ရခိုင်တွင်

October 21, 2017

ရခိုင်တွင် သတင်းရယူခွင့် ကန့်သတ်မှုများလာဟု သတင်းသမားများပြော

ရခိုင်ပြည်မှာအခြေစိုက်တဲ့ သတင်းသမားတွေ သတင်းရယူခွင့် ကန့်သတ်မှုတွေများလာပြီး သတင်းရယူခွင့် ကျဉ်းမြောင်းလာတယ်လို့ ရခိုင်သတင်းသမားတွေက ဝေဖန်လိုက်ပါတယ်။ ရခိုင်ပြည်နယ်အတွင်း သတင်းရယူမှုနဲ့ သတင်းထုတ်ပြန်ရေးအပိုင်းမှာလည်း များစွာအားနည်းချက်တွေရှိတယ်လို့ မြန်မာနိုင်ငံ သတင်းစာဆရာများအသင်း ရခိုင်ပြည်နယ် တွဲဖက်အတွင်းရေးမှူး ဧကရာဇ်က ဒီဗွီဘီကိုပြောပါတယ်။ “လက်ရှိအစိုးရလက်ထက်နဲ့ ပြီးခဲ့တဲ့ အစိုးရလက်ထက် သတင်းရယူမှုနှိုင်းယှဉ်တော့ တော်တော်လေး ကျဉ်မြောင်းတာကို တွေ့ရတယ်။ ကျနော်တို့ အမြဲပြောပါတယ်၊ အစိုးရအဖွဲ့ယင်တွေနဲ့တွေ့တဲ့အခါ၊ ပြီးခဲ့အစိုးရတုန်းဆိုရင် သတင်းထုတ်ပြန်တာရှိတာပေ့ါနော်။ သတင်းထုတ်ပြန်ရေးကော်မတီဥက္ကဋ္ဌ ဦးလှသိန်း ဆိုတာ ရှိတယ်။ ၂၀၁၅ ခုနှစ်အလွှာမှာ ရေကြီးမှုတွေဖြစ်တယ်။ သူတို့ အချိန်နဲ့တပြေးညီထုတ်ပြန်တာရှိတယ်။ သူက အချိန်မရွေးဖုန်းဆက်ပြီးတော့ ပြောတယ်။ အချိန်မရွေးရုံးကိုလာခဲ့ပါ။ လူကိုယ်တိုင်း သွားတွေ့ရင် အချိန်ရသေလောက် ဖြေပေးတာတွေရှိတယ်။” ရခိုင်ပြည်နယ်အတွင်းက မီဒီယာသမားတွေ မှတ်တမ်းမှတ်ပုံတင် တင်ပြီးမှ သတင်းရယူခွင့် ပေးသွားမယ်လို့ ရခိုင်ပြည်နယ် ပြည်နယ်ဆက်က အောက်တိုဘာက ၁၉ ရက်နေ့ သတင်းမီဒီယာသမားတွေနဲ့တွေ့ဆုံစဉ်မှာ ပြောကြားခဲ့တာပါ။ ပြည်နယ်သတင်ထုတ်ပြန်ရေးကော်မတီမှ အတွင်းရေးမှူး ဦးမောင်မောင်က “ဒီကိုခေါ်တာ ကျနော်တို့ အားလုံးကို မှတ်ပုံတင်ဖို့ပါ။ စစ်တွေမှာအခြေစိုက်တဲ့ မီဒီယာဘယ်နှခုလောက်ရှိသလဲ၊ ကျနော်တို့ဆီမှာ မှတ်တမ်းလေးထားရှိဖို့ပါ။ နီးစပ်ရာသတင်းတပ်ဖွဲ့တွေကို ကျနော်တို့ ပေးရမှာ ဖြစ်ပါတယ်။ သတင်းတပ်ဖွဲ့ကလည်း သတင်းအခမ်းအနားတွေရှိတဲ့အခါ မှတ်ပုံတင်ထားဟာတွေကို နယ်လုံကနေတဆင့် တင်ပြမှာပါ” လို့ ပြောပါတယ်။ သတင်းသမားတွေဘက်ကတော့ ကန့်သတ်တဲ့ တချို့အချက်တွေဟာ ကျဉ်းမြောင်းလွန်းတယ်လို့ သုံးသပ်ကြပါတယ်။ Developent Media Group