ရန်ကုန်ဆေးရုံကြီး

February 13, 2021

CDM တွင်ပါဝင်သူ ရန်ကုန်ဆေးရုံကြီး သူနာပြု ၂၀၀ ကျော် ဆန္ဒပြ

ရန်ကုန်ဆေးရုံကြီးမှာ တာဝန်ထမ်းဆောင်နေပြီး CDM မှာ ပါဝင်နေကြတဲ့ သူနာပြုဝန်ထမ်းတွေက စစ်အာဏာရှင်ဆန့်ကျင်ကြောင်း ဖေဖော်ဝါရီ ၁၃ ရက်နေ့က ဆန္ဒထုတ်ဖော်ခဲ့ကြပါတယ်။ 

သူနာပြုဝန်ထမ်းတွေကတော့ ရန်ကုန်ဆေးရုံကြီးရှေ့ကနေစပြီး တရုတ်သံရုံးရှေ့ကို လမ်းလျှောက် ဆန္ဒထုတ်ဖော်ကြတာ ဖြစ်ပါတယ်။ 

အခုလို ဆန္ဒထုတ်ဖော်ရာမှာတော့ သူနာပြုဝန်ထမ်းဦးရေ ၂၀၀ ကျော် ပါဝင်ခဲ့တာ ဖြစ်ပါတယ်။

သူနာပြုဝန်ထမ်းတွေကတော့ CDM လှုပ်ရှားမှု အောင်မြင်ရေး၊ အာဏာရှင်ကို ဖြုတ်ချဖို့ CDM မှာ ပါဝင်စို့ စတဲ့ ကြွေးကြော်သံတွေနဲ့အတူ ဆန္ဒ ထုတ်ဖော်ခဲ့ကြတာဖြစ်ပါတယ်။

ဆုဆုသွယ်

3 months Ago

December 17, 2020

ရန်ကုန်ဆေးရုံကြီးသို့ အပတ်စဉ်လာရောက် ကင်ဆာဆေးကုသနေသူများ အခက်ကြုံနေ (ဓာတ်ပုံ)

ကိုဗစ်ကာလမှာ ကင်‌ဆာရောဂါအမျိုးမျိုးကြောင့် နေရာဒေသအသီးသီးမှ ရန်ကုန်ပြည်သူ့ဆေးရုံကြီးသို့  လာရောက်ဆေးကုသသူတွေအနေနဲ့  ကွာရန်တင်းဝင်ဖို့အခက်အခဲ၊ ခရီးစရိတ် အခက်အခဲတွေ ကြောင့် နေရပ်သို့မပြန်နိုင်ဘဲ ဆေးရုံကြီး ဝန်းကျင်‌မှာ နေထိုင်ကြကာ စားရေးသောက်ရေး အခက်အခဲနဲ့ ကြုံတွေ့နေရပါတယ်။ ဆေးလာကုသူတစ်ဦးက "ဒီမှာဆေးလာကုတာ အပတ်တိုင်းကုရတယ်။ လာတုန်းက လူနာတင်ယာဉ်ကားနဲ့ လာကြတာပေါ့။ ပြန်ဖို့ကြတော့ ကိုယ့်စရိတ်နဲ့ကိုယ်ပြန်ရမှာလေ။ ကားခက ဈေးကြီးတယ်။ ပြီးတော့တစ်ခါတလေလည်းမဟုတ်ဘူး။ အပတ်တိုင်းဆိုတော့ အဆင်မပြေဘူးလေ။ အဲ့တော့ ဒီဆေးရုံဘေးမှာပဲ ဖြစ်သလိုနေကြရတာပေါ့” လို့ ‌ပြောပါတယ်။ လက်ရှိအချိန် ဆေးရုံကြီးဘေးမှာ နေထိုင်သူ အများအပြားရှိပြီး စား‌ရေးသောက်ရေးအတွက် နေရပ်မှ ပါလာသမျှကို ထုခွဲရောင်းချနေကြရကာတချို့က ပစ္စည်းပြတ်လပ်သွားလို့ အလှူရှင်တွေရဲ့ လာရောက်လှူဒါန်းမှု အပေါ်မှီခိုနေကြရပါတယ်။ Photo - Nyein Chan Oo / MPA
5 months Ago
More News
Up