ရာဇဝတ်သားလွှဲပြောင်းရေးဥပဒေမူကြမ်း

A d v e r t i s e m e n t With Us

July 15, 2019

ဟောင်ကောင်တွင် ဆန္ဒပြသူများနှင့် ရဲတပ်ဖွဲ့ ထိပ်တိုက်တွေ့ပြီး အပြန်အလှန်တိုက်ခိုက် (ရုပ်သံ)

ဟောင်ကောင်ကျွန်း လူနေခရိုင် ရှားတင်မှာ လူထောင်သောင်းချီပြီး ရာဇဝတ်သား သံသယရှိသူကို လွှဲပြောင်းပေးမယ့် ဥပဒေမူကြမ်းကို ဆန့်ကျင် ဆန္ဒပြအပြီး ဇူလိုင် ၁၄ ရက်က လမ်းတွေကနေ ကုန်တိုက်တန်းတွေအထိ အဓိကရုဏ်းတွေ ဖြစ်ခဲ့ပါတယ်။ ဇိမ်ခံ ကုန်အမှတ်တံဆိပ်တွေ ရောင်းချရာ ကမ္ဘာ့အကြီးဆုံး ကုန်တိုက်တန်းထဲမှာ ရဲတွေက ဆန္ဒပြသူတွေကို ငရုတ်ကောင်းရည်တွေနဲ့ ပက်ဖျန်းလူစုခွဲလို့ လက်တုံ့ပြန်တဲ့အနေနဲ့ ဆန္ဒပြသူတွေက ထီးတွေ၊ ပလတ်စတစ် ပုလင်းတွေနဲ့ ပြန်ပစ်ပေါက်ခဲ့ကြတဲ့အတွက် ရုန်းရင်းဆန်ခတ် ဖြစ်ခဲ့ပါတယ်။ တရုတ်ပြည်မကြီးက သံသယရှိသူတွေကို ပြည်မကြီးမှာ တရားစီရင်နိုင်ဖို့ ဟောင်ကောင်ကနေ ပြည်မကြီးဆီကို လွှဲပေးခွင့်ပြုမယ့် ဥပဒေမူကြမ်းကို ဟောင်ကောင်သားတွေ ဒေါသထွက်ခဲ့ကြပြီး ကျယ်ကျယ်ပြန့်ပြန့် ဆန္ဒပြနေကြတာပါ။ ဒါကြောင့် အရင်လက ဟောင်ကောင်သမိုင်းမှာ အကြီးဆုံးနဲ့ အကြမ်းဖက်ဆုံး ဆန္ဒပြပွဲတွေ ပေါ်ပေါက်ခဲ့အပြီး ဥပဒေမူကြမ်းက အသက်မဝင်တော့ဘူးလို့ ဟောင်ကောင်အကြီးအကဲ ကယ်ရီလမ်က ပြောပါတယ်။ အစိုးရရဲ့လုပ်ရပ်က မအောင်မြင်ဘူးလို့လည်း ဝန်ခံခဲ့ပါတယ်။ ဒါပေမယ့် အတိုက်အခံတွေကတော့ ဒီဥပဒေမူကြမ်းကို တရားဝင်ရုပ်သိမ်းဖို့ ဆက်တောင်းဆို တိုက်ပွဲဝင်နေပါတယ်။ ဟောင်ကောင်ဟာ ဗြိတိန်လက်အောက်ကနေ ကွန်မြူနစ်ပါတီ ဦးဆောင်တဲ့ တရုတ်ပြည်မကြီး လက်အောက်ကို တနိုင်ငံ စနစ်နှစ်မျိုး မူဝါဒနဲ့ အုပ်ချုပ်မယ့် သဘောတူညီချက်နဲ့ ရောက်လာခဲ့တာပါ။ လွတ်လပ်တဲ့ တရားစီရင်ရေးနဲ့ ဆန္ဒပြခွင့်တွေ အပါအဝင် တရုတ်ပြည်မကြီးမှာ မခံစားရတဲ့ လွတ်လပ်ခွင့်ကို ဟောင်ကောင်ပြည်သူတွေအတွက် နှစ် ၅၀ အာမခံထားပါတယ်။
2 years Ago

