ရပ်ကျေးဥက္ကဋ္ဌ

June 4, 2021

အိမ်မဲမြို့နယ်၌ အန်အယ်လ်ဒီ ရပ်ကျေးဥက္ကဋ္ဌ ၁ ဦးကို အကြမ်းဖက်စစ်အုပ်စုက ဖမ်းဆီး

ဧရာဝတီတိုင်း၊ အိမ်မဲမြို့နယ်မှာ ဇွန်လ ၃ ရက် ညပိုင်းက အန်အယ်လ်ဒီပါတီရဲ့ ရပ်ကျေး ဥက္ကဋ္ဌ တစ်ယောက်ကို အကြမ်းဖက်စစ်ကောင်စီ တပ်ဖွဲ့တွေက လိုက်လံရှာဖွေဖမ်းဆီးခဲ့ပါတယ်။

ရေသိုးညောင်ဝိုင်းကျေးရွာအုပ်စုရဲ့ အန်အယ်လ်ဒီပါတီ ဥက္ကဋ္ဌ ကိုမိုးအောင်(ခ)ကိုမင်းမင်းကို ကျေးရွာအုပ်ချုပ်ရေးမှူးနဲ့ ရဲ့တပ်ဖွဲ့ဝင်တွေက  လာရောက်ဖမ်းဆီးသွားတာလို့ ဒေသခံတွေက ပြောပါတယ်။

"မနေ့ညက အုပ်ချုပ်ရေးမှူးရယ်၊ စရဖတွေရယ်၊ ရဲ သုံးလေးယောက်ရယ် ရောက်လာတယ်။ မေးစရာရှိလို့ မြို့မစခန်းခဏလိုက်ခဲ့ပေးပါလို့ပြောပြီးခေါ်သွားတာ''လို့ဒေသခံ ရွာသားတစ်ဦးက ပြောပါတယ်။

လက်ရှိ ကိုမိုးအောင်(ခ)ကိုမင်းမင်းကို အိမ်မဲမြို့မရဲခန်းမှာ ဖမ်းဆီးထိန်းသိမ်းထားပြီး မိသားစုနဲ့တော့တွေ့ခွင့်မရသေးပါဘူး။ 

အာဏာသိမ်းစစ်ကောင်စီအကြမ်းဖက်အဖွဲ့ဟာ နိုင်ငံတော်အတိုင်ပင်ခံပုဂ္ဂုလ် ဒေါ်အောင်ဆန်းစုကြည်နဲ့ သမ္မတဦးဝင်းမြင့်တို့အပါအဝင်  အန်အယ်လ်ဒီပါတီ ထိပ်တန်းခေါင်းဆောင်တွေ၊ ပြည်နယ်နဲ့တိုင်း ခရိုင်မြို့နယ်အဆင့် ပါတီခေါင်းဆောင်တွေ၊ အန်အယ်လ်ဒီ လွှတ်တော်အမတ်တွေကိုသာမက ရပ်ကျေး အဆင့် ခေါင်းဆောင်တွေ ပါတီဝင်တွေကိုပါ တရားလက်လွတ်လိုက်လံဖမ်းဆီး ထောင်ချနေတာဖြစ်ပါတယ်။

6 months Ago

February 20, 2021

အာဏာသိမ်းစစ်ကောင်စီ၏ ရပ်ကျေးဥက္ကဋ္ဌများကို ချောက်ပြည်သူများ သံပုံးတီးကန့်ကွက်

မကွေးတိုင်းဒေသကြီး ချောက်မြို့မှာ အာဏာသိမ်းစစ်ကောင်စီရဲ့ ရပ်ကွက်လူကြီး စာရင်းတွေ ထွက်ပေါ်လာပြီးနောက် ရပ်ကွက်ရုံးများရှေ့မှာ ရပ်ကွက်နေပြည်သူတွေက လက်မခံကြောင်း ဆန္ဒပြခဲ့ကြတယ်လို့ သိရပါတယ်။

ဒီကနေ့မနက်ပိုင်း ချောက်မြို့နယ် ရပ်ကျေးဥက္ကဋ္ဌ စာရင်းတွေ ထွက်ပေါ်လာပြီးနောက်မှာ ရပ်ကွက်နေ ပြည်သူတွေ လက်မခံကြောင်း သံပုံးတီး ဆန္ဒပြခဲ့ကြတယ်လို့ သိရပါတယ်။

10 months Ago
Up