ရန်ကုန်-စစ်တွေကားလမ်း

February 17, 2019

ပုဏ္ဏားကျွန်းမြို့နယ် ရန်ကုန်- စစ်တွေကားလမ်းတွင် ဗုံး၂ လုံးပေါက်ကွဲ

ရခိုင်ပြည်နယ် ပုဏ္ဏားကျွန်းမြို့နယ် ယိုးတရုတ်ကျေးရွာနဲ့ သဲတော်ကျေးရွာကြား ရန်ကုန်- စစ်တွေ ကားလမ်းမှာ ဒီကနေ့မနက်ပိုင်း ၁၀ နာရီခွဲလောက်က ဗုံး ၂ လုံး ပေါက်ကွဲခဲ့တယ်လို့ ယိုးတရုတ် ကျေးရွာသားတွေက ဒီဗွီဘီကိုပြောပါတယ်။ အဲ့ဒီဗုံး ၂ လုံးဟာ စစ်တွေ ကားလမ်းမကြီးဘေး မိုင်တိုင်အမှတ် 250+500 km အနီးမှာ တပြိုင်တည်း ပေါက်ကွဲခဲ့တာလို့ ပေါက်ကွဲတဲ့နေရာကို သွားရောက်ကြည့်ရှုခဲ့တဲ့ ယိုးတရုတ်ကျေးရွာသားတဦးက ဒီဗွီဘီကိုပြောပါတယ်။ “ဒီနေ့မနက်ပိုင်း ၁၀ နာရီ မိနစ် ၃၀ လောက်မှာဗုံးနှစ်လုံးပေါက်တာ။ ယိုးတရုတ်နဲ့ သဲတော်ကျေးရွာကြားမှာ ပေါက်တာ။ ရန်ကုန်-စစ်တွေ ကားလမ်းမပေ့ါနော်၊ တလုံးပြီး တလုံးပေါက်ကွဲသွားတာ။ တော်တော်ကျယ်ကျယ် လောင်လောင် ကျနေ်ာတို့ ကြားလိုက်ရတယ်။ ကျနော်တို့ သွားကြည့်တော့ ဒီဓာတ်ပုံမှာ မြင်ရတဲ့အတိုင်းပဲ၊ ကားလမ်းရဲ့အရှေ့မှာ တခု၊ အနောက်ဘက်မှာ တခုရယ်၊ နှစ်လုံးပေါက်တာ။” ပုဏ္ဏားကျွန်းမြို့နယ် ယိုးတရုတ်ကျေးရွာအုပ်ချုပ်ရေးမှူးဦးစံအောင်သိန်းက “ကျနော်ကတော့ ပေါက်ကွဲ ကျယ်ကျယ်လောင်လောင်နှစ်ချက်ကြားလိုက်တယ်။ ကျနော်တို့ရွာက သက်ဆိုင်ရာ တာဝန်ရှိသူတွေ အခုလေးတင်ပဲ သွားကြည့်နေကြပါတယ်။ သူတို့ရောက်လာမှ ဘာဖြစ်တယ်ဆိုတာ ပြောလို့ရမယ်ဗျ။ ထိခိုက်ဒဏ်ရာရတယ် မရဘူးဆိုတာက ကျနော်တို့ မပြောနိုင်သေးဘူး” လို့ ပြောပါတယ်။ အခုလိုပေါက်ကွဲဖြစ်သွားတာနဲပတ်သက်လို့ သက်ဆိုင်ရာရဲစခန်းတွေနဲ့ တာဝန်ရှိသူတွေကို အကြောင်းကြားပြီး ဖြစ်တယ်လို့ ယိုးတရုတ်ကျေးစရွာအုပ်ချုပ်ရေးမှူး ဦးစံအောင်သိန်းက ပြောပါတယ်။ တပ်မတော်နဲ့ ရက္ခိုင့်တပ်မတို့ ဒီကနေ့ မနက်ပိုင်းကလည်း ရခိုင်ပြည်နယ်၊ ရသေ့တောင်မြို့နယ်၊ နွားတင်းကုတ်ကျေးရွာအနီးမှာ မိနစ် ၂၀ ကြာ တိုက်ပွဲ ဖြစ်ပွားခဲ့တယ်လို့ ဒေသခံတွေက ပြောပါတယ်။ ဒီပေါက်ကွဲမှုနဲ့ပတ်သက်လို့ ပြည်နယ်အစိုးရအဖွဲ့က တာဝန်ှရှိသူတွေကို ဒီဗွီဘီက ဆက်သွယ်ခဲ့ပေမယ့် ဆက်သွယ်လို့ မရရှိသေးပါဘူး။ သတင်း- ဝဏ္ဏခွာညို
3 years Ago

