ရန်ပွဲ

A d v e r t i s e m e n t With Us

November 7, 2017

အရေးပေါ်ခန်းတွင်းမှ လူငယ်အုပ်စု ၂ စုကြား ထိတ်လန့်ဖွယ် သေနတ်ပစ်ဖောက်ရန်ပွဲ (ရုပ်သံ)

ထိုင်းနိုင်ငံမှ ဆေးရုံအရေးပေါ်ခန်းတခုတွင်းမှာ ဆယ်ကျော်သက် လူငယ်အုပ်စု ၂ စုကြား ထိတ်လန့်ဖွယ် ရန်ပွဲတခု ဖြစ်ခဲ့ပါတယ်။ ဒီအဖြစ်အပျက်ဟာ ဆမွတ်ဆခွန်ခရိုင်တွင်း ဆေးရုံတရုံမှာ နိုဝင်ဘာ ၅ ရက် ညပိုင်း ၁၀ နာရီခွဲလောက်က ဖြစ်ခဲ့တာလို့ သည်နေးရှင်းသတင်းတပုဒ်မှာ ဖော်ပြပါတယ်။ အရေးပေါ်ဌာနဆီရောက်လာတဲ့ ထိခိုက်ဒဏ်ရာ ရရှိထားတဲ့ သူငယ်ချင်းဖြစ်သူနောက်ကို လိုက်လာတဲ့ လူငယ်သုံးလေးယောက်ပါအုပ်စုကို နောက်ကလိုက်လာတဲ့ လူငယ်အုပ်စုက တိုက်ခိုက်ခဲ့ကြတာဖြစ်တယ်လို့ မျက်မြင်သက်သေတွေက ရဲတွေကို ပြောပါတယ်။ နောက်ကလိုက်လာတဲ့ အုပ်စုမှာတော့ လူငယ် ၁၀ ယောက်လောက်ပါဝင်ပြီး သူတို့ထဲမှ တဦးက ထိခိုက်ဒဏ်ရာရထားတဲ့ လူငယ်ကို ဘေ့စ်ဘောတုတ်နဲ့ စတင်ရိုက်နှက်ခဲ့တာ ဖြစ်ပါတယ်။ အဲဒီနောက် အုပ်စု ၂ စုကြား ရုန်းရင်းဆန်ခတ်ဖြစ်ခဲ့ကြအပြီးမှာ ဒုတိယအုပ်စုထဲမှ လူငယ်တဦးက သေနတ်ကို မိုးပေါ်ထောင် ပစ်ဖောက်လိုက်တာပါ။ အဲဒီနောက်တော့ သူတို့ဟာ ပစ်ကပ်ထရပ်ကားတစီးနဲ့ မော်တော်ဆိုင်ကယ်တွေနဲ့အတူ ထွက်ပြေးသွားခဲ့ကြတာ ဖြစ်ပါတယ်။ ရဲတွေ ရောက်ရှိလာချိန်မှာတော့ အခင်းဖြစ်တဲ့ နေရာမှာ 9 mm သေနတ်ကျည်ဆန်ခွံ ၁၂ ခုကို တွေ့ရှိခဲ့ကြတယ်လို့ ဆိုပါတယ်။ ဒီအဖြစ်အပျက်ဟာ ဆေးရုံတာဝန်ကျ ဆရာဝန်တွေ၊ သူနာပြုတွေနဲ့ လူနာတွေကို သွေးပျက်ထိတ်လန့်သွားစေခဲ့ပြီး ဘာကြောင့်ဖြစ်ရတယ်ဆိုတဲ့ အကြောင်းရင်းကိုတော့ သတင်းမှာ မဖော်ပြထားပါဘူး။
3 years Ago

August 22, 2017

အွန်လိုင်းပေါ် နာမည်ကြီးနေသည့် အငှားယာဉ်မောင်း ၂ ဦးကြား ထိတ်လန့်ဖွယ်ရန်ပွဲ (ရုပ်သံ)

