ရာအူးလ်

A d v e r t i s e m e n t With Us

October 23, 2020

နည်းပြဇီဒန်းနေရာကို အစားထိုးရန် ရီးရဲလ် ပြင်ဆင်

ရီးရဲလ်မက်ဒရစ်အသင်းဟာ နည်းပြ ဇီဒန်းနေရာမှာ ပိုချက်တီနိုနဲ့ရာအူးလ်တို့ကို အစားထိုး ခန့်အပ်ဖို့ ပြင်ဆင်နေပါတယ်။  လာလီဂါ နဲ့ ချန်ပီယံလိဂ်ပွဲစဉ် ၂ ပွဲ ဆက်တိုက် ရှုံးနိမ့်ခဲ့ပြီးနောက်မှာ နည်းပြ ဇီဒန်းရဲ့ ရာထူး လှုပ်ခတ်လာခဲ့တာပါ။  ရီးရဲလ်မက်ဒရစ်အသင်းဟာ အောက်တိုဘာ ၂၄ရက်နေ့မှာ ဘာစီလိုနာနဲ့ အယ်လ်ကက်စီကို ဒါဘီပွဲစဉ် ကစားရမှာဖြစ်ပြီး ဖိအားများနေတဲ့ နည်းပြဇီဒန်းအတွက် စိန်ခေါ်မှုတခုလည်း ဖြစ်ပါတယ်။  စပိန်သတင်းစာ AS ကတော့ ရီးရဲလ်အသင်းဟာ ဘာစီလိုနာနဲ့ပွဲမှာ ရလဒ်မကောင်း ခဲ့ဘူးဆိုရင် စပါးနည်းပြဟောင်း ပိုချက်တီနိုနဲ့ အပြောင်းအလဲလုပ်ဖို့ လျာထားတယ်လို့ ဆိုပါတယ်။ ဒါ့အပြင် အရန်အသင်းနည်းပြဖြစ်သူ တိုက်စစ်မှူးဟောင်း ရာအူးလ်ကိုလည်း ဇီဒန်းနေရာမှာ အစားထိုး ခန့်အပ်နိုင်တယ်လို့ သိရပါတယ်။  ရီးရဲလ်မှာ ၁၆ နှစ်ကစားခဲ့ပြီး ဆုဖလား ၁၆ လုံး ရယူနိုင်ခဲ့တဲ့ တိုက်စစ်မှူးဟောင်း ရာအူးလ်ဟာ အသင်းဥက္ကဋ္ဌ ပီရက်ဇ် သဘောကျတဲ့ နည်းပြဖြစ်တယ်လို့ သိရပါတယ်။ 
4 months Ago

