ရာအိမ်မှူးပစ်ခတ်ခံရ

June 18, 2021

လှိုင်သာယာ City Mart အနီး ဗုံးပေါက်ကွဲမှုများဖြစ်ပွား၊ ရာအိမ်မှူး ၁ ဦး ပစ်ခတ်ခံရ

ရန်ကုန်၊ လှိုင်သာယာမြို့နယ် City Mart  နားမှာ ဇွန် ၁၈ ရက် နေ့လယ်ပိုင်းက ဗုံးတွေ ဆက်တိုက်ပေါက်ကွဲမှု ဖြစ်ပွားခဲ့တယ်လို့  မြို့ခံတွေက ပြောပါတယ်။

City Mart အနီးမှာ နေ့လယ်  ၂ နာရီ ၃၅ မိနစ်လောက်က တစ်ကြိမ်၊ ၂ နာရီ ၅၀ လောက်က တစ်ကြိမ်၊ ၂ နာရီ ၅၃ မိနစ်လောက်က  တစ်ကြိမ်  စုစုပေါင်း ၃ ကြိမ်ဗုံးထပ်ဆင့်ပေါက်ကွဲခဲ့ဖြစ်ပြီး ဗုံးပေါက်ကွဲချိန်တွေဟာ အချိန်မကွာဘူးလို့ ဒေသခံ တစ်ယောက်က ပြောပါတယ်။

ညနေပိုင်းမှာလည်း ပေါက်ကွဲမှုတွေ ထပ်မံဖြစ်ပွားနေပြီး ဗုံးပေါက်ကွဲမှုတွေကြောင့် လူ ထိခိုက်မှု အခြေအနေတော့ မသိရသေးပါဘူး။

လှိုင်သာယာမြို့နယ် အမှတ် (၁၉)ရပ်ကွက် ရာအိမ်မှူးတစ်ဦးဖြစ်တဲ့  ဦးမောင်ထွန်ဟာလည်း ဒီမနက်ပိုင်းက သေနတ်နဲ့ ပစ်ခတ်ခံရပြီးလူကိုတော့ ထိခိုက်တာ  မရှိဘူးလို့ သိရပါတယ်။

7 months Ago
Up