ကတာဝန်ခံအယ်ဒီတာ ကိုမိုးဇော်မြင့်က “အစိုးရအဖွဲ့ရဲ့ သတင်းတွေယူတဲ့အခါ ဝတ်စုံပေ့ါ။ တိုက်ကပေးတဲ့ ယူနီဖောင်းနဲ့ ဝင်မယ်ဆိုတဲ့တချက်ပေ့ါ။ နောက်တခါက ကင်မရာနဲ့ပဲရိုက်ရမယ်၊ ဖုန်းနဲ့ မရိုက်ဘူးဆိုတဲ့တချက်ပေ့ါ။ နောက်တခါ သူတို့ရဲ့ အစည်းအဝေးခန်းမထဲ သတင်းယူတဲ့အခါ လူကြီးတွေရှေ့က၊ ဝန်ကြီးချုပ်တွေရှေ့က ဖြတ်သွားလာလာတာ မကြိုက်ဘူး။ မိန့်ခွန်းပြောတဲ့အခါ ဘယ်သူပဲမိန့်ခွန်းပြောပြော စင် ပေါ်တက်တာကို မကြိုက်ဘူးပေ့ါ၊ ဒီလေးချက်ကို သူတို့က မကြိုက်ဘူး။ သူတို့ ဘာကြောင့် မကြိုက်တာလည်း ဆိုတာ သူတို့မှာလည်း စည်းကမ်းရှိမှာပေ့ါ၊ ဒါပေမယ့် လက်ရှိမှာ သတင်းမီဒီယာဥပဒေရှိတယ်။ သူတို့ပြောတဲ့အချက်တွေနဲ့ သတင်းမီဒီယာ အချက်တွေမကိုက်ညီဘူး” လို့ ပြောပါတယ်။ ဒါ့အပြင် ရခိုင်ဖြစ်စဉ်သတင်းတွေနဲ့ပတ်သက်လို့လည်း တာဝန်ယူဖြေကြားမယ့်သူ မရှိတာကြောင့် သတင်းရယူတဲ့အပိုင်း များစွာအခက်အခဲဖြစ်တယ်လို့ ရခိုင်ပြည်နယ်အခြေစိုက်၊ MCN TV News က သတင်းထောက် ဦးကျော်စိန်းသန်းက ဒီဗွီဘီကိုပြောပါတယ်။ “လက်ရှိမြေပြင်မှာ ဖြစ်နေတဲ့အကြောင်းအရာတွေကို ကျနော်တို့ သတင်းထောက်တွေက သိထားပြီး ဒါတွေကို အတည်ပြုပေးပါ။ ကျနော်တို့ ဒါတွေကို သတင်းလုပ်ချင်လို့ဆိုပြီး သွားမေးတဲ့အခါမှာ တာဝန်ယူပြီး ဖြေကြားမယ့်သူမရှိဘူး။ အစိုးရက သတင်းထုတ်ပြန်ဖို့ ကော်မတီတွေ ဖွဲ့စည်ထားရှိပေမယ့် သူတို့က တာဝန်ယူပြီး မဖြေကြားတာတွေ အများကြီးကြုံခဲ့ရတာရှိပါတယ်။ ကျနော်တို့ဘက်က အခက်အခဲရှိတာပေ့ါ။” ရခိုင်ပြည်နယ်စစ်တွေအခြေစိုက် Eleven Media Group အကြီးတန်းသတင်းထောက် ကိုသန်းလှိုင်းကတော့ အခုလိုကန့်သတ်ချက်ဟာ အဓမ္မခိုင်းစေတဲ့ပုံမျိုး မဖြစ်စေလိုသလို နှစ်ဖက်ပူးပေါင်းဆောင်ရွက်တာဟာ အသင့်တော်ဆုံးလို့ ပြောပါတယ်။ ပြီးခဲ့တဲ့လက ပြည်နယ်အစိုးရရုံးမှာ သတင်းသွားယူနေအချိန် သတင်းယူခွင့်ကို တားမြစ်တာ၊ မောင်းထုတ်တာတွေ လုပ်ဆောင်ခဲ့တာကြောင့် ပြည်နယ်အစိုးရဲ့ လုပ်ဆောင်ချက်အပေါ် ဝေဖန်မှုတွေမြင့်တက်နေပါတယ်။ သတင်း-ဝဏ္ဏခွာညို- ဓာတ်ပုံ- ဝဏ္ဏခွာညို
4 years Ago

