ရက်ရ်ှဖို့ဒ်

June 16, 2019

မန်ယူက ရက်ရ်ှဖို့ဒ်ကို တပတ်လုပ်ခ ပေါင် ၃ သိန်းခွဲပေးကာ စာချုပ်ချုပ်ရန် ပြင်ဆင်

မန်ချက်စတာယူနိုက်တက်အသင်းဟာ တိုက်စစ်မှူး မားကတ်စ်ရက်ရ်ှဖို့ဒ်ကို ဆက်လက်ထိန်းသိမ်းနိုင်ဖို့ တပတ်လုပ်ခ ပေါင် ၃ သိန်းခွဲထိပေးကာ စာချုပ်သစ်ချုပ်ဆိုဖို့ ပြင်ဆင်နေပါတယ်။ ရီးရဲလ်မက်ဒရစ်နဲ့ ဘာစီလိုနာတို့ရဲ့ ပစ်မှတ်ဖြစ်လာတဲ့ ရက်ရ်ှဖို့ဒ်ဟာ မန်ချက်စတာ ယူနိုက်တက်အသင်းနဲ့ တစ်နှစ်စာချုပ်သက်တမ်းသာ ကျန်ရှိတော့တာလည်း ဖြစ်ပါတယ်။ အခုလစာဟာ မန်ချက်စတာယူနိုက်တက် အသင်းကစားသမားတွေထဲမှာ အလက်ဆစ်ဆန်းချက်ဇ်ပြီးရင် အများဆုံးရရှိမယ့် ပမာဏလည်း ဖြစ်ပါတယ်။ မန်ချက်စတာယူနိုက်တက်အသင်းဟာ အနာဂတ်မှာ ကစားသမားကောင်းတွေကို ဆက်လက်ထိန်းသိမ်းနိုင်ရေးအတွက် စာချုပ်သစ်တွေ ချုပ်ဆိုဖို့ ပြင်ဆင်နေတာဖြစ်ပါတယ်။ ရက်ရ်ှဖို့ဒ်အပြင် ဒီဂီယာကိုလည်း အသင်းမှာ ဆက်ရှိနေရေးအတွက် စာချုပ်သစ်ချုပ်ဖို့ ပြင်ဆင်နေပေမယ့် ရီးရဲလ်မက်ဒရစ်အသင်းက အသည်းအသန်ခေါ်ယူဖို့ ကြိုးပမ်းနေတဲ့ ပေါ့ဘာကိုတော့ ဆက်လက်ထိန်းသိမ်းနိုင်ဖို့ မလွယ်ကူဘူးလို့ သိရပါတယ်။
2 years Ago

June 6, 2019

နယ်သာလန်ခံစစ်ကို ကျော်ဖြတ်နိုင်စွမ်းရှိဟု အင်္ဂလန်တိုက်စစ်မှူး ရက်ရ်ှဖို့ဒ် ပြော

နယ်သာလန်ခံစစ်မှာ ကမ္ဘာ့အကောင်းဆုံး ကစားသမားတွေ ရှိပေမယ့် ကျော်ဖြတ်နိုင်စွမ်း ရှိတယ်လို့ အင်္ဂလန်တိုက်စစ်မှူး ရက်ရ်ှဖို့ဒ်က ပြောပါတယ်။ အင်္ဂလန်လက်ရွေးစင်အသင်းဟာ နယ်သာလန်အသင်းနဲ့ နေးရှင်းလိဂ် ဆီမီးဖိုင်နယ် ပွဲစဉ်အဖြစ် ပေါ်တူဂီနိုင်ငံမှာ ယှဉ်ပြိုင်ကစားသွားမှာပါ။ နယ်သာလန်နောက်တန်းမှာ လီဗာပူးနောက်ခံလူ ဗန်ဒိုက်နဲ့ အေဂျက်နောက်ခံလူ ဒီလစ်တို့ ပါဝင်နေပြီး သူတို့နှစ်ဦးဟာ ကမ္ဘာ့အကောင်းဆုံး နောက်ခံလူတွေ ဖြစ်ပေမယ့်လည်း  အင်္ဂလန်တိုက်စစ်မှူးတိုင်းက သူတို့ကို ဖိအားပေးနိုင်စွမ်း ရှိတယ်လို့ ရက်ရ်ှဖို့ဒ်က ဆိုပါတယ်။ သူတို့ ခံစစ်မှူးနှစ်ဦးရဲ့ ခြေစွမ်းကို သိရှိပြီး လူကပ်ကစားလာမှာ ဖြစ်ပေမယ့်လည်း  အင်္ဂလန်တိုက်စစ်က သူတို့ကို ဒုက္ခပေးနိုင်စွမ်းရှိတယ်လို့ ရက်ရ်ှဖို့ဒ်က ပြောကြားခဲ့ပါတယ်။
2 years Ago
More News
Up