ရပ်နား

March 12, 2021

CDM လုပ်သည့် ခန္တီးခရိုင်သာသနာရေး ဦးစီးမှူးအပါအဝင် ဝန်ထမ်း ၄ ဦးအလုပ်မှရပ်နားခံရ

အာဏာဖီဆန် CDM လှုပ်ရှာမှုမှာပါဝင်တဲ့  စစ်ကိုင်းတိုင်း ခန္တီးခရိုင်သာသနာရေးဦးစီးအပါအဝင် ဝန်ထမ်း ၄ ဦးကို အလုပ်တာဝန်မှ မတ်လ ၁၀ ရက်နေ့မှာ ရပ်နားခံရတယ်လို့ ဝန်ထမ်းတွေက ပြောပါတယ်။

“အခု ကျမတို့ကို အလုပ်ကနေ ရပ်နားခံရလိုက်ပါတယ်။ ကျမတို့က စစ်အာဏာသိမ်း လက်အောက်မှာ အလုပ်မလုပ်နိုင်တဲ့အတွက် CDM လုပ်ခဲ့တာပါ။ အလုပ်က ထွက်တာ မဟုတ်ပါဘူး။ ပြည်သူတင်မြှောက်တဲ့အစိုးရတက်လာမှ အလုပ်လုပ်ဖို့ CDM ပြုလုပ်ခဲ့ပါ။ မနေ့ကဘဲ ကျမတို့ စာထွက်လာတယ်။ အလုပ်တာဝန်မှ ယာယီရပ်နားလိုက်ဆိုတဲ့အကြောင်း ခန္တီးခရိုင် သာသနာရေးဦးစီးမှူး ဒေါ်မြတ်မွန်လင်းက ပြောပါတယ်။ ကျမတို့က အလုပ်ထွက်တာ မဟုတ်တဲ့အတွက် အခုလိုတာဝန်မှရပ်နားခံတာကို ILO ကို စာပို့သွားမယ်”လို့ ပြောပါတယ်။

ခန္တီးခရိုင်သာသနာရေးဦးစီးမှူး ဒေါ်မြတ်မွန်လင်း၊ ဒုဦးစီးမှူးဒေါ်ဇာဇာလေး၊ ဦးကွီးပိုင်၊  ဦးဒီပတို့ဟာ အာဏာသိမ်းပြီး ၇ ရက်မြောက်နေ့မှာ CDM ပြုလုပ်ခဲ့ပါတယ်။

2 months Ago

January 10, 2021

ဝယ်လက်မရှိသဖြင့် မုံရွာ ကျောက္ကာရေနံချက်ဖိုလုပ်ငန်း ၁၅၀ ခန့် ရပ်နား

ကုန်ချောဝယ်လက်မရှိတော့တာကြောင့် စစ်ကိုင်းတိုင်း၊ မုံရွာမြို့နယ်အတွင်းရှိ ကျောက္ကာရေနံချက်ဖိုလုပ်ငန်း လုပ်ကိုင်နေတဲ့လုပ်ငန်း ၁၅၀ လောက် လုပ်ငန်း ရပ်နားနေရတယ်လို့ လုပ်ငန်းရှင်တွေက ပြောပါတယ်။ မုံရွာမြို့နယ်အတွင်း ကျောက္ကာရေနံချက်လုပ်ငန်း လုပ်ကိုင်နေသူ စုစုပေါင်း ၂၀၀ ကျော်ရှိကာ ကိုဗစ်ဒုတိယလှိုင်းကာလ လုပ်ငန်းလည်ပတ်နိုင်တာ ၅၀ နီပါးသာ ကျန်တော့တယ်လို့ လုပ်ငန်းရှင်တွေက ပြောပါတယ်။ ဒေသန္တရရေနံချက်ဖိုပိုင်ရှင် ဦးဝင်းသူရိန်က "ရေနံစိမ်းကို ကျနော်တို့ မကွေးတိုင်းနဲ့ စစ်ကိုင်းအတွင်းကနေရတယ်။ ကုန်ချောဖြစ်တဲ့ ဓာတ်ဆီ၊ ဒီဇယ်တွေကို ချင်းတွင်းမြစ် အထက်ပိုင်းနဲ့ မြန်မာနိုင်ငံ အောက်ပိုင်း ပင်လယ်ငါးဖမ်းတဲ့ ဒေသကို ပို့ဆောင်တယ်။ လက်ရှိအချိန်မှာ ကိုဗစ်ကာလာဖြစ်‌တော့ ကုန်ချောဝယ်လက်မရှိတော့ လုပ်ငန်းနားရတဲ့ ပိုင်ရှင်တွေလည်း ရှိနေပါတယ်” လို့ ပြောပါတယ်။ ကျောက္ကာ‌ရေနံချက်လုပ်ငန်းကနေ ထွက်ရှိလာတဲ့ ဓာတ်ဆီ နဲ့ ဒီဇယ် ၆၀ ရာခိုင်နှုန်းကို မြန်မာပြည်အောက်ပိုင်းမှာ ငါးဖမ်းလုပ်ငန်းလုပ်ကိုင်တဲ့နေရာက အများဆုံးဝယ်ယူကြတာပါ။  ကိူဗစ်ရောဂါဖြစ်ပွားပြီး နိုင်ငံခြားကို ငါးတင်ပို့ မရတော့ဘဲ ငါဖမ်းလုပ်ငန်း ရပ်နားထားရတာကြောင့် ဓာတ်ဆီ၊ ဒီဇယ် အသုံးပြုနည်းကာ အရောင်းအဝယ်မရှိ ဖြစ်နေရတယ်လို့ ရေနံချက်ဖိုလုပ်ငန်းရှင် ဦးကျော်စိုးက ပြောပါတယ်။ "လက်ရှိအချိန်မှာတော့ လုပ်ငန်းနားထားသူတွေများတယ်။ လုပ်ငန်းနားရတော့ အလုပ်သမားလေးတွေ အလုပ်မရှိတော့ဘူးပေါ့ဗျာ။ ကုန်ကြမ်းက ရတယ်ဗျ။ ကုန်ချောက ဝယ်လက်မရှိသလောက်ဖြစ်နေတယ်။” ကျောက္ကာရေနံချက်ဖိုလုပ်ငန်းရှင်‌တွေအတွက် ကိုဗစ်ချေးငွေ အစိုးရက ချေးပေးတာရှိပေမဲ့ မရရှိတဲ့ လုပ်ငန်းရှင်တွေလည်း ရှိနေသေးပါတယ်။  လုပ်ငန်းရပ်ဆိုင်းထားရတာကြောင့် ပုံမှန်လုပ်ငန်းလည်ပတ်ချိန်ရောက်တဲ့အခါမှာ လုပ်ငန်းပြန်လည်ရပ်တည်ဖို့ ငွေကြေးခက်ခဲနေတဲ့ လုပ်ငန်းရှင်တွေ များစွာရှိတယ်လို့ သိရပါတယ်။ ကျော်မင်းသန့်
4 months Ago
More News
Up