ရန်ကုန်တွင် ကျင်းပ

February 10, 2018

နော်ဒစ်နေ့ အခမ်းအနား ရန်ကုန်တွင် ကျင်းပ

ကျားမတန်းတူညီမျှရေးကို အဓိကထားရည်ရွယ်တဲ့ နော်ဒစ်နိုင်ငံတွေရဲ့ နော်ဒစ်နေ့ အခမ်းအနားကို ဖေဖော်ဝါရီ ၉ ရက်နေ့က ရန်ကုန်မြို့က Nordic House မှာ ကျင်းပပြုလုပ်ခဲ့ပါတယ်။ နော်ဒစ်နေ့ (Nordic Day) ကို နော်ဒစ်နိုင်ငံတွေဖြစ်တဲ့ ဒိန်းမတ်၊ ဖင်လန်၊ နော်ဝေ၊ ဆွီဒင်နိုင်ငံ သံတမန်တွေက ဦးဆောင်ကျင်းပကြတာဖြစ်ပါတယ်။ အခုနစ်အတွက် နော်ဒစ်နေ့ကို မြန်မာနိုင်ငံက ပြည်သူတွေ နော်ဒစ်နိုင်ငံတွေရဲ့ တန်ဖိုးထားအလေးထားမှုတွေကို ပိုမိုကျယ်ပြန့်စွာသိစေဖို့ ရည်ရွယ်ကျင်းပတာလို့ သိရပါတယ်။ နော်ဒစ်နိုင်ငံတွေဟာ ကျားမတန်းတူညီမျှရေး (Gender Equality) ကို အလေးပေးတဲ့ နိုင်ငံတွေဖြစ်ပြီး သူတို့ရဲ့မူဝါဒတွေကို ပြည်တွင်း ပြည်ပတွေမှာ မြှင့်တင်လိုတဲ့ ရည်ရွယ်ချက်လည်း ရှိကြပါတယ်။ ရန်ကုန်မှာ ကျင်းပတဲ့ နော်ဒစ်နေ့ အခမ်းအနားမှာ ပြည်တွင်းက အမျိူးသမီးလွှတ်တော်အမတ်တွေ၊ အမျိူးသမီးအခွင့်အရေးလူပ်ရှားသူတွေပါဝင်တဲ့ အမျိူးသမီးစကားဝိုင်းကိုလည်း ပြုလုပ်ခဲ့ပြီး ဈေးရောင်းပွဲတော်နဲ့အတူ ဖျော်ဖြေပွဲတွေကိုလည်း ပြုလုပ်ခဲ့ကြပါတယ်။
4 years Ago

May 25, 2017

ပြည်သူလူထုကျန်းမာရေးညီလာခံ ရန်ကုန်တွင် ကျင်းပ

ပြည်သူလူထုကျန်းမာရေး ညီလာခံ (People Health Assembly) ကို ရန်ကုန်တိုင်းဒေသကြီး People Health Assembly ကျင်းပရေးကော်မတီကနေ ဦးဆောင်ပြီး ရန်ကုန်မြို့ International Business Centre (IBC) မှာ မေလ ၂၄ ရက်နေ့က ကျင်းပဆွေးနွေးပါတယ်။ ဒီဆွေးနွေးပွဲမှာ ပြည်သူလူထုကို ကျန်းမာရေးစောင့်ရှောက်မှုပေးရာမှာ လက်တွေ့ ကြုံတွေ့နေရတဲ့ အခက်အခဲ၊ စိန်ခေါ်ချက်များ၊ ကျန်းမာရေး အားကစားဝန်ကြီးဌာန၊ ကျန်းမာရေး စောင့်ရှောက်မှုလုပ်ငန်းများရဲ့ ထင်ရှားတဲ့ ပြုပြင်ပြောင်းလဲမှုများ၊ ခက်ခဲသောဒေသတွေမှာ ကျန်းမာရေး စောင့်ရှောက်မှု တိုးတက်ဖို့ အထူးစီမံချက်ရေးဆွဲ အကောင်ထည်ဖော် ဆောင်ရွက်ချက်များ၊ ကျန်းမာရေးစနစ် တိုးတက်ကောင်းမွန်ဖို့ အုပ်ချုပ်ရေးနဲ့ ကျန်းမာရေးဆိုင်ရာ ပြုပြင်ပြောင်းလဲမှုတွေ အကောင်အထည်ဖော်နိုင်မှုများနဲ့ ကျန်းမာရေး စောင့်ရှောက်မှုစနစ် တိုးတက်ကောင်းမွန်စေဖို့ နည်းပညာဆိုင်ရာ တိုးတက်ပြောင်းလဲမှုများ အကောင်အထည် ဖော်နိုင်ရေး ဆိုတဲ့ ခေါင်းစဉ် ၅ ခုကို ဆွေးနွေးသွားမှာ ဖြစ်တယ်လို့ ရန်ကုန်တိုင်းဒေသကြီး People Health Assembly ကျင်းပရေးကော်မတီက ပြောပါတယ်။ မေ ၂၄ ရက်နေ့ မနက် ၉ နာရီကနေ ညနေ ၄ နာရီအထိ ပြုလုပ်မယ့် ဆွေးနွေးပွဲကို ရန်ကုန်တိုင်းဒေသကြီး ပြည်သူ့ကျန်းမာရေးဦးစီးဌာနက အရာရှိတွေ၊ ရန်ကုန်တိုင်းဒေသကြီး လွှတ်တော် ကိုယ်စားလှယ်တွေနဲ့ အရပ်ဘက်အဖွဲ့စည်းတွေ တက်ရောက်ဆွေးနွေးနေကြပါတယ်။
4 years Ago
Up