ရခိုင်အခြေစိုက်သတင်းဌာနတခုဖြစ်တဲ့ Development Media Group (DMG) ရုံးကိုသြဂုတ်လ ၁၅ ရက် မနက်က ဖောက်ထွင်းခံခဲ့ရပါတယ်။
ရခိုင်ပြည်နယ်၊ စစ်တွေမြို့၊ မြို့သူကြီးရပ်ကွက်၊ ပန်းခြံလမ်းရှိတဲ့ အိမ်အမှတ် ၁၅၃ မှာဖွင့်လှစ်ထားတဲ့ Development Media Group (DMG) ရုံးကိုဖောင်ထွင်းခံရတာကြောင့် ရုံးမှာရှိတဲ့ကွန်ပျူတာတွေ ကင်မရာ၊ ဆိုင်ကယ်တွေ ပါသွားတယ်လို့ အဆိုပါ သတင်းဌာနရဲ့ အမှုဆောင်ဒါရိုက်တာ ဦးအောင်မင်းဦးကပြောပါတယ်။
"ဒီကနေ့အာရုံတက်ချိန်က ဖောက်ထွင်းခံရတာပါ၊ ရုံးမှာအသုံးပြုနေတဲ့ကွန်ပျူတာတွေ၊ ကင်မရာတွေ၊ ဆိုင်ကယ်တွေပါသွားတယ်။ အားလုံးစုစုပေါင်းသိန်း ၅၀ ခန့်ရှိမယ်" လို့ပြောပါ တယ်။
အခိုးခံရတဲ့ပစ္စည်းတွေကတော့ Apple ကွန်ပျူတာ တစ်လုံး၊ Acer ကွန်ပျူတာ နှစ်လုံး၊ Hp ကွန်ပျူတာ တစ်လုံး၊ iPad Tablet တစ်လုံး၊ Video Camera (Canon အမျိုးအစား) တစ်လုံးနဲ့ ဖုန်းတစ်လုံး (Touch - MPT ဖုန်းအမျိုးအစား)တို့အခိုးခံခဲ့ရတာဖြစ်ပါတယ်။
ဒါ့အပြင် Kenda Motorcycle ဆိုင်ကယ် အပြာ တစ်စီး၊ Kenda Motorcycle ဆိုင်ကယ် အနီတစ်စီးနဲ့ ကျောပိုးအိတ် နှစ်လုံးဖိနပ်သုံးရံပါ အခိုးခံရတာထဲမှာပါဝင်သွားပါတယ်လို့ ဦးအောင်မင်းဦးက ပြောပါတယ်။
"အရင်ရုံးတုန်းကတခါ အခိုးခံရတယ်။ အခုတခါက ဒီရုံးကို ပြောင်းလာတာ ၂ လ ကျော်လောက်ပဲ ရှိသေးတယ်။ ပြီးတော့ အခုရုံးမှာ တံခါးတွေကလည်း လုံခြုံမှုရှိတယ်ဗျ၊ အကုန်ပိတ်ထားတာ၊ ကျနော်အထင်ပြောရင် အိမ်ဝရံတာကနေကျော်တက်ပြီး အောက်ထပ်ကို ဝင်ပြီးတော့ခိုးသွားတာ။ အခုကရုံးမှာလုပ်နေတဲ့ ကွန်ပျူတာတွေ ကင်မရာတွေ ဘာမှ မကျန်လိုက်တော့ဘူး"လို့ပြောပါတယ်။
အခုလို ဖောက်ထွင်းခံရတာနဲ့ပတ်သက်လို့ စစ်တွေအမှတ် ၁ ရဲစခန်းကိုတိုင်ကြားထားပြီး သက်ဆိုင်ရာ စရဖ၊ SPတို့လည်း အကြောင်းကြားထားတယ်လို့ အမှုဆောင်ဒါရိုက်တာ ဦးအောင်မင်းဦးက ပြောပါတယ်။
ဒီလိုဖောက်ထွင်းရတာဟာ လွန်ခဲ့တဲ့ ၂၀၁၄ ခုနှစ်တုန်းက တကြိမ်ဖောက်ထွင်း ခံခဲ့ရတာရှိပြီး အဲ့ဒီတုန်းက ရေ မော်တာတလုံးအပါအဝင်၊ ရုံးမှာရှိတဲ့ ပစ္စည်းအချို့ ခိုးယူတာခံခဲ့ ရသလို၂၁၀၅ ခုနှစ်က Smart ဆိုင်ကယ်တစီးနဲ့ပစ္စည်းအချို့အခိုးခဲ့ရတယ်လို့ အမှုဆောင် ဒါရိုက်တာ ဦးအောင်မင်းဦးက ပြောပါတယ်။
ရခိုင်ပြည်နယ်စစ်တွေမှာ မကြာခဏဆိုသလို ဖုန်းဆိုင်တွေ နေအိမ်တွေ ဖောက်ထွင်း ခံရတာရှိပေမယ့် တရားခံတွေကိုတော့ ဖမ်းဆီးနိုင်တာမရှိပါဘူး။
သတင်း - ၀ဏ္ဏခွာညို
5 years Ago
