ယူနိုက်တက်

September 10, 2021

ယူနိုက်တက်နှင့်အတူ နောက်တဆင့်တက်ရန် အခွင့်အရေးကောင်းရှိနေဟု စီရော်နယ်ဒိုပြော

မန်ချက်စတာယူနိုက်တက်အသင်းဆီ ပြောင်းရွှေ့လာတဟာ နောက်တစ်ဆင့်တက်ဖို့အတွက် အခွင့် အရေးကောင်းတခုဖြစ်တယ်လို့ စီရော်နယ်ဒိုက ပြောပါတယ်။ 

စီရော်နယ်ဒိုဟာ မနေ့က အိုးထရက်ဖို့ဒ်ကွင်းကို ပြန်လည်ခြေချခဲ့ပြီး သူ့အတွက်ရော အသင်းနဲ့ ပတ်သက်သူတွေအတွက်ပါ နောက်တစ်ဆင့်တက်ဖို့ အခွင့်အရေးတစ်ခုဖြစ်တယ်လို့ အသင်းမီဒီယာကို ပြောခဲ့တာပါ။ 

“ကျနော်က အသင်းဖော‌ေတွေနဲ့အတူ စွမ်းဆောင်နိုင်စွမ်းရှိပါသေးတယ်။ ရှေ့ဆက်သွားဖို့ အဆင်သင့်ပါပဲ။ ကျနော့်အတွက် အခွင့်အရေးကောင်းတစ်ခုဖြစ်သလိ‌ေ အသင်းနဲ့ ပရိသတ်တွေအတွက်လည်း အခွင့်အရေးကောင်းတစ်ခုပါပဲ။ နောက်ထပ် ၃ နှစ် ၄ နှစ်လောက်အထိ အသင်းအတွက် ထိပ်တန်းကစားသမားတစ်ဦးအဖြစ် ဆက်ရှိနေမယ်လို့ ထင်ပြီး အဲဒီအတွက်လည်း အဆင်သင့်ဖြစ်နေပါပြီ” လို့ စီရော်နယ်ဒိုက ပြောပါတယ်။ 

ရော်နယ်ဒိုဟာ စနေနေ့ ကစားမယ့် နယူးကာဆယ်နဲ့ ပရီးမီးယားလိဂ်ပွဲစဉ်မှာ ယူနိုက်တက်အတွက် တစ်ကျော့ပြန်ပွဲထွက်ကစားပေးသွားဖို့ ရှိနေပါတယ်။ 

2 weeks Ago

August 28, 2021

ယူနိုက်တက်ကို ပြောင်းရွှေ့မည်ဟု စီရော်နယ်ဒိုက ကြိုတင်အသိပေးခဲ့ကြောင်း အီဗရာ ပြော

ယူနိုက်တက်အသင်းကို ပြောင်းရွှေ့ကစားတော့မှာဖြစ်ကြောင်း စီရော်နယ်ဒိုက ကြိုတင် အသိပေးခဲ့တယ်လို့ အသင်းနောက်ခံ လူဟောင်း အီဗရာကပြောပါတယ်။ 

ယူနိုက်တက်အသင်းမှာ အောင်မြင်မှုတွေ ရယူနိုင်ခဲ့တဲ့ဖူးတဲ့ အီဗရာနဲ့ ရော်နယ်ဒိုတို့ဟာ  Whatsapp ကနေ တစ်ဆင့် စကားပြောဆိုခဲ့ကြပြီး ရော်နယ်ဒိုက မန်ယူနိုက်တက်အသင်းဆီ ပြောင်းရွှေ့ကစားတော့မယ်လို့ အီဗရာကို အသိပေးခဲ့တာ ဖြစ်ပါတယ်။ 

ရော်နယ်ဒိုအနေနဲ့ သောကြာနေ့အစောပိုင်းကတည်းက ငါတို့ ယူနိုက်တက်အတွက် ကစား တော့မယ်ဆိုတာ ပြောခဲ့ကြောင်း အီဗရာက စခွင်ရှော့ သက်သေနဲ့တကွ တွစ်တာမှာ ပြသခဲ့တာဖြစ်ပါတယ်။ 

မန်ယူနိုက်တက်အသင်းက ရော်နယ်ဒိုကို ခေါ်ယူနိုင်ခဲ့ပြီဖြစ်ကြောင်း သတင်းထုတ်ပြန်အပြီး မှာတော့ ရော်နယ်ဒိုကို ပြောခဲ့တာကို တွစ်တာမှာတင်လို့ ရပြီဖြစ်ကြောင်း၊ ဘောလုံးသမိုင်းရဲ့ အကြီးမားဆုံးအပြောင်းအရွှေ့ဖြစ်ကြောင်း အီဗရာကတွစ်တာကနေ ရေးတင်ခဲ့တာဖြစ်ပါတယ်။

 Wahatsapp  မှာတော့ ရော်နယ်ဒိုက ယူနိုက်တက်အတွက် ကစားတော့မယ်ပြောခဲ့တာကို “ငါက မင်းအတွက် နောက်စရာမဟုတ်ဘူး” လို့ အီရောကပြန်ပြောခဲ့ပြီး ရော်နယ်ဒိုက နောက်တာမဟုတ်ကြောင်း ပြန်ပြောထားတာကို တွေ့ရပါတယ်။ 

ပြင်သစ်နောက်ခံလူဟောင်း အီဗရာနဲ့ ရော်နယ်ဒိုတို့ဟာ မန်ယူအသင်းမှာ ၂၀၀၆ ခုနှစ်ကနေ ၂၀၀၉ ခုနှစ်အထိ အတူကစားခဲ့ဖူးတာဖြစ်ပါတယ်။ 

4 weeks Ago
More News
Up