ရန်ကုန်မိုးပျံအမြန်လမ်းစီမံကိန်းကို လုပ်ကိုင်လိုသည့် ကုမ္ပဏီ ၅ဝကျော်ရှိ

May 3, 2019

ရန်ကုန်မိုးပျံအမြန်လမ်းစီမံကိန်း ၂၀၂၀ ပြည့်နှစ် ဇူလိုင်လ စတင်တည်ဆောက်လုပ်မည်

ရန်ကုန်မိုးပျံ အမြန်လမ်းစီမံကိန်းကို ၂၀၂၀ ပြည့်နှစ် ဇူလိုင်လမှာ စတင်တည်ဆောက်ဖို့ ရည်မှန်းထားပြီး ၃ နှစ်အတွင်း ပြီးစီးဖို့ ခန့်မှန်းထားတယ်လို့ စီမံကိန်းတာဝန်ရှိသူတွေက ပြောကြားလိုက်ပါတယ်။ ဆောက်လုပ်ရေးဝန်ကြီးဌာနနဲ့ ရန်ကုန်တိုင်းအစိုးရတို့ ပူးပေါင်း အကောင်အထည်ဖော် ဆောင်ရွက်နေတဲ့ ရန်ကုန် မိုးပျံအမြန်လမ်းစီမံကိန်း အပိုင်း(၁)နဲ့ ပတ်သက်ပြီး  မေ ၂ရက်က နေပြည်တော်မှာ ရှင်းလင်းရာမှာ ပြောသွားတာပါ။ အဆိုပါစီမံကိန်းကို Public Private Partnership (PPP) စနစ်နဲ့ အကောင်အထည်ဖော် ဆောင်ရွက်မှာဖြစ်ပြီး စုစုပေါင်းအရှည်မှာ ၄၇ ကီလိုမီတာခွဲ ရှိပါတယ်။ စီမံကိန်း Phase 1 အဖြစ် အရှေ့ဘက်ခြမ်း လေးလမ်းသွားလမ်းမကြီး ၁၉ ကီလိုမီတာ၊ အရှေ့နဲ့အနောက် ချိတ်ဆက်ထားတဲ့ လေးလမ်းသွား ၆ကီလိုမီတာနဲ့ ရန်ကုန်လေဆိပ်ကို ဆက်သွယ်ထားတဲ့ နှစ်လမ်းသွား ၂ကီလိုမီတာခွဲ  စုစုပေါင်း အရှည် ၂၇ ကီလိုမီတာခွဲရှိပါတယ်။ အဆိုပါ စီမံကိန်းအတွက် တင်ဒါဖိတ်ခေါ်ခဲ့ရာမှာ အရည်အသွေး ပြည့်မီတဲ့ လျောက်လွှာ ၁၂ စောင်လက်ခံရရှိခဲ့ပြီး စီမံကိန်းအတွက် ဝင်ရောက်ယှဉ်ပြိုင်နိုင်တဲ့ အကျိုးတူ အဖွဲ့အစည်း ၁၀ခု ဆန်ကာတင် ရွေးချယ်နိုင်ခဲ့ကာ လာမယ့် ဇူလိုင်၊ သြဂုတ်လတွေမှာ တင်ဒါအောင်မြင်တဲ့ ကုမ္ပဏီကို ထုတ်ပြန်သွားမယ်လို့ ဆောက်လုပ်ရေးဝန်ကြီးဌာနက  သတင်းထုတ်ပါတယ်။ ရန်ကုန်မိုးပျံအမြန်လမ်းစီမံကိန်းကို ရန်ကုန်မြို့ ယာဉ်ကြောပိတ်ဆို့မှုကို လျော့ချနိုင်ဖို့ အဓိက ရည်ရွယ် တည်ဆောက်တာဖြစ်ပြီး အမြန်လမ်းပြီးစီးသွားပါက ရန်ကုန်မြို့တွင်း တွေ့ကြုံနေရတဲ့ ယာဉ်ကြောပိတ်ဆို့မှု ပြဿနာကို လျှော့ချပေးနိုင်မယ့်အပြင် စီးပွားရေးအခွင့်အလမ်းတွေ ဖွံ့ဖြိုးတိုးတက်ကာ ပြည်သူလူထုရဲ့ လူမှုဘဝလည်း မြင့်မားလာ မယ်လို့ ထုတ်ပြန်ချက်မှာ ဖော်ပြပါတယ်။ ဓာတ်ပုံ-Ministry of Construction
2 years Ago

