ရုပ်အလောင်း ၈၀ ကျော် တွေ့ရှိ

May 23, 2020

ပါကစ္စတန် ပျက်ကျလေယာဉ် အပျက်အစီးများအတွင်း ရုပ်အလောင်း ၈၀ ကျော် တွေ့ရှိ

ပါကစ္စတန်နိုင်ငံ ကရာချီမြို့အနီး လူနေရပ်ကွက်တခုပေါ် မေ ၂၂ ရက်က ပျက်ကျခဲ့တဲ့  ခရီးသည်တင်လေယာဉ် အပျက်အစီးတွေကြားက ရုပ်အလောင်း ၈၀ ကျော်ကို တွေ့ရှိတယ်လို့  DW  သတင်းက ဖော်ပြပါတယ်။  ကနဦးသတင်းတွေအရ  လူ ၁၀၇ ယောက် လိုက်ပါတယ်လို့ ဖော်ပြပြီး နောက်ပိုင်း  ၉၉ ယောက် လိုက်ပါလာတယ်ဆိုတဲ့ ပါကစ္စတန် အပြည်ပြည်ဆိုင်ရာလေကြောင်းလိုင်း (PIA) ပိုင်  လေယာဉ်ဟာ ကရာချီမြို့ရှိ ဂျင်းနား အပြည်ပြည်ဆိုင်ရာ လေဆိပ်ကို ဆင်းခါနီး မိနစ်ပိုင်းအလိုမှာ ပျက်ကျသွားခဲ့တာပါ။  PIA လေကြောင်းလိုင်း စီအီးအိုက လေယာဉ်ပျက်ကျတဲ့အကြောင်းရင်းကို ပွင့်လင်းမြင်သာစွာ စုံစမ်းသွားမယ်လို့ သတင်းစာရှင်းလင်းပွဲမှာ ပြောခဲ့ပါတယ်။   ပျက်ကျရာ နေရာကနေ ပျံသန်းချိန် မှတ်တမ်းတင်စက်ကို မတွေ့ရသေးဘူးလို့လည်း လေကြောင်းလိုင်း  စီအီးအိုက သတင်းထောက်တွေကို ပြောခဲ့ပါတယ်။  ပါကစ္စတန်နိုင်ငံသားတွေ မိဘဆွေမျိုးတွေဆီ လည်ပတ်ကြတဲ့  အစ္စလာမ်ဘာသာဝင်တွေရဲ့ အစ်ပွဲတော် ကျင်းပခါနီးချိန်မှာ လေယာဉ်ပျက်ကျမှု ဖြစ်ခဲ့တာလို့  ရိုက်တာသတင်းမှာ ဖော်ပြထားပါတယ်။ 
11 months Ago
Up