ရန်ကုန်မြို့ပတ်ကားလိုင်းသစ် Scania City Bus များဖြင့် စတင်ပြေးဆွဲမည်

May 16, 2019

ရန်ကုန်မြို့ပတ်ကားလိုင်းသစ် Scania City Bus များဖြင့် စတင်ပြေးဆွဲမည်  

ရန်ကုန်မြို့ပတ် ခရီးသည်ပို့ဆောင်ရေးယာဉ်လိုင်းသစ်ကို   Scania City Bus ကားသစ် တွေနဲ့ အခုမေလအတွင်း စတင်ပြေးဆွဲမယ်လို့ ရန်ကုန်တိုင်း သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ (YRTA)က ထုတ်ဖော်ပြောပါတယ်။ YBS ရန်ကုန်မြို့ပတ် ယာဉ်လိုင်းသစ်ကို City Transit ကုမ္ပဏီက တာဝန်ယူ ပြေးဆွဲမယ့် အစီအစဉ်နဲ့ ပတ်သက်ပြီး ရန်ကုန်မြို့ YRTA ရုံးချုပ်မှာ မေလ ၁၅ ရက်က မီဒီယာတွေနဲ့ တွေ့ဆုံရှင်းလင်း ပြောကြားခဲ့တာလို့ ဒီကနေ့ထုတ် နိုင်ငံပိုင် သတင်းစာမှာ ဖော်ပြပါတယ်။ ခရီးစဉ်အဖြစ် အောင်မင်္ဂလာ အဝေးပြေးဂိတ်မှာ စတင်ကာ အမှတ် (၃) လမ်းမကြီးအတိုင်း (၆)ကွေ့၊ သုဓမ္မာလမ်း၊ ဝေဇယ္တာလမ်း၊ ပါရမီလမ်း၊ ဘေလီထိပ်၊ သံသုမာလမ်း၊ စံပြဈေး၊ ပြည်ထောင်စု ခုံးကျော်တံတား၊ သံသုမာလမ်း (သုဝဏ္ဏ)၊ ကြက်ဘဲဈေး၊ သမိန်ဗရမ်းလမ်း၊ အထက်ပုဇွန် တောင်လမ်း၊ (၅၁)လမ်းထိပ်၊ ဗိုလ်တထောင်ဘုရားလမ်းထိ ပြေးဆွဲပေးမှာပါ။ ဒီနောက် ဗိုလ်တထောင်ဘုရားလမ်းမှ ကမ်းနားလမ်း၊ ကြည့်မြင်တိုင်ကမ်းနားလမ်း၊ ဘုရင့်နောင်လမ်း၊ ဘုရင့်နောင်လမ်းဆုံ၊ သမိုင်းဘူတာရုံလမ်း၊ သမိုင်းလမ်းဆုံ၊ ကျိုက်ဝိုင်း ဘုရားလမ်း၊ (၈)မိုင်၊ ကမ္ဘာအေးဘုရားလမ်း၊ န၀ဒေးအုတ်ပုံဆိပ်လမ်း၊ သုဓမ္မာလမ်း၊ (၆)ကွေ့၊ အမှတ်(၃) လမ်းမကြီးမှ အောင်မင်္ဂလာအဝေးပြေးမှာ ဂိတ်ဆုံးမယ်လို့ သိရပါတယ်။ ယာဉ်စီးခကတော့ အောင်မင်္ဂလာအဝေးပြေးမှ သခင်မြပန်းခြံ အထိငွေကျပ်ကျပ် ၅၀၀ ကောက်ခံပြီး သခင်မြ ပန်းခြံမှ အောင်မင်္ဂလာ အဝေးပြေးအထိ ငွေကျပ်ကျပ် ၅၀၀ ကောက်ခံမှာ ဖြစ်သလို ခရီးစဉ်စဆုံး စုစုပေါင်း ငွေကျပ်ကျပ် ၁၀၀၀ ကောက်ခံသွားဖို့ ရှိပါတယ်။ ရန်ကုန်မြို့ပတ်ခရီးသည် ပို့ဆောင်ရေးယာဉ်လိုင်းသစ်ကို မကြာမီ ရက်ပိုင်းအတွင်း  ပြေးဆွဲမှာဖြစ်ပြီး စုစုပေါင်းယာဉ်အစီးရေ ၃၉ စီးနဲ့ စတင် ပြေးဆွဲပေးမယ်လို့ အစိုးရ သတင်းစာမှာ ဖော်ပြပါတယ်။ ဓာတ်ပုံ-မြန်မာ့အလင်း
2 years Ago
Up