ရခိုင်ပြည်နယ်အစိုးရထံ လွှဲပေ

A d v e r t i s e m e n t With Us

January 1, 2021

လွတ်မြောက်လာသည့် အန်အယ်လ်ဒီ လွှတ်တော်ကိုယ်စားလှယ် ၃ ဦးကို ရခိုင်ပြည်နယ်အစိုးရထံ လွှဲပေး 

အေအေအဖွဲ့က ပြန်လွှတ်ပေးလိုက်တဲ့ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) တောင်ကုတ်မြို့နယ်၊ လွှတ်တော်ကိုယ်စားလှယ် ၃ ယောက်ကို တပ်မတော်က ရခိုင်ပြည်နယ်အစိုးရအဖွဲ့ ထံလွှဲပြောင်းပေးလိုက်ပါတယ်။ ပြန်လွတ်လာတဲ့ အန်အယ်လ်ဒီ လွှတ်တော်ကိုယ်စားလှယ် ၃ ဦးကို စစ်တွေမြို့သို့ တပ်မတော်ရဟတ်ယာဉ်နဲ့ခေါ်ဆောင် ပေးခဲ့ပြီး အနောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် ထင်လတ်ဦးနဲ့ အဖွဲ့က လွှဲပြောင်းပေးအပ်ရာ ရခိုင်ပြည်နယ်ဝန်ကြီးချုပ် ဦးညီပုနဲ့  အဖွဲ့ဝင်တွေက လက်ခံခဲ့တယ်လို့ တပ်မတော်က သတင်းထုတ်ပြန်ပါတယ်။ ပြည်သူ့လွှတ်တော်ကိုယ်စားလှယ် ဒေါ်နီနီမေမြင့်၊ ပြည်နယ်လွှတ်တော်ကိုယ်စားလှယ် ဦးမင်းအောင်နဲ့ အမျိုးသားလွှတ်တော်ကိုယ်စားလှယ်လောင်း  ဒေါ်ချစ်ချစ်ချောတို့ ၃ ဦးဟာ တောင်ကုတ်မြို့နယ် အတွင်းမဲဆွယ် စည်းရုံးရေး လုပ်ငန်းတွေဆောင်ရွက်ရာမှာ ပြီးခဲ့တဲ့  အောက်တိုဘာ ၁၄ ရက်နေ့က အေအေအဖွဲ့ရဲ့ ဖမ်းဆီးခြင်း ခံခဲ့ရတာပါ။ အဖမ်းခံရပြီး နှစ်လကျော်အကြာမှာတော့ တပ်မတော်နှင့်  အေအေအဖွဲ့တို့ အွန်လိုင်းကနေ  တွေ့ဆုံဆွေးနွေးမှုရလဒ်ရ ဒီနေ့မနက်က ပြန်လည် လွတ်မြောက်လာတာဖြစ်ပြီး တိုက်ပွဲအတွင်းဖမ်းမိထားတဲ့ တပ်မတော်သား ၃ ယောက်ကိုလည်း အေအေအဖွဲ့က ဒီနေ့ ပြန်လွှတ်ပေးလိုက်ပါတယ်။ ရခိုင်ပြည်နယ်ဝန်ကြီးချုပ် ဦးညီပု က လွှတ်တော်ကိုယ်စားလှယ်တွေ ပြန်လည်လွတ်မြောက်လာရေး၊ ပြန်လည်လွှဲပြောင်းပေးအပ်နိုင်ရေးအတွက် ပါဝင် ဆောင်ရွက်ပေးခဲ့သောအဖွဲ့အစည်းများအားလုံးကို ကျေးဇူးတင်ကြောင်းပြောကြားခဲ့တယ်လို့ သိရပါတယ်။ ပြန်လွတ်လာတဲ့ လွှတ်တော်ကိုယ်စားလှယ်သုံးဦးကို တပ်မတော်ဆေးဝန်ထမ်း တပ်ဖွဲ့ဝင်တွေက  ကျန်းမာရေးဆေးစစ်ပေးခဲ့ပြီး အားလုံး ကျန်းမာရေး ကောင်းမွန်သလို ကိုဗစ်-၁၉  ရောဂါပိုးကင်းရှင်းတယ်လို့လည်း တပ်မတော်သတင်းမှာ ဖော်ပြပါတယ်။ ဓာတ်ပုံ-DSINFO
2 months Ago
Up