July 9, 2019

ရာဇဝတ်သား လွှဲပေးရမည့် ဥပဒေမူကြမ်း အသက်မဝင်တော့ဟု ဟောင်ကောင်အကြီးအကဲ ပြော

လူထုဆန္ဒပြပွဲတွေ ပေါ်ပေါက်အပြီး ရာဇဝတ်သားအဖြစ် သံသယရှိသူတွေကို လွှဲပြောင်းပေးမယ့် ဥပဒေမူကြမ်း အသက်မဝင်တော့ဘူးလို့ ဟောင်ကောင်အကြီးအကဲက ပြောလိုက်ပါတယ်။ ဆယ်စုနှစ်တွေအတွင်း ဟောင်ကောင်မှာ အကြီးဆုံး နိုင်ငံရေးအကျပ်အတည်း ဖြစ်စေခဲ့တဲ့ ရာဇဝတ်သား သံသယရှိသူကို လွှဲပြောင်းပေးမယ့် ဥပဒေမူကြမ်းဟာ အသက်မဝင်တော့ဘူးလို့ ဟောင်ကောင်အကြီးအကဲ ကယ်ရီလမ်က ဇူလိုင် ၉ ရက်မှာ ပြောပါတယ်။ "အစိုးရရဲ့ တုံ့ပြန်မှုဟာ ပြည်သူတွေရဲ့၊ အထူးသဖြင့် ဆန္ဒပြသူတွေရဲ့ ဆန္ဒနဲ့ ကိုက်ညီချင်မှ ကိုက်ညီမယ်ဆိုတာ အပြည့်အဝ နားလည်ပါတယ်။ အစိုးရဟာ အချက်အလက်တွေ၊ စိုးရိမ်မှုတွေ အမျိုးမျိုးအပေါ် အပြည့်အဝ ဆင်ခြင်နှိုင်းချိန်ပြီးမှ ကောက်ချက်ချခဲ့တာပါ။ လက်ရှိအခြေအနေကို တိုးတက်အောင် ကြိုးစားဖို့နဲ့ ချောင်ပိတ်နေတဲ့ အခြေအနေကနေ ဟောင်ကောင်ကို ဆွဲထုတ်ဖို့ ကျေးဇူးပြုပြီး ကျမတို့ကို အခွင့်အရေး၊ အချိန်နဲ့ နေရာပေးဖို့ ရိုးရိုးသားသား မေတ္တာရပ်ခံပါတယ်" လို့ ကယ်ရီလမ်က ပြောပါတယ်။ ဥပဒေမူကြမ်းနဲ့ ပတ်သက်တဲ့ အစိုးရရဲ့လုပ်ရပ်ဟာ အကြွင်းမဲ့ကျရှုံးခြင်းပဲလို့လည်း သူက ဝန်ခံလိုက်ပါတယ်။ တရုတ်ပြည်မကြီးက သံသယရှိတဲ့ ဟောင်ကောင်ကသူတွေကို တရုတ်ပြည်မကြီးက တရားရုံးမှာ စစ်မေးဖို့ လွှဲပေးခွင့်ပြုမယ့် ဥပဒေမူကြမ်းကြောင့် ဗြိတိန်ကိုလိုနီဟောင်း ဟောင်ကောင်မှာ လူသန်းချီ ဆန္ဒပြခဲ့တာပါ။ လူထုဆန္ဒပြပွဲတွေ အကြီးအကျယ် ဆင်နွှဲခဲ့လို့ ဇွန်လလယ်မှာ ဒီဥပဒေမူကြမ်းကို ဆိုင်းငံ့ကြောင်း ကယ်ရီလမ်က ပြောဆို တုံ့ပြန်ခဲ့ပါတယ်။ ဒါပေမယ့် ဆိုင်းငံ့ရုံနဲ့ မလုံလောက်ဘဲ ဥပဒေမူကြမ်းကို အပြီးတိုင် ရုပ်သိမ်းဖို့နဲ့ ကယ်ရီလမ် ရာထူးကနေ နုတ်ထွက်ဖို့ ဆက်ဖိအားပေး တောင်းဆိုခဲ့ကြတာပါ။ ဟောင်ကောင်ဟာ ဗြိတိန်လက်အောက်ကနေ ၁၉၉၇ မှာ တရုတ်ပြည်မကြီး လက်အောက်ကို တနိုင်ငံ စနစ်နှစ်မျိုး မူဝါဒနဲ့ အုပ်ချုပ်မယ့်ကတိနဲ့ ပြန်ရောက်လာခဲ့တာ ဖြစ်ပါတယ်။
2 years Ago
More News
Up