October 15, 2017

ရခိုင်တွင် ၁၀ လအတွင်း မူးယစ်ဆေးဝါးကျပ်သိန်းပေါင်း ၆ သောင်းကျော်ဖိုး ဖမ်းမိ

ရခိုင်ပြည်နယ် အတွင်းမှာ ၂၀၁၇ ခုနှစ် ဇန်နဝါရီ ၁ ရက်ကနေ အောက်တိုဘာ ၁၄ ရက်နေ့အထိ မူးယစ်ဆေးဝါး တန်ဖိုးကျပ်သိန်းပေါင်း ၆ သောင်းကျော် ဖမ်းဆီရရှိခဲ့ပါတယ်။ မူးယစ်ဆေးဝါးနဲ့ ပတ်သက်ပြီး ၈၅ မှုအပါအဝင် ကျား၊မ တရားခံ ၂၁၃ ဦးတို့ကို ဖမ်းဆီးရရှိခဲ့တယ်လို့ ရခိုင်ပြည်နယ်ပြည်နယ်ရဲတပ်ဖွဲ့မှူးရဲမှူးကြီး အောင်မြတ်မိုးက ဒီဗွီဘီကို ပြောပါတယ်။ “ဒီကနေ့အထိ ၂၀၁၇ ဇန်နဝါရီ ၁ ရက်နေ့ ကနေအမှုအားဖြင့် ၈၅ မှု ကျနော်တို့ ဖမ်းဆီးပြီး ဖြစ်ပါတယ်။ အဲ့ဒီမှာ ဆေးခြောက်တို့ မော်ဖိန်းတို့ပါတယ်။ ပြီးတော့ WY စိက်ကြွဆေးပြားတွေ ပါတယ်။ နောက်ပြီး မော်ဖိန်းဆိုတဲ့ဆေးပြား တွေပါတယ်။ တရားခံအားဖြင့် ကျားရော မရောပေါင်း ၂၁၃ ယောက် ဖမ်းဆီးအရေးထားပြီးဖြစ်ပါတယ်။ ကာလတန်ဖိုးကျပ်သိန်းပေါင်း ၆ သောင်းကျော်ရှိပါပြီ။” ရခိုင်ပြည်နယ်အတွင်း လူငယ်တွေအကြား မူးယစ်ဆေးဝါးတွေ လက်လီ အလွယ်တကူ ဝယ်ယူလို့ ရရှိနိုင်တာကြောင့် ဒေသခံတွေအကြား အန္တရာယ်ကြီးတဲ့ အနေအထားတခုကို ရောက်လာနေတယ်လို့ စစ်တွေမြို့ရပ်မိရပ်ဖတဦးဖြစ်တဲ့ ဦးသန်းထွန်းက ဒီဗွီဘီကိုပြောပါတယ်။ “အထူးသဖြင့် စစ်တွေအပါအဝင် ရခိုင်ပြည်နယ်မြို့တော်တော်များများမှာ ကလေးတွေ မူးယစ်ဆေးဝါးသုံးစွဲမှုများလာတာကတော့ ပမာဏအများကြီး ဖမ်းမိတာနဲ့ မဆိုင်တဲ့ အနေထားမျိုး ဖြစ်နေတယ်။ မူးယစ်ဆေးဝါးပမာဏ ဘယ်လောက်ပဲဖမ်းမိဖမ်းမိ မြို့ရွာတွေ ကလေးတွေက မူးယစ်ဆေးဝါး သုံးစွဲမှုပိုများလာတယ်။ အဲ့ဒီအဓိပ္ပာယ်ကတော့ လက်လီ အလွယ်တကူဝယ်လို့ နိုင်တယ်ဆိုတဲ့ဖြစ်တယ်။ မူးယစ်ဆေးဝါးပြဿာနာ ရခိုင်ပြည်နယ် အတွက် သိပ်ကိုအန္တရာယ်ကြီး အနေအထားတခုကို ရောက်နေပါတယ်။” ရခိုင်ပြည်နယ်အတွင်း မြို့နယ်တွေ အပါအဝင် ကျေးရွာတွေကို မူးယစ်ဆေးဝါးတွေ အသိပညာပေးမှုတွေအပါအဝင် ရှာဖွေဖမ်းဆီးမှုတွေလည်း လုပ်ဆောင်နေတယ်လို့ ပြည်နယ်ရဲမှူးကြီးအောင်မြတ်မိုးက ဆိုပါတယ်။ “တားဆီးနှိမ်နင်းအပိုင်းမှာလည်း မူးယစ်တပ်ဖွဲ့သုံးစုရှိပါတယ်။ မောင်တောရယ်၊ ကျောင်ဖြူရယ်၊ စစ်တွေရယ် သူတို့အဖွဲ့နဲ့ နယ်မြေခံရဲတပ်ဖွဲ့နဲ့ပေါင်းပြီးတော့ ဖိဖိစီးစီး ဖမ်းဆီး နေတာတွေ ရှိပါတယ်။ အသေးအမွှားလေးတွေကအစ အသေးအမွားရယ်လို့ မထားဘဲ ပိုက်စိပ်တိုက်ရှာဖွေဖမ်းဆီးပြီးတော့ တဖက်ကလည်း ထိရောက်ပြစ်ဒဏ်ရှရှိရေး အရေးယူနေတာလည်း ရှိတယ်။” စစ်တွေမြို့ ရေချမ်းပြင်ဆိပ်ကမ်း မောင်တောသွားမယ့်ကားတစီးမှာ ဇွန်လ ၁၁ ရက် WY မူးယစ်ဆေးပြားပေါင်း ၃၄ သိန်း၊ ကာလတန်ဖိုးကျပ်သိန်းပေါင်း ၁ သောင်း ၂ ထောင်ကျော်ကို အများဆုံးဖမ်းရရှိခဲ့ပါတယ်။ ရခိုင်ပြည်နယ်မှာ စိတ်ကြွဆေးပြားဖမ်းဆီးရရှိမှုဟာ၂၀၁၀ ခုနှစ်မှာ ၂၁ မှု၊ ၂၀၁၁ နဲ့ ၁၂ ခုနှစ်မှာ ၁၈ မှု၊ ၂၀၁၃မှာ ၄၉ မှု၊ ၂၀၁၄ မှာ ၅၈ မှု၊ ၂၀၁၅ မှာ ၉၁ မှုနဲ့ ၂၀၁၆ ခုနှစ်မှာ ၄၁ မှုရှိခဲ့တယ်လို့ သိရှိရပါတယ်။ သတင်း-ဝဏ္ဏခွာညို
4 years Ago
Up