ယောဒေသ ရဲစခန်းမှူး

September 27, 2021

ယောဒေသ ရဲစခန်းမှူးနှင့် ရဲတပ်သား ၂ ဦး လက်နက်အပြည့်စုံဖြင့် CDM ပြုလုပ်

မကွေးတိုင်း၊ ယောဒေသ ရဲစခန်းတစ်ခုက စခန်းမှူးတစ်ယောက်နဲ့ ရဲတပ်သား နှစ်ယောက် လက်နက်အပြည်စုံနဲ့ အာဏာဖီဆန် CDM ပြုလုပ်ပြီး  ပြည်သူ့ရင်ခွင်ကို ခိုလှုံလာတယ်လို့ ယောဒေသကာကွယ်ရေးတပ်ဖွဲ့ကနေ သိရပါတယ်။

အဲဒီ စခန်းမှူးအပါအဝင် ရဲတပ်သားတွေရဲ့ မိသားစုဝင်တွေကို ဘေးကင်းလုံခြုံတဲ့နေရာကို ပို့ဆောင်ပေးလိုက်ပြီးတော့ ယောဒေသအတွင်းမှာ ပြည်သူ့ရင်ခွင်ကို ခိုလှုံလာတဲ့ ပြည်သူ့စစ်သားနဲ့ ပြည်သူ့ရဲ အရေအတွက်များပြားလာတယ်လို့ ပြည်သူ့ကာကွယ်ရေးတပ်ဖွဲ့ဝင်တစ်ယောက်က ဒီဗွီဘီကို ပြောပါတယ်။

ပြည်သူ့ရဲစခန်းမှူးနဲ့ ရဲတပ်ဖွဲ့ဝင်တွေ ဘေးကင်းတဲ့နေရာကို ရောက်သွားပြီဆိုပေမဲ့ ဘယ်ရဲစခန်းလည်းဆိုတာကိုတော့ အကြမ်းဖက်စစ်အုပ်စုတွေ စစ်ကြောင်းထိုးလာမှာစိုးလို့ မထုတ်ပြန်သေးဘဲ YDF တပ်ဖွဲ့နဲ့ ဂန့်ဂေါ PDF တို့ပူးပေါင်း တိုင်ပင်ပြီးမှ ထုတ်ပြန်သွားမယ်လို့ ဆိုပါတယ်။

4 weeks Ago
Up