ရုရှာ

A d v e r t i s e m e n t With Us

October 29, 2020

ရုရှားတွင် တရက်တည်း လူနာ ၃၄၆ ဦးသေဆုံး၊ ကိုဗစ်စည်းကမ်း ပိုမိုတင်းကြပ်

ရုရှားနိုင်ငံတလွှား ကိုရိုနာဗိုင်းရပ်စ်ကူးစက်မှု ဟန့်တားရေး ပိုတင်းကြပ်တဲ့ လုပ်ဆောင်ချက်တွေကို အောက်တိုဘာ ၂၈ ရက်က စပြီး အသက်သွင်းလိုက်ပါတယ်။  အများပြည်သူနဲ့ဆိုင်ရာ နေရာတချို့မှာ လူတိုင်း ပါးစပ်နှာခေါင်းစည်းတွေ မဖြစ်မနေ ဝတ်ဆင်ဖို့နဲ့ ဒေသန္တရ အာဏာပိုင်တွေအနေနဲ့ ဘားတွေ၊ စားသောက်ဆိုင်တွေ ညဘက် မဖွင့်ဘဲ ညမထွက်ရ အမိန့်ထုတ်ရေး စဉ်းစားဖို့ စားသုံးသူ ကျန်းမာရေး အာဏာပိုင်အဖွဲ့က ပြောထားပါတယ်။ လူထူတဲ့နေရာတွေ၊ အများပြည်သူ သယ်ယူပို့ဆောင်ရေးစနစ်တွေ၊ အငှားယာဉ်တွေ ဓာတ်လှေကားတွေနဲ့ ယာဉ်ရပ်နားစခန်းတွေမှာ ပါးစပ်နှာခေါင်းစည်းတွေ မဖြစ်မနေ ဝတ်ခိုင်းဖို့လည်း ဒေသန္တရ အာဏာပိုင်တွေကို တိုက်တွန်းထားပါတယ်။ မြို့တော် မော်စကိုနဲ့ တခြား မြို့ကြီးတွေမှာ အများပြည်သူ သယ်ယူပို့ဆောင်ရေးစနစ် အတွင်း မဖြစ်မနေ ပါးစပ်နှာခေါင်းစည်းဝတ်ဖို့ အမိန့်ထုတ်ထား ပြီးသားပါ။ မော်စကို မြို့ခံတွေကတော့ ဒီစည်းကမ်းကို ကြိုဆိုခဲ့ကြတယ်လို့ ရိုက်တာသတင်းမှာ ဖော်ပြထားပါတယ်။ ရုရှနိုင်ငံမှာ ဗုဒ္ဓဟူး တရက်တည်း ၂၄ နာရီအတွင်းမှာ ကိုရိုနာဗိုင်းရပ်စ် ကူးစက်ခံ ၁၆၂၀၀ ကျော်နဲ့ သေဆုံးသူ ၃၄၆ ယောက် ရှိခဲ့ပါတယ်။ ဒါကြောင့် လူဦးရေ ၁၄၅ သန်း နေထိုင်တဲ့ ရုရှားမှာ စုစုပေါင်း ကူးစက်ခံ အတည်ပြုလူနာ ၁ သန်း ၅ သိန်း ၆ သောင်းကျော် ရှိပြီး ကမ္ဘာစတုတ္ထကူးစက်မှု အများဆုံး နိုင်ငံအဖြစ် ရပ်တည်နေပါတယ်။  
3 months Ago

October 3, 2020

ရုရှားထုတ် ကိုဗစ်-၁၉ ကာကွယ်ဆေး ဗင်နီဇွဲလားသို့ ပထမဆုံးပို့ 

ရုရှားထုတ် ကိုဗစ်-၁၉ကာကွယ်ဆေး စပွန်းနစ် - ၅ ပို့ကုန်တွေကို  ဗင်နီဇွဲလားနိုင်ငံက ရရှိ တယ်လို့  ဒုသမ္မတ ဒယ်ဆီ-ရိုဒရီဂတ်ဇ်က အောက်တိုဘာ ၂ ရက်မှာ ပြောဆိုပါတယ်။  ဒါဟာ လက်တင်အမေရိကမှာ ပထမဆုံး ပို့ဆောင်တာဖြစ်ပြီး ကာကွယ်ဆေး လက်တွေ့ စမ်းသပ်ရာမှာ ဗင်နီဇွဲလားပြည်သူတွေကို ပါဝင်ခွင့်ပြုမယ်လို့ ဒုသမ္မတ ရိုဒရီဂတ်ဇ်က ရုပ်မြင်သံကြားထုတ်ပြန်ချက်မှာ ပြောဆိုပါတယ်။  ကာကွယ်ဆေးအရေအတွက် ဘယ်လောက်များများ ရောက်ရှိလဲဆိုတာကို ဒုသမ္မတက မပြောဆိုပေမယ့် ကာကွယ်ဆေး လက်တွေ့စမ်းသပ်မှုမှာ လူ ၂၀၀၀ လောက် ပါဝင်မယ်လို့ ကျန်းမာရေး ဝန်ကြီးက ပြောဆိုပါတယ်။  လာမယ့် ဗင်နီဇွဲလားလွှတ်တော်ရွေးကောက်ပွဲဝင်မယ့် ကိုယ်စားလှယ် ၁၅,၀၀၀ နီးပါး အနေနဲ့ ဘေးအန္တရာယ်ကင်းကင်း မဲဆွယ်နိုင်ဖို့ ရုရှားကာကွယ်ဆေးထိုးပေးဖို့ သမ္မတ နီကိုးလပ်စ်မာဒူရိုက  စက်တင်ဘာမှာ အဆိုပြုခဲ့ပါတယ်။  သမ္မတ မာဒူရိုကို ရာထူးက ဖြုတ်ချဖို့ ရည်ရွယ်တဲ့  အမေရိကန်ရဲ့ပြင်းထန်တဲ့ ဒဏ်ခတ် ပိတ်ဆို့မှုတွေကြားမှာ ဗင်နီဇွဲလားဟာ ရုရှားနဲ့ သံတမန်ဆက်ဆံရေး ပိုအားကောင်းလာတယ်လို့ ရိုက်တာက ဖော်ပြပါတယ်။
4 months Ago
More News
Up