July 5, 2018

ရန်ကုန်မိုးပျံအမြန်လမ်းစီမံကိန်းကို လုပ်ကိုင်လိုသည့် ကုမ္ပဏီ ၅ဝကျော်ရှိ

ရန်ကုန်မိုးပျံ အမြန်လမ်းမကြီး စီမံကိန်းကို လုပ်ကိုင်ဖို့ စိတ်ဝင်စားတဲ့ ပြည်တွင်းပြည်ပကုမ္ပဏီပေါင်း ၅ဝ ကျော်ရှိတယ်လို့ ဆောက်လုပ်ရေးဝန်ကြီးဌာနက သတင်းထုတ်ပြန်ပါတယ်။ ဆောက်လုပ်ရေးဝန်ကြီးဌာနက အကောင်အထည်ဖော်ဆောင်ရွက်မယ့်  Yangon Elevated Expressway ရန်ကုန်မိုးပျံ အမြန်လမ်းမကြီး စီမံကိန်းအတွက် စိတ်ဝင်စားတဲ့ ရင်းနှီးမြှုပ်နှံလိုသူတွေအနေနဲ့  စိတ်ဝင်စားမှု လျောက်လွှာ(EoI)တွေ ပေးပို့လျောက်ထားဖို့ ဖိတ်ခေါ် ကြော်ငြာခဲ့ရာမှာ ပြည်တွင်းပြည်ပက ရင်းနှီးမြှုပ်နှံလိုသူ အဆိုပြုလျှောက်လွှာတင်သွင်းတဲ့ ကုမ္ပဏီ (၅၃)ခုရှိတယ်လို့ ဆိုပါတယ်။ အဆိုပြုလွှာတင်သွင်းထားတဲ့ ပြည်ပကုမ္ပဏီတွေထဲမှာ တရုတ်ကုမ္ပဏီတွေက ၁၃ ခုနဲ့ အများဆုံးဖြစ်ပြီး ဂျပန်၊ ကိုရီးယား၊ ထိုင်း၊ အင်ဒိုနီးရှား၊ မလေးရှား၊ ဖိလစ်ပိုင်၊ ဗီယက်နမ်၊   အိန္ဒိယ၊ တူရကီနဲ့ ပြင်သစ် ကုမ္ပဏီတွေလည်း ပါဝင်ပါတယ်။ ဒီစီမံကိန်းကို လုပ်ဆောင်ဖို့ စိတ်ဝင်စားတဲ့ ပြည်တွင်း ကုမ္ပဏီကတော့ ၁၇ ခုရှိပြီး ဒီအထဲမှာ ရွှေတောင်၊ မက်စ်၊ မြန်မာသီသဝါ၊ ဒိုင်းမွန်းပဲလေ့စ်နဲ့ ပုဂံစီးပွားရေးအုပ်စု ဆောက်လုပ်ရေး ကုမ္ပဏီ စတာတွေပါဝင်ပါတယ်။ အခုလို စီမံကိန်းအတွက် စိတ်ဝင်စားမှု လျှောက်လွှာများ (EoI) ခေါ်ယူတာဟာ တင်ဒါလုပ်ငန်းရဲ့ ပထမဆုံးအဆင့်ဖြစ်ပါတယ်။ ၂ဝ၁၈ ခုနှစ် သြဂုတ်လမှာ စီမံကိန်းအတွင့်  Request for Qualifications (RFQ) ခေါ်ယူဖို့ ပြင်ဆင်နေပြီး အခုနှစ်   နောက်ဆုံးသုံးလပတ်အတွင်း Request for Proposals (RFP) ခေါ်ယူတာကို ဆက်လက် ဆောင်ရွက်မယ်လို့လည်း ဆိုပါတယ်။ ရန်ကုန် မိုးပျံလမ်းဖောက်လုပ်ရေးအတွက် တင်ဒါတင်သွင်းလာကြတဲ့ ကုမ္ပဏီတွေကို ရွေးချယ်တဲ့နေရာမှာ ကမ္ဘာ့ဘဏ်ရဲ့ အဖွဲ့အစည်းတခုဖြစ်တဲ့ နိုင်ငံတကာ ငွေဘဏ္ဍာရေး ကော်ပိုရေးရှင်း IFC က အဓိက အကြံဉာဏ်ပေးမှာဖြစ်ပြီး အရည်အသွေး စံချိန်စံညွှန်း မီစေဖို့အတွက် IFC ကို အကြံပေးလုပ်ငန်း ဆိုင်ရာကိစ္စတွေကို ငှားရမ်းဆောင်ရွက်သွားစေမှာ ဖြစ်ပါတယ်။ ဒီအတွက် ဆောက်လုပ်ရေးဝန်ကြီးဌာနနဲ့ IFC တို့ ဇန်နဝါရီ ၁၁ ရက်က နေပြည်တော်မှာ နှစ်ဖက် သဘောတူစာချုပ် လက်မှတ်ရေးထိုးခဲ့ကြပြီးလည်းဖြစ်ပါတယ်။ ရန်ကုန်မြို့မှာ ၂ဝ ဒသမ ၅ ကီလိုမီတာအရှည် လေးလမ်းသွား တောင်-မြောက် Elevated Expressway Toll Road စီမံကိန်း PPP အစီအစဉ်နဲ့ အကောင်အထည်ဖော် ဆောင်ရွက်သွားမှာဖြစ်ပြီး နိုင်ငံတကာ စံချိန်စံညွှန်းများနဲ့အညီ ဆောင်ရွက်သွားမယ်”လို့ ဆောက်လုပ်ရေး ပြည်ထောင်စုဝန်ကြီး ဦးဝင်းခိုင်က ပြောထားပါတယ်။ ၂၀၁၉ ခုနှစ်မှာ စတင်မယ့် လေးလမ်းသွား မိုးပျံလမ်းစီမံကိန်းဟာ  ရန်ကုန်မြို့ ယာဉ်ကြော ကျပ်တည်းမှု ပြဿနာကို တဖက်တလမ်းက ဖြေရှင်းနိုင်ဖို့နဲ့ ရန်ကုန် ပြည်သူတွေ နေ့စဉ်ကြုံတွေ့နေရတဲ့ လူမှုစီးပွားဘဝ ထိခိုက်မှုတွေကို လျှော့ချနိုင်ဖို့လည်း ရည်ရွယ်လုပ်ေ ဆာင်တာ ဖြစ်ပါတယ်။ မိုးပျံလမ်းစီမံကိန်းပြီးရင်  ရန်ကုန်မြို့တွင်းကနေ ရန်ကုန်အပြည်ပြည်ဆိုင်ရာ လေဆိပ်ကို  မိနစ် ၂ဝ လောက်နဲ့ သွားရောက်နိုင်မှာ ဖြစ်သလို ရန်ကုန်မြို့တွင်းကနေ ဟံသာဝတီ အပြည်ပြည်ဆိုင်ရာ လေဆိပ်ကို ၁ နာရီလောက်နဲ့ သွားရောက်နိုင်ဖို့ မျှော်မှန်းထားပါတယ်။
3 years Ago
Up