ရန်ပုံငွေအလွဲသုံးစားမှု

June 22, 2018

အစ္စရေးဝန်ကြီးချုပ်၏ဇနီးကို ရန်ပုံငွေအလွဲသုံးစားမှုဖြင့် စွဲချက်တင်

အစ္စရေးဝန်ကြီးချုပ် နေတန်ယာဟုရဲ့ဇနီး ဆာရာကို နိုင်ငံပိုင်ရန်ပုံငွေတွေ အလွဲသုံးစားမှုနဲ့ ဇွန်လ ၂၁ ရက်မှာ စွဲချက်တင်လိုက်တယ်လို့ အစ္စရေး တရားရေးရာဝန်ကြီးဌာနက ပြောပါတယ်။ ဝန်ကြီးချုပ်ရဲ့ဇနီးဟာ ဝန်ကြီးချုပ်နေအိမ်မှာ တည်ခင်းဖို့ အစားအသောက်တွေမှာယူပြီး နိုင်ငံ့ငွေတွေကို လိမ်လည်သုံးစွဲခဲ့တယ်လို့ စွပ်စွဲခံထားရတာပါ။ အစ္စရေးဥပဒေအရ ဝန်ကြီးချုပ်အိမ်မှာ စားဖိုမှူးတဦးကို ခန့်ထားတယ်ဆိုရင် အပြင်စာ မှာယူခွင့်မရှိပါဘူး။ ဒါပေမယ့် ဝန်ကြီးချုပ်ကတော်ဟာ ဒီလုပ်ထုံးလုပ်နည်းကို ကျော်လွန်ပြီး စားသောက်ဆိုင်တွေကနေ ဒေါ်လာ ၁ သိန်းကျော်ဖိုးရှိတဲ့ စားစရာတွေ မှာခဲ့တာကြောင့် ဝန်ကြီးချုပ်ကတော်နဲ့ အစိုးရအရာရှိတဦးတို့ကို တရားရေးဝန်ကြီးဌာနက စွဲချက်တင်လိုက်တာပါ။ အဂတိလိုက်စားမှု စွပ်စွဲချက်တွေနဲ့ စုံစမ်းခံနေရတဲ့ ဝန်ကြီးချုပ် နေတန်ယာဟုကတော့ သူ့ဇနီးသည်ကို အခုလို စွပ်စွဲတာဟာ အဓိပ္ပါယ်မရှိသလို အခြေအမြစ်လည်း မရှိဘူးလို့ ပြောထားပါတယ်။
3 years Ago
Up