ယူရိုပြိုင်ပွဲ

June 28, 2021

ယူရိုပြိုင်ပွဲမှထွက်ခဲ့ရသည့်အပေါ် ရှင်းပြရန်ခက်ခဲဟု ဟော်လန်ကွင်းလယ်လူ ဝီလ်နယ်ဒမ်း ပြော

နာမည်ကြီးဟော်လန်အသင်းဟာ ချက်အသင်းနဲ့ ကငစားခဲ့တဲ့ ၁၆ သင်းအဆင့် အရှုံးထွက်ပွဲစဉ်မှာ ၂ ဂိုး ဂိုးမရှိနဲ့ရူံးနိမ့်ပြီး ပြိုင်ပွဲကနေ ထွက်ခွာခဲ့ရပြီဖြစ်ပါတယ်။ 

ပထမပိုင်းမှာ ဂိုးသွင်းခွင့်တွေရခဲ့ပေမယ့် အသုံးမချနိုင်ခဲ့တဲ့ဟော်လန်အသင်းဟာ ပွဲချိန် ၅၂မိနစ်မှာ နောက်ခံလူ ဒီလစ် အနီကဒ်ပြ အထုတ်ခံခဲ့ရတာကြောင့် ပွဲအလှည့်အပြောင်းဖြစ်စေခဲ့တာပါ။ ပွဲချိန် ၆၈ မိနစ်မှာ သောမက်စ်ဟိုးစ်၏နဲ့ ပွဲချိန်မိနစ် ၈ဝမှာ ပထရစ် ရှစ်ခ်တို့က ချက်အသင်းအတွက်အ နိုင်ဂိုးတွေသွင်းယူခဲ့ပါတယ်။ အုပ်စုပွဲတွေမှာ လှပတဲ့ကစားဟန်နဲ့ နိုင်ပွဲဆက်တိုက်ရခဲ့ပေမယ့် ချက်နဲ့ပွဲမှာတော့ ဘယ်လိုမှ လှုပ်လို့မရခဲ့ကြောင်း အသင်းခေါင်းဆောင်ဝီလ်နယ်ဒမ်းကသုံးသပ်ခဲ့တာပါ။

“ပွဲမတိုင်ခင်က သူတို့ရဲ့ ကစားဟန်က အတော်လေးဝေဖန်ခံခဲ့ရကြောင်း၊ အဲဒီဝေဖန်မှုတွေကို အုပ်စုပွဲစဉ်တွေမှာ ပြောင်းပြန်လှန်နိုင်ခဲ့ကြောင်း၊ အဲဒီ့နေ့ပွဲမှာတော့ လှုပ်မရခဲ့ဘဲ ဘယ်လို ရှင်းပြရမလဲတောင် မသိကြောင်း၊ ရှင်းပြဖို့အလွန်ခက်ခဲ့ပေမယ့် လက်တွေ့မှာတော့ ပြိုင်ပွဲကနေ ထွက်ခွာခဲ့ရတယ်လို့  ဝီလ်နယ်ဒမ်းကပွဲ အပြီးမှာ ဖွင့်ဟပြောကြားခဲ့တာဖြစ်ပါတယ်။ 

7 months Ago

October 17, 2020

ကိုဗစ်ကြောင့် ၁၂ နိုင်ငံတွင် ကျင်းပမည့် ယူရိုပြိုင်ပွဲအစီအစဉ် ပြောင်းလဲကျင်းပဖွယ်ရှိ

ကိုဗစ်-၁၉ ကပ်ရောဂါအခြေအနေကြောင့် နိုင်ငံ ၁၂ ခုမှာ ကျင်းပမယ့် ယူရိုပြိုင်ပွဲအစီအစဉ် ကို ပြောင်းလဲကျင်းပဖွယ် ရှိပါတယ်။  ယူရို ၂၀၂၀ ပြိုင်ပွဲကို အခုနှစ်ဇွန်လမှာ စတင်ဖို့ သတ်မှတ်ထားပေမဲ့ ကိုဗစ်-၁၉ ကပ်ရောဂါ ကြောင့် ၂၀၂၁ ခုနှစ်ဇွန်လမှာ ကျင်းပဖို့ ပြောင်းလဲခဲ့တာပါ။  လက်ရှိအခြေအနေအရ ပြိုင်ပွဲဆက်လက်ကျင်းပမှာဖြစ်ပေမဲ့ မူလက စီစဉ်ထားတဲ့အတိုင်း နိုင်ငံ ၁၂ ခုက ကွင်း ၁၂ ခုမှာ ကျင်းပဖို့ မဖြစ်နိုင်တော့ဘူးလို့ သိရပါတယ်။  အထူးသဖြင့် အဇာဘိုင်ဂျန်နဲ့အာမေးနီးယားနိုင်ငံတွေက နိုင်ငံရေးတင်းမာမှုတွေရှိနေပြီး ရုရှားနိုင်ငံလည်း ပါဝင်ပတ်သက်နေတာကြောင့် အဲဒီ ၃ နိုင်ငံမှာ ကျင်းပမယ့်အစီအစဉ်ကို ဖျက်သိမ်းရနိုင်တယ်လို့ The Sun သတင်းစာက ဖော်ပြပါတယ်။  ဒါ့အပြင် စပိန်က ဘီလ်ဘာအိုကွင်းမှာကျင်းပဖို့ စီစဉ်ထားပေမဲ့ ကိုဗစ်-၁၉ ကပ်ရောဂါ ကြောင့် လက်မှတ်ရောင်းချဖို့ အခက်အခဲရှိတာမို့ ကွင်းပြောင်းကျင်းပဖို့ ရှိနေတာပါ။  ကိုဗစ်-၁၉ ကပ်ရောဂါအခြေအနေ ဆိုးရွားလာမယ်ဆိုရင်တော့ နိုင်ငံတခုက ကွင်း ၄ ကွင်း မှာပဲ ကျင်းပဖို့ စီစဉ်ထားတယ်လို့ သိရပါတယ်။ 
1 year Ago
Up