January 2, 2017

ရန်ကုန်-စစ်တွေကားလမ်းတွင် ပေါက်ကွဲမှုဖြစ်ပွား

  ရခိုင်ပြည်နယ် ပုဏ္ဏားကျွန်းမြို့နယ် ရန်ကုန်-စစ်တွေကားလမ်း မိုင်တိုင်အမှတ် ၁၆၀ အနီးမှာ ဇန်န၀ါရီ ၁ ရက် ညနေပိုင်းက ပေါက်ကွဲမှုတစ်ခု ဖြစ်ပွားခဲ့တယ်လို့ နိုင်ငံတော်အတိုင်ပင်ခံရုံးက သတင်းထုတ်ပါ တယ်။ ပုဏ္ဏားကျွန်းမြို့နယ် ယိုးတရုတ်ကျေးရွာနဲ့ သဲတက်ကျေးရွာကြားမှာ မနေ့ညနေ ၄ နာရီက ပေါက်ကွဲမှုဖြစ်ပွားခဲ့တာဖြစ်ပြီး  လုံခြုံရေးတပ်ဖွဲ့ဝင်တွေက သွားရောက်စစ်ဆေးရာ ပေါက်ကွဲပြီး စနက်တံအိမ်ခေါင်း ၁ခု၊ ဓါတ်ခဲ ၂လုံးဆန့် ဓါတ်ခဲအိမ် ၂ခု၊ ၀ါယာကြိုး သွယ်တန်းထားတဲ့  ပလပ်စတစ်အိတ် ၁ ထုပ်နဲ့  ပေါက်ကွဲပြီး ပလပ်စတစ် အစအနတွေကို တွေ့ရှိခဲ့တယ်လို့ဆိုပါတယ်။ ပေါက်ကွဲမှုကြောင့်လူတွေထိခိုက်သေဆုံးဒဏ်ရာရတာ မရှိသလို ဘယ်သူ့လက်ချက် ဆိုတာကိုလည်းမသိရသေးပါဘူး။ အလားတူ ဇန်န၀ါရီ ၁ ရက် မွန်းလွဲပိုင်းကလည်း မင်းပြားမြို့ ရန်ကုန်-စစ်တွေကားလမ်းအနီးရှိ မေလွမ်းရွာရဲ့  မြောက်ဘက် ၃မိုင်ခန့်အကွာမှာ  လက်လုပ်မိုင်း ၁ လုံး တွေ့ရှိခဲ့တယ်လို့ လည်းဆိုပါတယ်။ အဆိုပါ လက်လုပ်မိုင်းဟာ အရှည် ၄ပေခန့်၊ အချင်း ၂ လက်မခန့်ရှိ သံပိုက်မှာ ပန်နဆိုးနစ် ၉ ဗို့ ဓါတ်ခဲကို ၀ါယာကြိုးနဲ့ ချိတ်ဆက်ပြုလုပ်ထားတဖြစ်ပြီး  ၃ ပေခန့်ရှိ ငါးမူးလုံးသံချောင်း ၄ချောင်းနဲ့ မြေကြီးမှာ ငုတ်ရိုက်တပ်ဆင်ထားတယ်လို့ သတင်းထုတ်ပြန်ချက်မှာဖော်ပြပါတယ်  
5 years Ago
Up