ရမ်ဆေး

January 23, 2022

ဂျူဗင်တပ်စ်အသင်းမှ ရမ်ဆေး ထွက်ခွာမည်ဟု နည်းပြအယ်လီဂရီ အတည်ပြု

ကွင်းလယ်ကစားသမား  အာရွန်ရမ်ဆေးဟာ ဂျူဗင်တပ်စ်အသင်းကနေ ထွက်ခွာတော့မှာ ဖြစ်တယ်လို့ နည်းပြ အယ်လီဂရီကအတည်ပြု ပြောကြားလိုက်ပါတယ်။

အေစီမီလန်နဲ့ ကစားမယ့်ပွဲအကြို သတင်းစာရှင်းလင်းပွဲမှာ ရမ်းဆေးဟာ အသင်းနဲ့ မပူးပေါင်းတော့ဘဲ အသင်းကနေ ထွက်ခွာတော့မှာဖြစ်တယ်လို့ အယ်လီဂရီက သတင်းထောက်တွေကို အတည်ပြုခဲ့တာပါ။

အသက် ၃၁ နှစ်ရှိ ဝေးလ်လက်ရွေးစင် ရမ်ဆေးဟာ အီတလီမှာ ၂ နှစ်ခွဲကျော် ကစားခဲ့ပေမယ့် ပုံမှန်ပွဲထွက်ခွင့် နည်းပါးခဲ့ပါတယ်။ နည်းပြအယ်လီဂရီ လက်အောက်မှာ စီးရီးအေအဖွင့်ပွဲစဉ်မှာ ပွဲထွက်ကစားခွင့်ရခဲ့ပြီးနောက်ပိုင်းမှာ ၂ ပွဲသာ လူစားဝင်ကစားခဲ့ရပါတယ်။ 

ဂျူဗင်တပ်စ်အသင်းဟာ အီတလီလက်ရွေးစင် လိုကာတယ်လီကို ဆက်ဆူအိုလိုကနေ ခေါ် ယူခဲ့ပြီး နောက် ရမ်ဆေးကို အသုံးမပြုတော့တာပါ။ 

၂၀၁၉ ခုနှစ်က အာဆင်နယ်ကနေ ပြောင်းရွှေ့လာတဲ့ ရမ်ဆေးဟာ ဂျူဗင်တပ်စ်အသင်းမှာ စီးရီးအေပွဲ ၇၀ ကစားခဲ့ပြီး ၆ ဂိုး သွင်းယူခဲ့ပါတယ်။

ရမ်ဆေးဟာ ပရီးမီးယားလိဂ်ဆီ ပြန်လာဖို့ရှိနေပြီး နယူးကာဆယ်၊ ဝက်စ်ဟမ်းနဲ့ အဲဗာတန်အသင်းတွေက ခေါ်ယူဖို့ ချိတ်ဆက်နေပါတယ်။

1 year Ago

September 27, 2021

ဂျူဗင်တပ်စ်က ထွက်ခွာခွင့်ပြုမည့် ရမ်ဆေးကို ပရီးမီးယားလိဂ်ကလပ်များ ခေါ်ယူလို

လာမယ့်ဇန်နဝါရီ အပြောင်းအရွှေ့မှာ ဂျူဗင်တပ်စ်အသင်းက ထွက်ခွာခွင့်ပြုတော့မယ့် အာရွန်ရမ်ဆေးကို ပရီးမီးယားလိဂ်ကလပ်တွေက ခေါ်ယူလိုနေပါတယ်။ 

ဝေးလ်ကွင်းလယ်လူ အာရွန်ရမ်ဆေးဟာ ဂျူဗင်တပ်စ်နဲ့ ၂၀၂၃ ခုနှစ် အထိ စာချုပ်သက်တမ်းရှိသေးပေမယ့် လုပ်ခလစာပမာဏများပြားပြီး ပွဲကစားခွင့်လည်း နည်းပါးတာကြောင့် ဂျူဗင်တပ်စ်အသင်းက ရောင်းချဖို့ ပြင်ဆင်လာတာပါ။ 

ရမ်ဆေးဟာ ၂၀၁၉ ခုနှစ်က အာဆင်နယ်ကနေ ပြောင်းရွှေ့သွားတာဖြစ်ပြီး ပြိုင်ပွဲစုံမှာ ၆၈ ပွဲပဲ ကစားခွင့်ရခဲ့တာပါ။ 

ရမ်ဆေးကို ခေါ်ယူဖို့ ပရီးမီးယားလိဂ်ကလပ်တွေဖြစ်တဲ့ ဝက်စ်ဟမ်း၊ အဲဗာတန်နဲ့  နယူးကာဆယ်အသင်းတို့က စိတ်ဝင်စားနေပြီး ဂျူဗင်တပ်စ်အသင်းနဲ့ ဆွေးနွေးဖို့ရှိနေပါတယ်။ 

ရမ်ဆေးဟာ အာဆင်နယ်နဲ့ ပရီးမီးယားလိဂ်မှာ ၁၁ နှစ်ကြာ ကစားခဲ့သူဖြစ်ပြီး ပြိုင်ပွဲစုံ ပွဲပေါင်း ၃၇၁ ပွဲမှာ ၆၅ ဂိုးသွင်းပြီး ၆၅ ကြိမ် ဂိုးဖန်တီးမှု ပြုလုပ်နိုင်ခဲ့ပါတယ်။

1 year Ago
Up