January 11, 2020

ရာအူးလ်နှင့် ဒမ်ဘီလီကို ခေါ်ယူရန် ယူနိုက်တက် စိတ်ဝင်စားနေ

မန်ချက်စတာယူနိုက်တက်အသင်းဟာ ဝုဗ်အသင်းရဲ့တိုက်စစ်မှူး ရာအူးလ်ဂျင်မီနက်ဇ်နဲ့ လိုင်ယွန် တိုက်စစ်မှူး မူဆာဒမ်ဘီလီတို့ကို ခေါ်ယူဖို့ ချိန်ရွယ်နေတယ်လို့ Sky Sports သတင်းမှာ ဖော်ပြပါတယ်။  ဒါပေမဲ့ ဒီအပြောင်းအရွှေ့နှစ်ခုလုံးကို ဇန်နဝါရီ အပြောင်းအရွေ့မှာ အပြီးသတ်နိုင်ဖို့ ခက်ခဲလိမ့်မယ်လို့ သတင်းမှာ ခန့်မှန်းရေးသားထားပါတယ်။  ဂျင်မီနက်ဇ်ဟာ ဝုဗ်အသင်းရဲ့ စံချိန်တင် ပြောင်းရွှေ့ကြေးနဲ့ ‌ခေါ်ယူထားတဲ့ ကစားသမားပါ‌။ သူဟာ ဝုဗ်အသင်းကို အငှားစာချုပ်နဲ့ ကနဦး လာရောက်ကစားခဲ့သူဖြစ်ပြီး ပြီးခဲ့တဲ့ ဧပြီလကမှ အပြီးသတ် ပြောင်းရွှေ့ခဲ့သူ ဖြစ်ပါတယ်။  သူဟာ ဝုဗ်အသင်းကနေ ထွက်ခွာသွားနိင်တယ်လို့ အစောပိုင်းကတည်းက ပြောဆိုထားသူ ဖြစ်ပါတယ်။ စပိန်မှာရှိတဲ့ မာကာသတင်းနဲ့တွေ့ဆုံစဉ်တုန်းက သူဟာ ဝုဗ်အသင်းမှာ ‌ပျော်ရွှင်နေပေမယ့် ကစားသမားဘဝ တိုးတက်ဖို့အတွက် ‌နောက်ထပ်အသင်းကြီးတခုဆီ ပြောင်းရွှေ့သွားဖို့ ရှိနေတယ်လို့ ပြောဆိုခဲ့ဖူးပါတယ်။  ဒါပေမဲ့ တဖက်မှာလည်း ဂျင်မီနက်ဇ်ရဲ့အသင်းအပေါ် အကျိုးပြုမှုတွေကြောင့် ဝုဗ်အသင်းဘက်က သူတို့တိုက်စစ်မှူးကို အလွယ်တကူ လက်လွှတ်ခံသွားမှာတော့ မဟုတ်ပါဘူး။  “သူ (ဂျင်မီနက်ဇ်) ဟာ အခုချိန်မှာ ယူနိုက်တက်အသင်းရဲ့ စိတ်ဝင်စားမှုကို ခံနေရပေမယ့် ဝုဗ်အသင်းဘက်ကတော့ သူတို့ ကစားသမားကို အလွယ်တကူ လက်လွတ်ခံသွားမှာ မဟုတ်ပါဘူး။အထူးသဖြင့် ဒီဇန်နဝါရီအပြောင်းအရွှေ့မှာပေါ့” လို့ Sky Sports ရဲ့ သုံးသပ်သူတွေက မှတ်ချက်ပြုပါတယ်။  ဂျင်မီနက်ဇ်အပြင် ယူနိုက်တက်ရဲ့ အပြောင်းအရွှေ့ ပစ်မှတ်စာရင်းမှာ ရှိနေသူကတော့ လိုင်ယွန်တိုက်စစ်မှူး မူဆာဒမ်ဘီလီပဲ ဖြစ်ပါတယ်။  ဒမ်ဘီလီကို ပရီးမီးယားလိဂ်ထိပ်သီးအသင်းတချို့က မျက်စိကျနေကြပြီး ချဲလ်ဆီးအသင်းဘက်က ‌ပေါင် ၃၄ သန်းနဲ့ ကမ်းလှမ်ခဲ့ဖူးပါတယ်။ ဒီကမ်းလှမ်းမှုကို လိုင်ယွန်ဘက်က ပယ်ချခဲ့တာကြောင့် ယူနိုက်တက်အနေနဲ့ သူ့ကို ခေါ်ယူချင်တယ်ဆိုရင် ပိုပြီးကောင်းမွန်တဲ့ ကမ်းလှမ်းမှုမျိုး လုပ်ဆောင်သွားဖို့ လိုအပ်ပါတယ်။ ဒမ်ဘီလီဟာ ဆဲလ်တစ်ကနေ လိုင်ယွန်အသင်းကို ပြီးခဲ့တဲ့ ၁၈ လက ပြောင်းရွှေ့လာခဲ့သူ ဖြစ်ပြီး လီဂူးအသင်းအတွက် ဂိုး ၃၀ သွင်းယူပေးနိုင်ခဲ့သူ ဖြစ်ပါတယ်။  ဒမ်ဘီလီကိုလည်း လိုင်ယွန်အသင်းဘက်က ဒီအပြောင်းအရွှေ့မှာ လက်လွတ်သွားဖို့ ရာခိုင်နှုန်းအနည်းငယ်သာ ရှိနေပြီး ယူနိုက်တက်အသင်းအနေနဲ့ ပြင်သစ်တိုက်စစ်မှူးကို ခေါ်ယူဖို့ဆိုရင် လိုင်ယွန်အသင်းဘက်က မငြင်းပယ်နိုင်တဲ့ ကမ်းလှမ်းမှုတွေ လုပ်ဆောင်သွားဖို့ လိုအပ်မှာ ဖြစ်ပါတယ်။
1 year Ago
Up