ရခိုင်​စည်​ပင်​ဝန်​ကြီး တာဝန်မှရပ်စဲရန် ရခိုင်​လွှတ်​​တော်​​ ဆုံးဖြတ်​

January 2, 2018

ရခိုင်​စည်​ပင်​ဝန်​ကြီး တာဝန်မှရပ်စဲရန် ရခိုင်​လွှတ်​​တော်​​ ဆုံးဖြတ်​

  ရခိုင်ပြည်နယ် အစိုးရအဖွဲ့ဝင် စည်ပင်သာယာရေးဝန်ကြီး ဦးမင်းအောင်ကို တာဝန်​ထမ်း​ဆောင်​ဖို့ မသင့်ဘူးလို့ ဒီက​နေ့ပြုလုပ်​တဲ့ ရခိုင်ပြည်နယ် လွှတ်တော် အရေးပေါ်အစည်းအဝေးမှာ မဲခွဲ ဆုံးဖြတ်လိုက်ပါတယ်။ ပြည်နယ်လွှတ်​တော် ဥက္ကဋ္ဌ အပါအဝင် မဲပေးသူ ​စုစုပေါင်း ၄၅ ယောက် ရှိပြီး ထောက်ခံမဲ ၃၇ မဲ၊ ကန့်ကွက်မဲ ၈ မဲ ရခဲ့ပါတယ်။ဒါကြောင့် ဆက်လက် တာဝန် ထမ်းဆောင်ဖို့ မသင့်​ဘူးလို့ ဆုံးဖြတ်ခဲ့တာပါ။ လွှတ်တော်က စွပ်စွဲချက်နဲ့ပတ်သက်ပြီး ရခိုင်ပြည်နယ် ဝန်ကြီးချုပ်က ဆိုင်းငံပေးဖို့ တင်ပြထားပေမယ့် လွှတ်​​တော်​ကပယ်​ချခဲ့ပြီး သတ်​မှတ်​ရက်​အတိုင်း ဒီက​နေ့ လွှတ်တော် အရေးပေါ်အစည်းအဝေးမှာမဲခွဲ ဆုံးဖြတ်ခဲ့ကြတာပါ။ စည်​ပင်​သာယာ​ရေးဝန်​ကြီး ဦးမင်း​အောင်​က​တော့ အခုကိစ္စနဲ့ ပတ်​သတ်​လို့ သတင်းစာ ရှင်းလင်းပွဲတရပ်​ကို လုပ်မယ်ဆိုပေမယ့် ဘယ်​​တော့ လုပ်​မယ်ဆိုတာကို မပြောသွားပါဘူး။ စည်​ပင်​သာယာ​ရေးဝန်​ကြီး ဦးမင်း​အောင်​ကို ရခိုင်​ပြည်​နယ်​က ဈေး ၅​ ဈေး​ ဆောက်​လုပ်​မယ့် ကိစ္စအပါအဝင်​​ ဥ​ပ​ဒေအရ ပေးအပ်​ထားတဲ့ တာဝန်ကို ကျေပွန်အောင် မထမ်းဆောင်နိုင်ဘူးဆိုပြီး လွှတ်တော်က ဖွဲ့စည်းလိုက်တဲ့စစ်ဆေးရေးအဖွဲ့က စုံစမ်း စစ်ဆေးခဲ့တာပါ။ အခုလိုစစ်​​ဆေးချက်​​ပေါ်လွင်​တဲ့အတွက်​အ​ရေးယူခဲ့တာလည်းဖြစ်ပါတယ်​။ ဝန်​ကြီးတာဝန်​ကရပ်​ဆိုင်းလိုက်​​ပေမယ့် လွှတ်​​တော်​ကိုယ်​စားလှယ်​အဖြစ်​က​တော့ ဆက်​ရှိ​နေမှာ ဖြစ်​ပါတယ်​။ အခြေခံဥပဒေပုဒ်မ ၂၆၃၊ ပုဒ်မခွဲ (င) အရ ဒီဆုံးဖြတ်ချက်ကို နိုင်ငံတော် သမ္မတထံ တင်ပြပြီး  သမ္မတက ဒီဝန်ကြီးကို ရာထူးကရပ်စဲရမှာ ဖြစ်ပါတယ်။ အန်အယ်လ်ဒီအစိုးရလက်ထက်မှာ ပြည်နယ်ဝန်ကြီးတဦး စွတ်စွဲပြစ်တင်ခံရပြီး ရာထူးကရပ်စဲခံရမှာ ဒါ ပထမဆုံး ဖြစ်ပါတယ်။ သတင်း-ဝဏ္ဏခွာညို
3 years Ago
Up