင့်

ရုရှား ဦးဆောင်တဲ့ စုပေါင်းလုံခြုံရေးအဖွဲ့အစည်း The Collective Security Treaty Organisation ရဲ့ CSTO အဖွဲ့ဝင်နိုင်ငံတွေက စစ်တပ်တွေဟာ ကာဇက်စတန်နိုင်ငံထဲမှာ စက်တင်ဘာ ၉ ရက်ကစပြီး စစ်ရေးလေ့ကျင့်နေခဲ့ပါတယ်။

အလယ်အာရှဒေသအတွင်း အကြမ်းဖက်ခြိမ်းခြောက်မှု ဖြစ်နိုင်ခြေကို စစ်ရေးအရ အရေးယူဆောင်ရွက်ဖို့ လေ့ကျင့်နေတာပါ။

CSTO အဖွဲ့ဝင် ကာဇက်စတန်၊ ကာဂျစ်စတန်၊ တာဂျစ်ကစ္စတန်နဲ့ ရုရှားတို့က ပူးပေါင်းတပ်တွေဟာ လေတပ်ရဲ့ အကူအညီနဲ့ မြေပြင် စစ်ဆင်ရေးကို လေ့ကျင့်ခဲ့ကြပါတယ်။

“ကျနော်တို့နိုင်ငံတွေနဲ့ အာဖဂန်နစ္စတန်ကြား နယ်စပ်မှာ ပြဿနာရှိတယ်ဆိုတာ ကျနော်တို့ သတိထားရမယ်။ အခြေအနေက မတည်ငြိမ်ဘူး” လို့ CSTO ပူးတွဲ့အဖွဲ့ရဲ့ အကြီးအကဲ အနာတိုလီ စီဒိုရို့ဗ်က ပြောပါတယ်။

စစ်ရေးလေ့ကျင့်ရာမှာ အခြေစိုက်စခန်းကို တိုက်ခိုက်မှု ပုံစံငယ်အတွက် S-300 လေကြောင်းရန် ကာကွယ်ရေးစနစ် စမ်းသပ်ပစ်လွှတ်တာလည်း ပါတယ်လို့ ရုရှားကာကွယ်ရေး ဝန်ကြီးဌာနက ပြောပါတယ်။

ဒီလထဲမှာ အာဖဂန်နယ်စပ် နဲ့နီးတဲ့ ရုရှားနိုင်ငံဟာ စစ်ရေး ၃ ကြိမ် လေ့ကျင့်ခဲ့တာပါ။

လာမယ့်လမှာတော့ ရုရှားစစ်တပ် အခြေစိုက်စခန်း တည်ရှိရာ ကာဂျစ်စတန်နိုင်ငံထဲမှာ နောက်ထပ် စစ်ရေးလေ့ကျင့်မှုတရပ်ကို CSTO က ဆင်နွှဲဖို့ ပြင်ဆင်ထားပါတယ်။

အာဖဂန်နစ္စတန်ကနေ အမေရိကန်တပ်တွေ ဆုတ်ခွာအပြီး ဒေသတွင်း လုံခြုံရေး ဘေးအန္တရာယ်တွေ ပိုတိုးလာနေလို့ ရုရှအစိုးရဟာ CSTO အဖွဲ့ဝင် နိုင်ငံတွေနဲ့ ပိုပြီး နီးနီးကပ်ကပ် အလုပ်လုပ်သွားမယ်လို့ ရုရှားကာကွယ်ရေးဝန်ကြီး ဆာဂီရွှိုင်ဂူက အရင်သီတင်းပတ်က ပြောပါတယ်။

1 week Ago
More News
Up