ရန်ကုန်

A d v e r t i s e m e n t With Us

July 28, 2019

ရန်ကုန်တွင် လျှပ်စစ်မီး ယနေ့ အလှည့်ကျ ပြတ်မည် 

ဒီနေ့ တနေကုန် ရန်ကုန်မှာ အလှည့်ကျမီးပြတ်မယ်လို့ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းက ထုတ်ပြန်ထားပါတယ်။ ရွှေကမ်းလွန်သဘာဓာတ်ငွေ့ဖြန့်ဖြူးတဲ့ SEAGP တောင်သာ Offtake Station မှာ ဓာတ်ငွေ့ယိုစိမ့်နေတာကို ဒီနေ့ မနက် ၆ နာရီကနေ ညနေ ၆ နာရီအထိ ပြုပြင်မှာဖြစ်လို့ ဓာတ်အားထုတ်လုပ်တာ လျော့သွားပြီး ဝန်အားလျှော့မယ်လို့ ဆိုပါတယ်။ ဒါ့အပြင် ရွှေလီစက်အမှတ် ၃၊ မြစ်သာ စက်အမှတ် ၁၊ ၂ တို့ကို အရေးပေါ် ရပ်တန့်ထားတာကြောင့် ဓာတ်အားစနစ်ထဲမှာ ၁၇၉ မဂ္ဂါဝပ်လျော့နည်းနေပြီး ဓာတ်ငွေ့ယိုစိမ့်တာကို ပြုပြင်နေချိန်မှာ ၄၁၀ မဂ္ဂါဝပ်လျော့နည်းနေမှာဖြစ်ပါတယ်။ တခြားရေအားလျှပ်စစ်စက်ရုံတွေကနေ ဆည်ရေရတဲ့အခြေအနေအရ လျှပ်စစ်တိုးထုတ်ပေးမှာ ဖြစ်ပေမယ့် စုစုပေါင်းထုတ်လုပ်တာ လျော့နေလို့ ရန်ကုန်တိုင်းထဲမှာ ၁၂၀ မဂ္ဂါဝပ် ဝန်အား လျှော့မယ်လို့ ဆိုပါတယ်။ ဒါပေမယ့် အများပြည်သူ ရုံးပိတ်ရက်ဖြစ်လို့ စက်မှုဇုန်တွေကို ဦးစားပေးဖြတ်တောက်မှာဖြစ်ပြီး တချို့မြို့နယ်၊ ရပ်ကွက်တွေမှာ ယာယီဓာတ်အားပြတ်တောက်တာဖြစ်မယ်လို့ ဆိုပါတယ်။ လာမယ့် ဇူလိုင် ၃၀ ရက်န့မှာလည်း ဂျိုးဖြူနဲ့ လှော်ကားရေပိုက်ဆက်ကို ပြုပြင်စရာရှိလို့ မနက် ၁၀ နာရီ ကနေ ညနေ ၁၀ နာရီအထိ မြို့နယ် ၂၁ ခုမှာ ရေပြတ်မယ်လို့ ရန်ကုန်မြို့တော် စည်ပင်သာယာရေးကော်မတီက ထုတ်ပြန်ထားပါတယ်။
2 years Ago

July 26, 2019

ရန်ကုန်ရှိ အခြေခံပညာကျောင်း ၁၆ ကျောင်းအတွက် စာကြည့်တိုက်များဖွင့်လှစ် 

ရန်ကုန်တိုင်းအစိုးရရဲ့ပံ့ပိုးမှုနဲ့ ရန်ကုန်တိုင်းအတွင်းမှာရှိတဲ့ အခြေခံပညာ စာသင်ကျောင်း ၁၆ ကျောင်းက စာကြည့်တိုက်တွေဖွင့်ပွဲကို  ဇူလိုင် ၂၆ ရက်က ရန်ကုန်မြို့ အ.လ. က(၁) ဒဂုံကျောင်းမှာ ကျင်းပပါတယ်။ စာသင်ကျောင်းတွေမှာ ကလေးပျော်စာကြည့်တိုက်တွေ ဖြစ်လာဖို့အတွက် ရည်ရွယ်ချက်နဲ့ စာကြည့်တိုက်တွေကို အခုလို ဖွင့်လှစ်လိုက်တာ ဖြစ်ပါတယ်။ စာကြည့်တိုက်တွေ ဖွင့်လှစ်နိုင်ဖို့အတွက် ရန်ကုန်တိုင်းအစိုးရကနေ စာအုပ်စင်တွေ စာအုပ်တွေနဲ့ စာကြည့်တိုက်အတွက် လိုအပ်တဲ့ပစ္စည်းတွေကို အဓိကပံ့ပိုးပေးခဲ့တာပါ။ ကျောင်းသား၊ ကျောင်းသူတွေ စာပေဗဟုသုတွေ လေ့လာနိုင်ဖို့အတွက် အခုနောက်ပိုင်းမှာ အခြေခံပညာစာသင်ကျောင်းတွေရဲ့ အချိန်ဇယားတွေမှာ စာကြည့်တိုက်သွားချိန် သီးသန့်ထည့်သွင်း ပေးထားပါတယ်။ စာကြည့်တိုက်ဖွင့်ပွဲ အခမ်းအနားကို ပညာရေးဝန်ကြီးဌာန ပြည်ထောင်စုဝန်ကြီးနဲ့ ရန်ကုန်တိုင်းဒေသကြီးဝန်ကြီးချုပ်အပါအ၀င် အစိုးရအဖွဲ့ဝင်ဝန်ကြီးတွေ မြန်မာစာပေပံ့ပိုးကူညီမှုနဲ့ ထိန်းသိမ်းစောင့်ရှောက်ရေးအဖွဲ့တာဝန်ရှိသူတွေ၊ တိုင်းပညာရေးမှူးရုံးက တာဝန်ရှိသူတွေနဲ့ ကျောင်းသူ ကျောင်သားတွေ တက်ရောက်ကြပါတယ်။ သတင်း၊ ဓာတ်ပုံ-ဆုဆုသွယ်
2 years Ago
More News
Up