ထိုင်းနိုင်ငံ လမ်းဆုံလမ်းခွတခုပေါ်မှာ ဖြစ်ခဲ့တဲ့ အငှားယာဉ်မောင်း ၂ ဦးကြားမှ ထိတ်လန့်စရာကောင်းတဲ့ ရန်ပွဲရုပ်သံ ဗွီဒီယိုဖိုင်ဟာ အင်တာနက်စာမျက်နှာတွေပေါ်မှာ နာမည်ကြီး လူပြောများနေပါတယ်။ ဒီအဖြစ်အပျက် ရုပ်သံဗွီဒီယိုဖိုင်ကို အမ်ပွိုင်ပွိုင်အမည်နဲ့ ဖေ့စ်ဘွတ်ခ်အသုံးပြုသူ အမျိုးသမီးတဦးက ဖေ့စ်ဘွတ်ခ်ကတဆင့် သြဂုတ် ၂၁ ရက် ညပိုင်းမှာ မျှဝေခဲ့တာပါ။ သူဟာ အငှားယာဉ်ပေါ်ပါ ခရီးသည်တဦးဖြစ်ကာ ဆီယမ်ဒေသကနေ ဟိုတယ်တခုဆီသွားဖို့ အငှားယာဉ်နဲ့ လာခဲ့တာဖြစ်ပြီး လမ်းဆုံလမ်းခွတခုအရောက်မှာ တဘက်က မောင်းနှင်လာတဲ့ ပန်းရောင်အငှားယာဉ်တစီးက ယာဉ်ကို ရှပ်ပြီး တိုက်မိခဲ့တာပါ။ မပြောပလောက်တဲ့ အသေးစားထိခိုက်မှုဖြစ်ပေမယ့် တဘက်ယာဉ်မောင်းက မတောင်းပန်ခဲ့တဲ့အတွက် အဲဒီနေရာမှာတင် ပြီးမသွားခဲ့ဘဲ ယာဉ်မောင်း ၂ ဦးဟာ အချင်းချင်း စကားများခဲ့ပြီးနောက်မှာတော့ တိုက်ခိုက်ခဲ့ကြပါတယ်။ ယာဉ်မောင်း ၂ ဦးဟာ လမ်းမပေါ်မှာ သဲကြီးမဲကြီး ထိုးနှက်တိုက်ခိုက်နေကြတဲ့ ရုပ်သံဗွီဒီယိုဖိုင်ဟာ တကယ့်ကို စိတ်ပျက်စရာကောင်းတဲ့ အခြေအနေတခုဖြစ်ခဲ့ပြီး သူတို့ကို ဘယ်သူကမှလည်း မဖျန်ဖြေခဲ့ကြဘူးလို့ ဆိုပါတယ်။ အဲဒီနောက်တော့ ကားပေါ်ပါ ခရီးသည်အမျိုးသမီးက ခရီးဆက်လက်ထွက်ခွာဖို့ လာပြောချိ်န်မှာမှ ရန်ပွဲပြီးဆုံးသွားခဲ့တာပါ။ ဒီရုပ်သံဗွီဒီယိုဖိုင်ကို ဖေ့စ်ဘွတ်ခ်မှာ မျှဝေပြီးနောက် ကြည့်ရှုတဲ့အကြိမ်ရေ ၂ ဒသမ ၄ သန်းကျော်ရှိခဲ့ပြီး ခုလို ရှက်စရာကောင်းတဲ့ အပြုအမူအတွက် ဒေါသတကြီး ဝေဖန်နေကြတာ ဖြစ်ပါတယ်။ အင်တာနက်အသုံးပြုသူတွေက လမ်းမပေါ်မှာ ခုလို ရိုင်းရိုင်းစိုင်းစိုင်း ပြုမူခဲ့ကြတဲ့ အဲဒီ အငှားယာဉ်မောင်း ၂ ဦးကို ပြင်းပြင်းထန်ထန် အရေးယူသင့်တယ်လို့ ပြောနေကြပြီး အလုပ်ချိန်မှာ ဘောင်းဘီတိုနဲ့ ခြေညှပ်ဖိနပ်စီးထားတဲ့ ယာဉ်မောင်းကိုလည်း အရေးယူသင့်တယ်လို့ ပြောနေကြပါတယ်။
4 years Ago
More News
Up